ହାଇଦ୍ରାବାଦ: ତେଲେଙ୍ଗାନାରେ ଆଜି (ବୁଧବାର)ନୂଆ ଭ୍ୟାରିଏଣ୍ଟ ଓମିକ୍ରନର 14 ଟି ନୂତନ ସଂକ୍ରମଣ ମାମଲା ଚିହ୍ନଟ ହୋଇଛନ୍ତି । ଆଜିର ସଂଖ୍ୟାକୁ ମିଶାଇ ରାଜ୍ୟରେ ମୋଟ ସଂକ୍ରମଣ ସଂଖ୍ୟା 38କୁ ବୃଦ୍ଧି ପାଇଛି । ଏହି 14ଟି ନୂଆ ମାମଲାରୁ ୨ ଜଣ ଆକ୍ରାନ୍ତ ହାଇରିକ୍ସ ତାଲିକାରେ ଥିବା ଦେଶରୁ ଆସି ରାଜୀବ ଗାନ୍ଧୀ ଅନ୍ତର୍ଜାତୀୟ ବିମାନବନ୍ଦର (RGIA)ରେ ଅବତରଣ କରିଥିଲେ । ସେହିପରି ଅନ୍ୟ ୧୨ ଜଣ ମଧ୍ୟ ବିଦେଶ ଫେରନ୍ତା ବୋଲି ଚିହ୍ନଟ ହୋଇଛନ୍ତି ।
ଆଜି (ବୁଧବାର) ରାଜ୍ୟରେ ମୋଟ 182 ନୂଆ ସଂକ୍ରମଣ ଚିହ୍ନଟ ହେବା ସହ ମୋଟ ସଂଖ୍ୟା 6,80,074 ରେ ପହଞ୍ଚିଛି । ଆଜିର ସଂକ୍ରମିତଙ୍କ ମଧ୍ୟରେ ଗ୍ରେଟର ହାଇଦ୍ରାବାଦ ମ୍ୟୁନିସିପାଲିଟି କର୍ପୋରେସନ୍ (GHMC) ଅଧୀନରେ 91 ସଂକ୍ରମିତ ରହିଥିବା ବେଳେ ହନୁମାକୋଣ୍ଡାରୁ 18 ଜଣ ଆକ୍ରାନ୍ତ ରହିଥିବା ସ୍ବାସ୍ଥ୍ୟ ବିଭାଗ କହିଛି । ସେହିପରି ଆଜି ଆଉ ଜଣେ କୋଭିଡ ଆକ୍ରାନ୍ତଙ୍କ ମୃତ୍ୟୁ ସୂଚନା ମଧ୍ୟ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
