Husband Killed Wife In Balasore: ବାଲେଶ୍ୱର: ସ୍ୱାମୀ ସାଜିଲା ସୈତାନ । ସାତଜନ୍ମ ପାଇଁ ସାଥି ହୋଇ ରହିବା ପାଇଁ ପଣ କରିଥିଲେ। ହେଲେ ସାମାନ୍ୟ କଳହ ଶେଷରେ ସ୍ତ୍ରୀକୁ ଠେଙ୍ଗାରେ ପିଟିପିଟି ସ୍ୱାମୀ ହତ୍ୟା କରିଥିବା ଅଭିଯୋଗ। ମୃତ ମହିଳା ଜଣକ ହେଲେ କାଞ୍ଚନ ପରିଡା । ଏଭଳି ଘଟଣା ଦେଖିବାକୁ ମିଳିଛି ଖଇରା ଥାନା ଅସୁରିଆ ଗାଁରେ । ଗତକାଲି ରାତିରେ ରମାକାନ୍ତ ଏବଂ କାଞ୍ଚନଙ୍କ ମଧ୍ୟରେ କୌଣସି କଥାକୁ ନେଇ ପାଟିତୁଣ୍ଡ ପରେ ଠେଙ୍ଗାରେ ସ୍ତ୍ରୀକୁ ଆକ୍ରମଣ କରିଥିଲେ । ଫଳରେ କାଞ୍ଚନଙ୍କ ମୃତ୍ୟୁ ହୋଇଯାଇଥିଲା । ସକାଳେ ଗ୍ରାମବାସୀ ରମାକାନ୍ତଙ୍କୁ ଅଟକ ରଖି ଖଇରା ପୋଲିସକୁ ଖବର ଦେଇଥିଲେ । ପୋଲିସ ଗାଁରେ ପହଞ୍ଚି ରମାକାନ୍ତଙ୍କୁ ନିଜ ହେପାଜତକୁ ନେଇ ତଦନ୍ତ ଜାରି ରଖିଛି।
ଏହା ମଧ୍ୟ ପଢନ୍ତୁ: ଶାବଳରେ ପିଟି ସ୍ତ୍ରୀକୁ ହତ୍ୟା କଲା ସୈତାନ ସ୍ୱାମୀ, ଅଭିଯୁକ୍ତ ଗିରଫ
ଇଟିଭି ଭାରତ, ବାଲେଶ୍ୱର
