ନୂଆଦିଲ୍ଲୀ: ଦେଶରେ ପୁଣି ଉପରମୁହାଁ କୋରୋନା ଆକ୍ରାନ୍ତଙ୍କ ସଂଖ୍ୟା । ପ୍ରତିଦିନ ରେକର୍ଡ଼ ଭାଙ୍ଗୁଛି ଦୈନିକ ସଂକ୍ରମଣ । ଗତ 24 ଘଣ୍ଟାରେ ଦେଶରେ ନୂଆ 62 ହଜାର 258 କୋରୋନା ପଜିଟିଭ ଚିହ୍ନଟ ହୋଇଥିବା ବେଳେ 291 ଜଣଙ୍କର ମୃତ୍ୟୁ ଘଟିଛି । ଏନେଇ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ ଟ୍ବିଟ ଯୋଗେ ସୂଚନା ମିଳିଛି ।
ଏହାସହିତ 30 ହଜାର 386 ଜଣ ସୁସ୍ଥ ହୋଇଥିବା ବେଳେ ମୋଟ ସୁସ୍ଥଙ୍କ ସଂଖ୍ୟା 1 କୋଟି 12 ଲକ୍ଷ 95 ହଜାର 023ରେ ପହଞ୍ଚିଛି । ସେପଟେ ଦେଶରେ କୋରୋନାରେ ମୋଟ 1 କୋଟି 19 ଲକ୍ଷ 08 ହଜାର 910 ଜଣ ଆକ୍ରାନ୍ତ ହୋଇଥିବା ବେଳେ ସକ୍ରିୟ ରହିଛନ୍ତି 4 ଲକ୍ଷ 52 ହଜାର 647 ଜଣ । ଦେଶରେ କୋରୋନା ଜନିତ ମୃ୍ତ୍ୟୁ ସଂଖ୍ୟା 1 ଲକ୍ଷ 61 ହଜାର 240ରେ ପହଞ୍ଚିଛି ।
ଅନ୍ୟପଟେ ଏଯାବତ ଦେଶରେ ମୋଟ 5 କୋଟି 81 ଲକ୍ଷ 9 ହଜାର 773 ଜଣଙ୍କୁ କୋଭିଡ଼ ଟିକା ଦିଆସରିଥିବା ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ(ICMR) ପକ୍ଷରୁ ସୂଚନା ମିଳିଛି ।
@ANI
