ନୂଆଦିଲ୍ଲୀ: ମଙ୍ଗଳବାର ଆସିଥିବା ରିପୋର୍ଟ ଅନୁସାରେ, ଦେଶରେ ବହୁତ ଦିନ ପରେ 20 ହଜାର ତଳକୁ କୋରୋନା ସଂକ୍ରମଣ ସଂଖ୍ୟା ରିପୋର୍ଟ ହୋଇଛି। କହିବାକୁ ଗଲେ ଦେଶବାସୀଙ୍କ ପାଇଁ ଏହା ଏକ ପ୍ରକାର ଆଶ୍ବସ୍ତିକର ଖବର ରହିଛି।
ତେବେ କେନ୍ଦ୍ର ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟର ସଦ୍ୟତମ ରିପୋର୍ଟ ମୁତାବକ, ଗତ 24 ଘଣ୍ଟାରେ ଦେଶରେ 19 ହଜାର 556 ଟି ପଜିଟିଭ ରିପୋର୍ଟ ହୋଇଛି। ଯାହାକୁ ମିଶାଇ ବର୍ତ୍ତମାନ 1 କୋଟି 75 ହଜାର 116ରେ ପହଞ୍ଚିଛି ସଂକ୍ରମଣ ସଂଖ୍ୟା। ସେହିପରି ଗୋଟିଏ ଦିନରେ ରେକର୍ଡ ହୋଇଥିବା 301 ଜଣଙ୍କର ମୃତ୍ୟୁ କୁ ମିଶାଇ 1 ଲକ୍ଷ 46 ହଜାର 111ରେ ପହଞ୍ଚିଛି ମୃତ୍ୟୁ ସଂଖ୍ୟା।
ମୋଟ ଆକ୍ରାନ୍ତଙ୍କ ମଧ୍ୟରୁ ସୋମବାର 30 ହଜାର 376 ଜଣ ସୁସ୍ଥ ହୋଇଛନ୍ତି । ଆଉ ଏହାକୁ ମିଶାଇ ଦେଶରେ ମୋଟ ଆରୋଗ୍ୟ ସଂଖ୍ୟା 96 ଲକ୍ଷ 36 ହଜାର 487 ରେ ପହଞ୍ଚିଛି। 2 ଲକ୍ଷ 92 ହଜାର 518 ଜଣ କୋରୋନା ଆକ୍ରାନ୍ତ ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସାଧୀନ ଅଛନ୍ତି।
