ଲକ୍ଷ୍ନୌ:ଉତ୍ତରପ୍ରଦେଶର ଉନ୍ନାଓ ଜିଲ୍ଲାର ସାଲେମପୁର କାରୋୱାନ ଗ୍ରାମରେ ଏକ ଗ୍ୟାସ ସିଲିଣ୍ଡର ବିସ୍ଫୋରଣ ହୋଇଛି । ବିସ୍ଫୋରଣରେ ଆଠଜଣ ଶିଶୁଙ୍କ ସମେତ 15ଜଣ ଗୁରୁତର ଭାବରେ ଆହତ ହୋଇଛନ୍ତି ।
ସୂଚନାଅନୁସାରେ,କାରୋୱାନ ଗ୍ରାମର ମନୋଜ ସୋନକରଙ୍କ ଘରେ ଗ୍ୟାସରେ ଲିକେଜ ହୋଇଥିବାରୁ ବିସ୍ଫୋରଣ ହୋଇଥିବା କହିଛନ୍ତି ପୋଲିସ ଅଧୀକ୍ଷକ ସୁରେଶ ରାଓ ଏ କୁଲକର୍ଣ୍ଣି । ଦୁର୍ଘଟଣାରେ ମନୋଜ ସୋନକରଙ୍କ ପରିବାର ସମେତ ତାଙ୍କ ପଡୋଶୀ ମଧ୍ୟ ଗୁରୁତର ଭାବରେ ଆହତ ହୋଇଛନ୍ତି । ଆହତମାନଙ୍କ ମଧ୍ୟରେ ଆଠଜଣ ଶିଶୁ ଥିବା ଜଣାପଡିଛି ।
ଘଟଣାର ଖବର ପାଇବା ମାତ୍ରେ ନିଆଁକୁ ଆୟତ କରିବାକୁ ଅନେକ ଅଗ୍ନିଶମ ବାହିନୀ ନିୟୋଜିତ ଥିଲେ । ଆହତମାନଙ୍କୁ ଉଦ୍ଧାର କରାଯାଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଆହତମାନଙ୍କ ମଧ୍ୟରୁ ଦୁଇଜଣଙ୍କ ଅବସ୍ଥା ସଂକଟାପନ୍ନ ରହିଥିବା ଡାକ୍ତରଙ୍କ ପକ୍ଷରୁ ସୂଚନା ମିଳିଛି ।
@IANS
