ଚେନ୍ନାଇ: ୨୦୨୨ ର ପ୍ରଥମ ତାମିଲନାଡୁର ପ୍ରସିଦ୍ଧ ଜାଲିକାଟୁ ପ୍ରତିଯୋଗିତା ଥାଚାନକୁରିଚି ଠାରେ ଅନୁଷ୍ଠିତ ବେଳେ ଅଘଟଣ । ୪୪ ଜଣଙ୍କୁ କଚାଡି ଦେଲା ଷଣ୍ଢ । ଗୋପାଳକମାନେ ଅମାରରୁ ବାହାରିଆସିଥିବା ଷଣ୍ଢକୁ ଅଟକାଇବା ସମୟରେ ଷଣ୍ଢ ସେମାନଙ୍କୁ କଚାଡି ଆହତ କରିଥିଲା । ଆହତଙ୍କୁ ଉଦ୍ଧାର କରି ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।
ଜାଲିକାଟୁ ବେଳେ କଚାଡି ମାରିଲା ଷଣ୍ଢ, ୪୪ଜଣ ଆହତ
ଏହି ପ୍ରତିଯୋଗିତାରେ ଚଳିତ ବର୍ଷ ୬୦୦ ଷଣ୍ଢ ଏବଂ ୩୦୦ ଗୋରୁ ଭାଗ ନେଇଛନ୍ତି । ଜାଲିକାଟୁ ପ୍ରତିଯୋଗିତାକୁ ଆଇନ ମନ୍ତ୍ରୀ ରଘୁପାଠୀ, ପରିବେଶ ମନ୍ତ୍ରୀ ମାୟାନାଥନ୍ ଏବଂ ଜିଲ୍ଲାପାଳ କବିତା ରାମୁ ଉଦଘାଟନ କରିଥିଲେ ।
କୋରୋନା କଟକଣାକୁ ମାନି ଏହି ଷଣ୍ଢ ଲଢେଇ କାର୍ଯ୍ୟକ୍ରମ ଆୟୋଜନ ହୋଇଛି । ଯେଉଁମାନେ ଦୁଇଟି ଡୋଜ ଟୀକାକରଣ କରିଥିଲେ ସେମାନଙ୍କୁ ପ୍ରତିଯୋଗିତାରେ ଭାଗ ନେବାକୁ ଅନୁମତି ଦିଆଯାଇଥିଲା । RTPCR ଟେଷ୍ଟରେ ନେଗେଟିଭ ଥିବା ବ୍ୟକ୍ତିଙ୍କୁ ପ୍ରବେଶ ପାଇଁ ଅନୁମତି ରହିଥିଲା । ଏହାରି ଭିତରେ ଘଟିଥିଲା ଏକ ବଡ ଦୁର୍ଘଟଣା ।
