ବୌଦ୍ଧରେ ‘ହାତ’ର ଶକ୍ତି ପ୍ରଦର୍ଶନ, ନାମାଙ୍କନ ଭରିଲେ ଦୁଇ କଂଗ୍ରେସ ପ୍ରାର୍ଥୀ - NABA KUMAR MISHRA FILES NOMINATION

ବୌଦ୍ଧ: କଂଗ୍ରେସର ଶକ୍ତି ପ୍ରଦର୍ଶନ । ଆଜି ବୌଦ୍ଧ ନିର୍ବାଚନ ମଣ୍ଡଳୀ ପାଇ କଂଗ୍ରେସ ପ୍ରାର୍ଥୀ ନବ କୁମାର ମିଶ୍ର ନାମାଙ୍କନ ଭରିଛନ୍ତି । ନିଜର ଶହ ଶହ ସମର୍ଥକଙ୍କ ସହ ବିରାଟ ଶୋଭାଯାତ୍ରାରେ ଆସି ପ୍ରାର୍ଥୀପତ୍ର ଦାଖଲ କରିଛନ୍ତି । ସେହିପରି କଣ୍ଟାମାଳ ନିର୍ବାଚନୀ ମଣ୍ଡଳୀ ପାଇଁ କଂଗ୍ରେସ ପ୍ରାର୍ଥୀ ସରୋଜ କୁମାର ପ୍ରଧାନ ମଧ୍ୟ ନାମାଙ୍କନ ଭରିଛନ୍ତି । ତେବେ ଉଭୟ ନିର୍ବାଚନ ମଣ୍ଡଳୀର କଂଗ୍ରେସ ପ୍ରାର୍ଥୀଙ୍କ ସହିତ କନ୍ଧମାଳ ସାଂସଦ ପ୍ରାର୍ଥୀ ଅମିର ଚାନ୍ଦ ନାଏକ ମଧ୍ୟ ସାମିଲ ହୋଇଥିଲେ । ଚଳିତ ନିର୍ବାଚନରେ ରାଜ୍ୟ ଏବଂ କେନ୍ଦ୍ର ସରକାରଙ୍କ ଅବହେଳାକୁ ମୁଖ୍ୟ ମୁଦ୍ଦା କରି ଲୋକଙ୍କ ପାଖକୁ ଯିବି ବୋଲି କହିଛନ୍ତି ବୌଦ୍ଧ ବିଧାନସଭାର ପ୍ରାର୍ଥୀ ନବ କୁମାର ମିଶ୍ର । ବିଜେପି-ବିଜେଡି ମଧ୍ୟରେ ସମ୍ପର୍କକୁ ଲୋକେ ଜାଣି ସାରିଲେଣି ତେଣୁ ଏଥର ଲୋକେ କଂଗ୍ରେସକୁ ହିଁ ଭୋଟ ଦେବେ ବୋଲି ସେ ଦୃଢୋକ୍ତି ପ୍ରକାଶ କରିଛନ୍ତି ।      

ବୌଦ୍ଧ, ଇଟିଭି ଭାରତ