ଜଗତସିଂହପୁର: ନାଉଗାଁ ବ୍ଲକରେ କାର୍ଯ୍ୟରତ କନିଷ୍ଠ ଯନ୍ତ୍ରୀ ସ୍ମୃତି ରଞ୍ଜନ ନାୟକ 25 ହଜାର ଟଙ୍କା ଲାଞ୍ଚ ନେବା ସମୟରେ କଟକ ଭିଜିଲାନ୍ସ ବିଭାଗର ଏକ ସ୍ବତନ୍ତ୍ର ଟିମ ତାଙ୍କୁ ଗିରଫ କରିଛି । ଏହି ଲାଞ୍ଚ କାରବାରରେ ଅନ୍ୟଜଣେ ସମ୍ପୃକ୍ତ ବ୍ୟକ୍ତି ବବିନା ଦାସଙ୍କୁ ମଧ୍ୟ ଭିଜିଲାନ୍ସ ଗିରଫ କରିବା ସହିତ 25 ହଜାର ଟଙ୍କା ଜବତ କରିଛି । ସୁନ୍ଦରଗଡ ଜିଲ୍ଲାର ସ୍ମୃତି ରଞ୍ଜନ ନାୟକ ଜଗତସିଂହପୁର ଜିଲ୍ଲା ନାଉଗାଁ ବ୍ଲକରେ କନିଷ୍ଠ ଯନ୍ତ୍ରୀ ଭାବରେ କାର୍ଯ୍ୟ କରୁଥିଲେ । ବିଲ ପାସ କରିବା ପାଇଁ ଜଣେ ଠିକାଦାରଙ୍କ ଠାରୁ 25 ହଜାର ଟଙ୍କା ଲାଞ୍ଚ ମାଗିଥିଲେ । ସେ ସିଧାସଳଖ ଲଞ୍ଚ ନେବାକୁ ମନା କରିବା ସହିତ ବବିନା ଦାସ ନାମକ ଜଣେ ବ୍ୟକ୍ତିଙ୍କୁ ଲଞ୍ଚ ଟଙ୍କା ଦେବାକୁ କହିଥିଲେ ।
ଇଟିଭି ଭାରତ ,ଜଗତସିଂହପୁର
