ନୂଆଦିଲ୍ଲୀ: ଜେଲ ଫେରିଲେ କେଜ୍ରିୱାଲ । ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ୨୧ ଦିନିଆ ଜାମିନ ଶେଷ ହୋଇଛି । ଜାମିନର ଅବଧି ଶେଷ ହେବା ପରେ ଆଜି ରାଜଘାଟରେ ମହାତ୍ମାଗାନ୍ଧୀଙ୍କୁ ଶ୍ରଦ୍ଧାଞ୍ଜଳି ଜଣାଇବା ସହ ପିତାମାତାଙ୍କ ଆଶୀର୍ବାଦ ନେବା ପରେ ପାର୍ଟି ଅଫିସରେ ଦଳୀୟ କର୍ମକର୍ତ୍ତାଙ୍କ ସହ ଆଲୋଚନା କରିଥିଲେ । ଏହାପରେ ସର୍ତ୍ତ ଅନୁଯାୟୀ କେଜ୍ରିୱାଲ ଜେଲରେ ଆତ୍ମସମର୍ପଣ କରିଛନ୍ତି ।
କହିରଖୁଛୁ, ଦିଲ୍ଲୀ ଅବକାରୀ ଦୁର୍ନୀତି ମାମଲାରେ ଗିରଫ ହୋଇ ଜେଲରେ ଥିଲେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ପ୍ରଚାର ପାଇଁ ସୁପ୍ରିମକୋର୍ଟ ତାଙ୍କୁ ଜାମିନ ପ୍ରଦାନ କରିଥିଲେ । ଆଜି ତାଙ୍କର ଜାମିନ ଅବଧି ଶେଷ ହୋଇଛି । ପରବର୍ତ୍ତୀ ଶୁଣାଣି ପର୍ଯ୍ୟନ୍ତ ପୁଣି ଥରେ ତିହାର ଜେଲରେ ରହିବେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ।
