ମଝି ରାସ୍ତାରେ ବ୍ରେକ ଫେଲ ହେଲା ଟ୍ରକ, ଡ୍ରାଇଭରଙ୍କ ଉପସ୍ଥିତ ବୁଦ୍ଧି ବଞ୍ଚାଇଲା ଜୀବନ

Driver Narrow Escape from accident: କୋରାପୁଟ: କଥାରେ ଅଛି ଯାହାକୁ ରଖିବେ ଅନନ୍ତ କି ପାରିପାରେ ବଳବନ୍ତ । ଯାହାର ସଦ୍ୟତମ ଉଦାହରଣ ଦେଖିବାକୁ ମିଳିଛି କୋରାପୁଟରେ । ଯେଉଁଠି ଏକ ଅଟୋକୁ ଧକ୍କା ଦେଇଥିଲା ଟ୍ରକ । ତେବେ ଟ୍ରକ ଡ୍ରାଇଭରଙ୍କ ଉପସ୍ଥିତି ବୁଦ୍ଧି ଯୋଗୁଁ ସୌଭାଗ୍ୟ ବଶତଃ ଟ୍ରକଟି ଏହି ଦୁର୍ଘଟଣାର ଶିକାର ହୋଇଥିଲେ ମଧ୍ୟ କୌଣସି ବଡ଼ ଧରଣର କ୍ଷୟକ୍ଷତି ହେବା ପୂର୍ବରୁ ଅଳ୍ପକେ ବର୍ତ୍ତି ଯାଇଛି । ତେବେ ଛତିଶଗଡ ନମ୍ବର ଥିବା ଟ୍ରକଟି କିଛି ଜିନିଷ ନେଇ ରାଇପୁରରୁ ସେମିଳିଗୁଡା ଯାଉଥିବା ବେଳେ କୋରାପୁଟ ଆରଟିଓ ଅଫିସ ବ୍ରେକ ଫେଲ ହୋଇଥିଲା । ଏହାପରେ ଡ୍ରାଇଭର ଉପସ୍ଥିତ ବୁଦ୍ଧି ଖଟାଇ ଗାଡି ବ୍ରେକ ଫେଲ ହୋଇଛି ରାସ୍ତାରୁ ହଟିଯାଅ ବୋଲି ଚିତ୍କାର କରିଥିଲା l ଫଳରେ ରାସ୍ତାରେ ଯାଉଥିବା ଲୋକମାନେ ରାସ୍ତା କଡ଼କୁ ପଳାଇ ଆସିଥିଲେ l ଏନେଇ ରାସ୍ତାରେ ଯାଉଥିବା ଏକ ଅଟୋକୁ ପଛପଟୁ ଧକ୍କା ଦେଇ ପିଡବ୍ଲୁଡି କଲୋନୀ ପାଚେରୀରେ ଟ୍ରକଟି ପିଟି ହୋଇଥିଲା । ତେବେ ଏହି ଘଟଣାରେ ଟ୍ରକ ଡ୍ରାଇଭର ସାମାନ୍ୟ ଆହତ ହୋଇଥିବା ବେଳେ ଅନ୍ୟ କାହାରି କିଛି କ୍ଷତି ହୋଇନ ଥିବା ସୂଚନା ମିଳିଛି l ସେପଟେ ଖବରପାଇ ଘଟଣାସ୍ଥଳରେ କୋରାପୁଟ ଟାଉନ ପୋଲିସ ପହଞ୍ଚି ଅଧିକ ତଦନ୍ତ କରିଛି । ଏପରି ଘଟଣା ଜିଲ୍ଲାରେ ବାରମ୍ବାର ଘଟୁଥିବା ଯୋଗୁଁ କୋରାପୁଟ ସହରରେ ବାଇପାସ ରାସ୍ତା ନିର୍ମାଣ କରିବା ନେଇ ଦାବି ଜୋର ଧରିଛି । 

ଇଟିଭି ଭାରତ, କୋରାପୁଟ