ନୂଆଦିଲ୍ଲୀ: ସ୍ବାଧୀନତା ଦିବସର କେଇ ଦିନ ପୂର୍ବରୁ ଦିଲ୍ଲୀରୁ ଧରାପଡିଛି ଆଇଏସଆଇଏସ ଆତଙ୍କବାଦୀ । ଗୁରୁବାର ବିଳମ୍ବିତ ରାତିରେ ଦିଲ୍ଲୀ ପୋଲିସର ସ୍ପେଶାଲ ସେଲ୍ ଜଣେ ୱାଣ୍ଟେଡ ଆତଙ୍କବାଦୀକୁ ଗିରଫ କରିଛି । ତାର ନାଁ ରିଜୱାନ ଅଲ୍ଲୀ ଏବଂ ସେ ଦୀର୍ଘ ଦିନ ହେବ NIA ରାଡାରରେ ଥିଲା । ସେ କୁଖ୍ୟାତ ଆତଙ୍କବାଦୀ ସଂଗଠନ ଆଇଏସଆଇଏସ ପାଇଁ କାମ କରୁଥିଲା । ତା' ମୁଣ୍ଡ ଉପରେ ୩ ଲକ୍ଷ ଟଙ୍କା ଘୋଷଣା କରିଥିଲା NIA । ରିଜୱାନର ଘର ଦିଲ୍ଲୀ ଦରିଆଗଞ୍ଜ ଅଞ୍ଚଳରେ । ଆଉ ୬ ଦିନ ପରେ ସ୍ବାଧୀନତା ଦିବସ ଥିବାବେଳେ କାଲି ରାତିରେ ବିଶ୍ବସ୍ତ ସୂତ୍ରରୁ ଖବର ପାଇ ଦିଲ୍ଲୀ ପୋଲିସ ଆତଙ୍କବାଦୀ ରିଜୱାନକୁ ଗିରଫ କରିଛି । ତା' ନିକଟରୁ ଗୋଟିଏ ପିସ୍ତଲ, ୩ଟି ଅଫୁଟା ଗୁଳି, ଦୁଇଟି ଫୋନ ଜବତ କରାଯାଇଛି ।
ISIS module terrorist identified as Rizwan Ali has been arrested. NIA had declared a bounty of Rs 3 lakh on him. Rizwan is a resident of Daryaganj, Delhi: Special Cell, Delhi Police pic.twitter.com/YkFpHRLK5S
— ANI (@ANI) August 9, 2024
