ରାଇରଙ୍ଗପୁର: ମୟୂରଭଞ୍ଜ ଜିଲ୍ଲାର NH 220 ବାଦାମପାହାଡ଼ ଥାନା ଅଞ୍ଚଳରେ ସିରିଜ ଦୁର୍ଘଟଣା । ସଡ଼କ ଦୁର୍ଘଟଣାରେ 2 ଜଣ ମୃତ୍ୟୁବରଣ କରିଥିବା ବେଳେ ଜଣେ ଆହତ ହୋଇଛନ୍ତି । ମୃତକଙ୍କ ମଧ୍ୟରେ ଜଣେ ଗର୍ଭବତୀ ମହିଳା ଅଛନ୍ତି । ତେବେ ଦଲକି ଛକରେ ଜଣେ ଯୁବକଙ୍କୁ ଧକ୍କା ଦେଇ ଫେରାର ହେଉଥିବା ବେଳେ ଖେରଣାରେ ଆଉ ଜଣେ ଗର୍ଭବତୀ ମହିଳାଙ୍କୁ ଧକ୍କା ଦେବା ପରେ ଗଛରେ ପିଟି ହୋଇଥିଲା କାର । କାରରେ ଥିବା ଯାତ୍ରୀମାନଙ୍କ ମଧ୍ୟରୁ ଜଣେ ଗୁରୁତର ଥିବା ଜଣାପଡିଛି । ଦେଉଁଗା ଗ୍ରାମର ଗର୍ଭବତୀ ମହିଳା ସାଲେହା ଖାତୁନ କେନ୍ଦୁଝରରୁ ସ୍ତ୍ରୀ ବିଶେଷଜ୍ଞ ଡ଼ଃକୁ ଦେଖେଇ ଘରକୁ ଫେରୁଥିବା ବେଳେ କାର ଆସି ତାଙ୍କୁ ଧକ୍କା ଦେଇଥିଲା । ଅନ୍ୟ ମୃତକ ଜଣକ ହେଲେ ଦଲକି ଗ୍ରାମର ଡାକ୍ତର ପାତ୍ର । ଏନେଇ ପୋଲିସ ତଦନ୍ତ ଜାରି ରଖିଛି ।
ଇଟିଭି ଭାରତ, ମୟୂରଭଞ୍ଜ