ନବରଙ୍ଗପୁରରେ ଓଡ଼ିଶା ପୋଲିସର ୮୯ ତମ ପ୍ରତିଷ୍ଠା ଦିବସ ପାଳିତ - Odisha Police

Nabarangpur Police ନବରଙ୍ଗପୁର: ଜିଲ୍ଲା ରିଜର୍ଭ ପୋଲିସ ପଡ଼ିଆ ଠାରେ ୮୯ ତମ ଓଡ଼ିଶା ପୋଲିସ ପ୍ରତିଷ୍ଠା ଦିବସ ମହାସମାରୋହରେ ପାଳିତ ହୋଇଯାଇଛି । ଏହି ଅବସରରେ ପୋଲିସ ପରେଡ କାର୍ଯ୍ୟକ୍ରମରେ ଜିଲ୍ଲା ଆରକ୍ଷୀ ଅଧିକ୍ଷକ ରୋହିତ ବର୍ମା ମୁଖ୍ୟ ଅତିଥି ଭାବେ ଯୋଗଦେଇ ପରେଡ ଅଭିବାଦନ ଗ୍ରହଣ କରିଥିଲେ । ଏହି କାର୍ଯ୍ୟକ୍ରମରେ ୪ ପ୍ଲାଟୁନ ପୋଲିସ ଫୋର୍ସ ଯୋଗ ଦେଇଥିବା ବେଳେ ୪ ଜଣ ପୋଲିସ କର୍ମଚାରୀଙ୍କୁ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ଓ ସଫଳତା ପାଇଁ ସମ୍ମାନୀତ କରାଯାଇଥିଲା । ପୋଲିସ ସର୍ବଦା ଜନ ସାଧାରଣଙ୍କ ପାଇଁ ସମର୍ପିତ ହୋଇ ରହିଛି ବୋଲି କହିବା ସହ ପୋଲିସ, ଜନ ଭାଗିଦାରୀତା ଓ ସହଯୋଗୀତା ଫଳରେ ହିଁ ସମାଜରେ ଶାନ୍ତି ପ୍ରତିଷ୍ଠା ସମ୍ଭବ ବୋଲି ଆରକ୍ଷୀ ଅଧିକ୍ଷକ କହିଥିଲେ । ଆଜିର ଏହି କାର୍ଯ୍ୟକ୍ରମରେ ଅନ୍ୟତମ ଅତିଥି ଭାବେ ନବରଙ୍ଗପୁର ଜିଲ୍ଲାପାଳ ଡ଼ଃ କମଳ ଲୋଚନ ମିଶ୍ରଙ୍କ ସହ ସିଆରପିଏଫ୍ କମାଣ୍ଡେଣ୍ଟ ଏମ.କେ.କେ ପ୍ରସାଦ ଯୋଗ ଦେଇଥିଲେ ।

ଇଟିଭି ଭାରତ, ନବରଙ୍ଗପୁର