ଭାରତୀୟ ଅଲିମ୍ପିକ୍ସ ଖେଳାଳିଙ୍କ ମନୋବଳ ଦୃଢ କଲେ ନିତା, ସୁଟର ମନୁ-ସରବଜୋତଙ୍କୁ କଲେ ସମ୍ବର୍ଦ୍ଧିତ - paris olympic 2024

PARIS OLYMPIC 2024: ପ୍ୟାରିସ: ଭାରତୀୟ ଅଲିମ୍ପିକ୍ ପ୍ରତିଯୋଗୀମାନଙ୍କ ଆତ୍ମବିଶ୍ବାସକୁ ଶକ୍ତି ଯୋଗାଇଛନ୍ତି ନିତା ଅମ୍ବାନୀ । ଗତକାଲି ଭାରତ ପାଇଁ ଏକ ଅବିସ୍ମରଣୀର ମୂହୁର୍ତ୍ତ ଥିଲା । ସୁଟିଂରେ ମନୁ ଭାକର ଏବଂ ସରବଜୋତ ଦେଶ ପାଇଁ ଦ୍ବିତୀୟ ମେଡାଲ ଆଣିଥିଲେ । ଏହାପରେ ସାରା ଦେଶରେ ତାଙ୍କ ପ୍ରତି ଶୁଭେଚ୍ଛାର ସୁଅ ଛୁଟିଥିଲା । ତେବେ ଖେଳାଳୀମାନଙ୍କୁ ଉତ୍ସାହିତ କରିବା ଏବଂ ଆତ୍ମବିଶ୍ବାସକୁ ବଢାଇବା ପାଇଁ ବିଶିଷ୍ଟ ଶିଳ୍ପପତି ନିତା ଅମ୍ବାନୀ ସେମାନଙ୍କୁ ସମ୍ବର୍ଦ୍ଧନା କରିଛନ୍ତି । ଏହି ଅବସରରେ ପ୍ୟାରିସର ଇଣ୍ଟିଆ ହାଉସ ଠାରେ ଏକ ସ୍ବତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ବାଜା ବଜାଇ ଖେଳାଳିମାନଙ୍କୁ ସ୍ବାଗତ କରିବା ସହ  ସୁଟର ମନୁ ଭାକରେ ଏବଂ ସରବଜୋତଙ୍କୁ ଉପଢୌକନ ଦେଇ ସମ୍ବର୍ଦ୍ଧନା କରିଥିଲେ  ନିତା ଅମ୍ବାନୀ । ଏହି ସମୟରେ ଭାରତ ମାତା କି ଜୟ ନାରାରେ ସମଗ୍ର ପରିବେଶ ପ୍ରକମ୍ପିତ ହୋଇଥିଲା । 

ବ୍ୟୁରୋ ରିପୋର୍ଟ, ଇଟିଭି ଭାରତ