କମଳା ମହାରଣାଙ୍କୁ ଆଣ୍ଠୁ ମାଡି ନମସ୍କାର କଲେ ପ୍ରଧାନମନ୍ତ୍ରୀ, ଜାଣନ୍ତୁ କିଏ ଏହି ମହିଳା - Modi touches feet of women

କେନ୍ଦ୍ରାପଡ଼ା: ଆଣ୍ଠୁ ମାଡି କମଳା ମହାରଣାଙ୍କୁ ନମସ୍କାର କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଅନାବନା ପ୍ଲାଷ୍ଟିକ ରଶିରୁ ଗାଲିଚା ସମେତ ଘରକରଣା ଜିନିଷ ତିଆରି କରି ପ୍ରଧାନମନ୍ତ୍ରୀଙ୍କ ମାସ ଶେଷ ରବିବାରରେ ଅନୁଷ୍ଠିତ 'ମନ କି ବାତ' କାର୍ଯ୍ୟକ୍ରମରେ କେନ୍ଦ୍ରାପଡା ଜିଲ୍ଲା ଗୁଲନଗର ପଞ୍ଚାୟତ ଖଇରାବାଦ ଗାଁର କମଳା ମହାରଣା ସ୍ଥାନ ପାଇଥିଲେ । କମଳାଙ୍କ ଏହି ମହାନ କାମ ସମ୍ପର୍କରେ ଜାଣିବା ପରେ ପ୍ରଧାନମନ୍ତ୍ରୀ କମଳାଙ୍କ କାମକୁ ପ୍ରଶଂସା କରିଥିବାବେଳେ ଏହି କାମରେ ଆଗକୁ ବଢିବା ପାଇଁ ପ୍ରେରଣା ଯୋଗାଇଥିଲେ ।

ତେବେ ଆଜି କେନ୍ଦ୍ରାପଡା ଲୋକସଭା ନିର୍ବାଚନ ମଣ୍ଡଳୀକୁ ନିର୍ବାଚନୀ ପ୍ରଚାରରେ ଆସିଥିବାବେଳେ କମଳା ମଞ୍ଚରେ ତାଙ୍କୁ ସାକ୍ଷାତ କରିବା ସହ ମଞ୍ଚରେ ପ୍ରଧାନମନ୍ତ୍ରୀଙ୍କୁ ଆଣ୍ଠୁ ମାଡ଼ି ନମସ୍କାର କରିବା ସମୟରେ ମୋଦି ପ୍ରତି ନମସ୍କାରରେ କମଳାଙ୍କୁ ମଧ୍ୟ ଆଣ୍ଠୁମାଡ଼ି ନମସ୍କାର କରିବା ଦୃଶ୍ୟ ଉପସ୍ଥିତ ଲକ୍ଷାଧିକ କର୍ମୀଙ୍କ ମନକୁ ବିମୋହିତ କରିଥିଲା । ସୂଚନାଯୋଗ୍ୟ, ଚଳିତବର୍ଷ ରକ୍ଷାବନ୍ଧନ ଉତ୍ସବ ସମୟରେ ପ୍ରଧାନମନ୍ତ୍ରୀଙ୍କ ଉଦ୍ଦେଶ୍ୟରେ ରାକ୍ଷୀ ପଠାଇ ମଧ୍ୟ ଚର୍ଚ୍ଚାରେ ରହିଥିଲେ କମଳା । ତେବେ ପ୍ରଧାନମନ୍ତ୍ରୀ ଆଜି ଏତେ ଲୋକଙ୍କ ଆଗରେ ଭରା ମଞ୍ଚରେ ଆଣ୍ଠୁ ମାଡ଼ି ନମସ୍କାର କରିବାର ଦୃଶ୍ୟ ଆଜି ଦିନସାରା ସୋସିଆଲ ମିଡିଆରେ ଭାଇରାଲ ହେଉଛି । ସାରା ରାଜ୍ୟରେ ପ୍ରଶଂସା ସାଉଁଟିଥିବା କମଳାଙ୍କୁ ଏହି ବିଶେଷ ଅନୁଭୂତି ସମ୍ପର୍କରେ ପଚାରି ବୁଝିବା ପାଇଁ ଆମେ ତାଙ୍କ ଘରେ ପହଞ୍ଚିଥିଲୁ ଓ ତାଙ୍କ ସହ ଆଲୋଚନା କରିଥିଲୁ..

ଇଟିଭି ଭାରତ, କେନ୍ଦ୍ରାପଡ଼ା