ଅନ୍ତିମ ପର୍ଯ୍ୟାୟ ମତଦାନ; ଭୋଟ ଦେଲେ ରାଜନଗର ବିଜେଡି ବିଧାୟକ ପ୍ରାର୍ଥୀ ଧ୍ରୁବଚରଣ ସାହୁ - DhruvCharan Sahu Casts His Vote

କେନ୍ଦ୍ରାପଡା: ଆଜି ରାଜ୍ୟରେ ଶେଷ ପର୍ଯ୍ୟାୟ ନିର୍ବାଚନ । ଓଡ଼ିଶାର ୬ ଲୋକସଭା ସହ ୪୨ ବିଧାନସଭା ଆସନ ପାଇଁ ପଡୁଛି ଭୋଟ । ଆଜି ଶେଷ ପର୍ଯ୍ୟାୟରେ କେନ୍ଦ୍ରାପଡାରେ ମଧ୍ୟ ମତଦାନ ହେଉଥିବା ବେଳେ ଭୋଟ ଦେଲେ ରାଜନଗର ନିର୍ବାଚନ ମଣ୍ଡଳୀ ବିଧାୟକ ତଥା ବିଜେଡି ବିଧାୟକ ପ୍ରାର୍ଥୀ ଧ୍ରୁବଚରଣ ସାହୁ । ନିଜ ପୈତୃକ ଗାଁ ବେଲପାଳସ୍ଥିତ ବେଲପାଳ ନିମ୍ନ ମୌଳିକ ବିଦ୍ୟାଳୟର ୧୦୮ ନମ୍ବର ବୁଥରେ ମତଦାନ କରିଛନ୍ତି ଧ୍ରୁବ । ଉକ୍ତ ବିଦ୍ୟାଳୟରେ ତିନୋଟି ବୁଥ ହୋଇଥିବା ବେଳେ ନିର୍ବାଚନ ଅଧିକାରୀଙ୍କ ନିର୍ଦ୍ଦେଶକ୍ରମେ ଏଠାରେ କେନ୍ଦ୍ରୀୟ ସୁରକ୍ଷା ଦଳ ସହ ବ୍ୟାପକ ବ୍ୟବସ୍ଥା କରାଯାଇଛି । ମତଦାନ ପରେ ଧ୍ରୁବ ଗଣମାଧ୍ୟମକୁ ପ୍ରତିକ୍ରିୟା ଦେଇ ଲୋକଙ୍କୁ ଭୋଟ ଦେବାକୁ ଅପିଲ କରିଛନ୍ତି । ଏଥିସହ ସେ କହିଛନ୍ତି, ''ରାଜନଗର ଜନସାଧାରଣଙ୍କୁ ତାଙ୍କୁ ଏ ମାଟିର ସେବା କରିବା ପାଇଁ ଆହୁରି ଶକ୍ତି ଦେବା ସହ ରାଜନଗର ଜନସାଧାରଣ ଯେଉଁଭଳି ଭାବରେ ତାଙ୍କୁ ଆଶୀର୍ବାଦ ଦେଇଛନ୍ତି ସେଥିପାଇଁ ସେ ଚିର ଋଣୀ ରହିଛନ୍ତି । ଏଭଳି ଆଶୀର୍ବାଦ ଆଗକୁ ରହିଥାଉ ବୋଲି କହିଛନ୍ତି ଧ୍ରୁବ।''
 

ଏହା ମଧ୍ୟ ପଢନ୍ତୁ: ଆଜି ଅନ୍ତିମ ପର୍ଯ୍ୟାୟ ନିର୍ବାଚନ, ଭୋଟ ଦେଲେ ବିଜେପି ସାଂସଦ ପ୍ରାର୍ଥୀ ନବ ଚରଣ

ଇଟିଭି ଭାରତ, କେନ୍ଦ୍ରାପଡା