ବିଶାଖାପାଟନମ: ଭାରତୀୟ ନୌସେନାର ଯୁଦ୍ଧ ଜାହାଜ INS ରଣବିଜୟରେ ଅଗ୍ନିକାଣ୍ଡ । ଜାହାଜରେ ନିଆଁ ଲାଗି 4 ସୈନିକ ଆହତ ହୋଇଛନ୍ତି । ସମସ୍ତ ଆହତଙ୍କୁ ଏଇଏନଏସଏଚ କଲ୍ୟାଣୀରେ ଭର୍ତ୍ତି କରାଯାଇଛି ।
ଅଗ୍ନିକାଣ୍ଡ ସମୟରେ ଏହି ଯୁଦ୍ଧ ଜାହାଜ ବିଶାଖାପାଟନମ ବନ୍ଦରରେ ଥିଲା । ତେବେ ଆଇଏନଏସ ରଣବିଜୟରେ ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇପାରିନି । ହେଲେ ନୌସେନା ଯୁଦ୍ଧ ଜାହାଜରେ ଅଗ୍ନିକାଣ୍ଡ ଘଟଣାକୁ ବେଶ୍ ଗମ୍ଭୀରତାର ସହ ନେଇଛି । ଏହାସହିତ ଘଟଣାର ଯାଞ୍ଚ ଆଦେଶ ମଧ୍ୟ ଦିଆଯାଇଛି ।
ସୂଚନା ଅନୁଯାୟୀ, ବିଶାଖାପାଟନମ ବନ୍ଦରରେ ଫାୟାର ଫାଇଟିଙ୍ଗ୍ ସମୟରେ ହୋଇଛି ଏହି ଦୁର୍ଘଟଣା । ଏଥିରେ ଆହତ 4 ନୌସୈନିକଙ୍କ ଚିକିତ୍ସା ଜାରି ରହିଛି । ଅଗ୍ନିକାଣ୍ଡକୁ ନେଇ ଯାଞ୍ଚ ବୋର୍ଡକୁ ତଦନ୍ତର ନିର୍ଦ୍ଦେଶ ଦିଆଯାଇଛି ।
