'ବ୍ରହ୍ମପୁରରେ ମୋଦିଙ୍କ ସଭା ପରେ ବିଜୟ ଏବେ ଶତ ପ୍ରତିଶତରେ ପରିଣତ ହୋଇଛି' - Bjp Candidate K Anil Kumar

One to one with Berhampur Bjp Candidate K Anil Kumar: ବ୍ରହ୍ମପୁର: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପ୍ରଥମ ଥର ପାଇଁ ବ୍ରହ୍ମପୁର ଗସ୍ତ କରି ଆୟୋଜିତ ସଭା ପରେ ଏହାକୁ ନେଇ ବିଜେପିର ଦଳୀୟ କର୍ମକର୍ତ୍ତାଙ୍କଠାରୁ ଆରମ୍ଭ କରି କର୍ମୀଙ୍କ ମଧ୍ୟରେ ଦେଖିବାକୁ ମିଳୁଛି ଶତ ପ୍ରତିଶତ ଗ୍ୟାରେଣ୍ଟି । ଦିନକୁ ଦିନ ବ୍ରହ୍ମପୁର ସହରରେ ବିଜେପି ବିଧାୟକ ପ୍ରାର୍ଥୀଙ୍କ ପ୍ରଚାରରେ ଜମୁଛି ଭିଡ । ଏଭଳି ନିଜର ନିର୍ବାଚନ ପ୍ରଚାର ସମୟରେ ଇଟିଭି ଭାରତ ସହିତ ଆଲୋଚନା ସମୟରେ ପ୍ରକାଶ କରିଛନ୍ତି ବ୍ରହ୍ମପୁର ବିଧାନସଭାର ବିଜେପି ଦଳର ବିଧାୟକ ପ୍ରାର୍ଥୀ କେ.ଅନିଲ କୁମାର । ରାଜ୍ୟର ପ୍ରଥମ ପର୍ଯ୍ୟାୟର ମତଦାନ ପାଇଁ ଶେଷ ପର୍ଯ୍ୟାୟରେ ଜମିଲାଣି ପ୍ରାର୍ଥୀମାନଙ୍କ ପ୍ରଚାର । ବ୍ରହ୍ମପୁର ବିଧାନସଭା ନିର୍ବାଚନ ମଣ୍ଡଳୀରେ ଉଭୟ ଦଳୀୟ ଓ ସ୍ବାଧୀନ ପ୍ରାର୍ଥୀମାନଙ୍କ ପ୍ରଚାର ଜାରି ରହିଥିବା ବେଳେ ଏହି ଅବସରରେ ବିଜେପି ଦଳ ପକ୍ଷରୁ ସହରର ୱାର୍ଡରୁ ୱାର୍ଡକୁ ଏବଂ ଘରକୁ ଘର ବୁଲି ପ୍ରଚାର କରୁଛନ୍ତି ବିଜେପି ପ୍ରାର୍ଥୀ କେ.ଅନିଲ କୁମାର ।  

ପୂର୍ବରୁ ବ୍ରହ୍ମପୁର ସହରରେ କର୍ପୋରେଟର ଭାବରେ ନିର୍ବାଚିତ ହୋଇଥିବା ଅନିଲ ବିଜେପି ଦଳରୁ ପ୍ରାର୍ଥୀ ହୋଇଥିବା ବେଳେ ନିଜର ସମର୍ଥକ ଏବଂ ଦଳୀୟ କର୍ମକର୍ତ୍ତାଙ୍କୁ ନେଇ ସ୍ଥାନୀୟ ଅଞ୍ଚଳର ରହିଥିବା ବିଭିନ୍ନ ସମସ୍ୟା ଓ ତାହାର ସମାଧାନ ପାଇଁ ପ୍ରତିଶୃତି ଦେଇ ନିର୍ବାଚନରେ ବିଜୟୀ ହେବାକୁ ପ୍ରଚାର କରୁଛନ୍ତି । ରାଜନୀତି ନୁହେଁ ସେବାର ଏ ସଂକଳ୍ପ, ପଦବୀ ନୁହେଁ ବିକାଶ ପାଇଁ ଏ ଯାତ୍ରା କହିବା ସହିତ ବ୍ରହ୍ମପୁରର ଉଜ୍ଜ୍ବଳ ଭବିଷ୍ୟତ ପାଇଁ ମୋର ଏ ଲଢ଼େଇ ବୋଲି ପ୍ରକାଶ କରିଛନ୍ତି କେ.ଅନିଲ କୁମାର । ଏହି ଅବସରରେ ନିର୍ବାଚନୀ ପ୍ରଚାର ଆରମ୍ଭ କରିଥିବା କେ.ଅନିଲ କୁମାରଙ୍କ ତାଙ୍କର ନିର୍ବାଚନ ପ୍ରଚାର ସମୟରେ ଏହି ଅବସରରେ ଆଲୋଚନା କରିଛନ୍ତି ଆମ ବ୍ରହ୍ମପୁର ସମ୍ବାଦଦାତା ସମୀର ଆଚାର୍ଯ୍ୟ...