ମହାରାଣୀଙ୍କ ସହ ଭୋଟ ଦେଲେ ପୁରୀ ଗଜପତି, ନିଜ ବିବେକ ଓ ଦେଶ-ରାଜ୍ୟର ଭବିଷ୍ୟତକୁ ଦେଖି ଭୋଟ ଦେବାକୁ କଲେ ଅପିଲ୍‌ - GAJAPATI MAHARAJ CAST VOTE

ପୁରୀ: ଗଣତନ୍ତ୍ରର ମହାପର୍ବରେ ସାମିଲ ହୋଇ ନିଜର ସାମ୍ବିଧାନିକ ମତାଧିକାର ସାବ୍ୟସ୍ତ କରିଛନ୍ତି ମହାପ୍ରଭୁ ଜଗନ୍ନାଥଙ୍କ ଆଦ୍ୟସେବକ ଗଜପତି ମହାରାଜା ଦିବ୍ୟ ସିଂହଦେବ । ପତ୍ନୀ ତଥା ମହାରାଣୀ ଲୀଳାବତୀ ପାଟମହାଦେଇଙ୍କ ସହ ମହାରାଜ ପୁରୀର ୧୫ ନମ୍ବର୍ ୱାର୍ଡର ଦୋଳମଣ୍ଡପ ସାହି ଉଚ୍ଚପ୍ରାଥମିକ ବିଦ୍ୟାଳୟରେ ହୋଇଥିବା 114 ନମ୍ବର ବୁଥରେ ଭୋଟ ଦେଇଛନ୍ତି । ଏହା ସହ ସେ ଏହି ମହାନ ଗଣତାନ୍ତ୍ରିକ ପର୍ବରେ ସମସ୍ତେ ସାମିଲ ହେବାକୁ ମଧ୍ୟ ଆହ୍ବାନ ଦେଇଛନ୍ତି । ଗଜପତି କହିଛନ୍ତି,‘‘ ଆମ ଦେଶ ଓ ରାଜ୍ୟର ଉନ୍ନତି କରିବାକୁ ହେଲେ ଉପଯୁକ୍ତ ପ୍ରାର୍ଥୀ ଚୟନ ଆବଶ୍ୟକତା ରହିଛି । ଏଣୁ ପ୍ରତ୍ୟେକ ଭୋଟର ନିଜର ବିବେକ ଅନୁସାରେ ମତାଧିକାର ସାବ୍ୟସ୍ତ କରିବା ଉଚିତ । ଆଜି ରାଜ୍ୟରେ 3ୟ ପର୍ଯାୟ ମତଦାନ ଜାରି ରହିଛି । 6 ଲୋକସଭା ଆସନ ସହ 42 ବିଧାନସଭା ଆସନରେ ଆଜି ଭୋଟିଂ ହେଉଛି ।

ଇଟିଭି ଭାରତ, ପୁରୀ