ଚାଲିଛି ନେତାଙ୍କ ଭାଗ୍ୟ ପରୀକ୍ଷା, ବଣାଇରେ ସବୁଠୁ ଅଧିକ ମତଦାନ - SUNDARGARH CANDIDATE CAST VOTE

ରାଉରକେଲା: ସୁନ୍ଦରଗଡ଼ ଜିଲ୍ଲାରେ ଚାଲିଛି ଦ୍ୱିତୀୟ ପର୍ଯ୍ୟାୟରେ ମତଦାନ । ଜିଲ୍ଲାର 7ଟି ଲୋକସଭା ମଣ୍ଡଳୀରେ ମତଦାନ କରୁଛନ୍ତି ଲୋକେ । ସବୁଠି ଚାଲିଛି ଜୋରଦାର ଭାବରେ ମତଦାନ । ଚାଲିଛି ନେତାଙ୍କ ଭାଗ୍ୟ ପରୀକ୍ଷା । ଏହାରି ଭିତରେ ସୁନ୍ଦରଗଡ଼ରେ ଦିନ ଗୋଟାଏ ସୁଦ୍ଧା 36.32 ପ୍ରତିଶତ ମତଦାନ ହୋଇ ଥିବେବେଳେ ବର୍ତ୍ତମାନ ସୁଦ୍ଧା ବଣାଇ ନିର୍ବାଚନ ମଣ୍ଡଳୀରେ ସବୁଠାରୁ ଅଧିକ ଭୋଟ ପଡ଼ିଥିବା ଜଣାପଡ଼ିଛି । ବଣାଇରେ 47.20 ପ୍ରତିଶତ ଭୋଟ ଦେଇ ମତ ସାବ୍ୟସ୍ତ କରି ଥିବାବେଳେ ବୀରମିତ୍ରପୁର 37.20 ପ୍ରତିଶତ ,ରାଉରକେଲାରେ 30.16 ପ୍ରତିଶତ, ରାଜଗାଙ୍ଗପୁରରେ 32.20 ପ୍ରତିଶତ,ରଘୁନାଥପାଲ୍ଲୀରେ 36.74 ପ୍ରତିଶତ ଏବଂ ସୁନ୍ଦରଗଡ଼ରେ 36.00 ପ୍ରତିଶତ ଏବଂ ତଳସରାରେ 35.00 ପ୍ରତିଶତ ଭୋଟ ହୋଇଛି । 

ସେପଟେ ବଣାଇ ବିଧାୟକ ଲକ୍ଷ୍ମଣ ମୁଣ୍ଡା ସାଧାରଣ ଲୋକଙ୍କ ଭଳି ଲାଇନରେ ଛିଡ଼ା ହୋଇ ଭୋଟ ଦେଇଛନ୍ତି । ସେହିପରି ରାଜଗାଙ୍ଗପୁର ନିର୍ବାଚନ ମଣ୍ଡଳୀର ବିଜେଡି ବିଧାୟକ ପ୍ରାର୍ଥୀ ଅନୀଲ ବରୁଆ ମଧ୍ୟ ନିଜର ମତଦାନ ସାବ୍ୟସ୍ତ କରିଛନ୍ତି । ରାଉରକେଲା ବିଧାନସଭା ମଣ୍ଡଳୀର ତିନି ପ୍ରାର୍ଥୀ ସାରଦା ନାୟକ, ଦିଲ୍ଲୀପ ରାୟ ଏବଂ ବିରେନ୍ଦ୍ର ନାଥ ପଟ୍ଟନାୟକ ମଧ୍ୟ ମତ ସାବ୍ୟସ୍ତ କରିଛନ୍ତି ।

ଇଟିଭି ଭାରତ,ସୁନ୍ଦରଗଡ଼