ନବୀନ ୱାରେଣ୍ଟି ଆଗରେ ମୋଦି ଗ୍ୟାରେଣ୍ଟି ଫେଲ୍: ବିଜେଡି - BJD Counters BJP

BJD Counters BJP: କଟକ: ମୋଦିଙ୍କୁ କାଉଣ୍ଟର କଲା ବିଜେଡି । ବାରବାଟୀ ପ୍ରାର୍ଥୀ ପ୍ରକାଶ ବେହେରା କହିଛନ୍ତି, "ନବୀନ ୱାରେଣ୍ଟି ଆଗରେ ମୋଦି ଗ୍ୟାରେଣ୍ଟି ଫେଲ୍।" କଟକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଜେଡିକୁ ଟାର୍ଗେଟ କରିବା ପରେ ପ୍ରତିକ୍ରିୟା ରଖିଛନ୍ତି ପ୍ରକାଶ ଚନ୍ଦ୍ର ବେହେରା । ସେ କହିଛନ୍ତି, "ଯେଉଁ ମାଫିଆ କଥା ସେ ଉଠାଇଛନ୍ତି ତାହା ସମ୍ପୂର୍ଣ୍ଣ ମିଛ । କାହିଁକି ନା ମାଇନ୍ସ କେନ୍ଦ୍ର ଅଧୀନରେ ଆସୁଛି । ଏଠି ମାଫିଆ କିଏ ତାହା ପ୍ରଧାନମନ୍ତ୍ରୀ ଜଣାଇଛନ୍ତି । ଏହାସହ ସ୍ୱଚ୍ଛ ପାନୀୟ ଜଳ ଯୋଗାଣ ନେଇ ପ୍ରଶ୍ନ ସମ୍ପୂର୍ଣ୍ଣ ଭିତ୍ତିହୀନ । ରାଜ୍ୟ ସରକାର 'ଡ୍ରିଙ୍କ୍ ଫ୍ରମ୍ ଟ୍ୟାପ' ଘରେ ଘରେ ଯୋଗାଇ ଦେଇଛନ୍ତି । ସବୁଠୁ ଗୁରୁତ୍ୱପୂର୍ଣ୍ଣ କଥା ହେଉଛି ଓଡ଼ିଆ ଜାତିକୁ କୁଠାରଘାତ କରିଛନ୍ତି ମୋଦି । ପୁରୀ ଗସ୍ତ ସମୟରେ ତାଙ୍କର ମୁଖପାତ୍ର ସମ୍ବିତ ପାତ୍ର ଜଗନ୍ନାଥ ମହାପ୍ରଭୁ ମୋଦିଙ୍କ ଭକ୍ତ ବୋଲି କହିବା ଓଡ଼ିଆଙ୍କୁ ଏକ ପ୍ରକାର ନିନ୍ଦା ।" 

ଏହାସହ ପ୍ରଧାନମନ୍ତ୍ରୀ କପି ପେଷ୍ଟ କରୁଛନ୍ତି ବୋଲି ଅଭିଯୋଗ କରିଛି ବିଜେଡି । "ଓଡି଼ଶାରେ ବିଜୟ ହେଲେ ବିଜୁଳି ବିଲ ଛାଡ୍ ହେବା ନେଇ ଯେଉଁ ଇସ୍ତାହାର ଜାରି କରିଛନ୍ତି ମୁଖ୍ୟମନ୍ତ୍ରୀ ତାହାକୁ କପି ପେଷ୍ଟ କରିଛନ୍ତି ପ୍ରଧାନମନ୍ତ୍ରୀ । ମୋଦିଙ୍କ କଟକ ଗ୍ରସ୍ତ ପ୍ରଭାବହୀନ ଯାହା ଆଜିର ସମାବେଶରୁ ସ୍ପଷ୍ଟ ହୋଇଛି । ଏହାବ୍ୟତୀତ ରତ୍ନଭଣ୍ଡାର ଚାବି ହଜିବା, ଚିଟଫଣ୍ଡ ଭଳି ରାଜନୈତିକ ଜୋକ୍ ଶୁଣାଇବା ବିଜେପିର ସ୍ଵଭାବ । ପ୍ରଥମେ ରାଜ୍ୟରେ ବିଜେପି ନେତୃତ୍ୱ ବାଛୁ ତା'ପରେ ବିଜୟ ଆଶା ରଖିବ" ବୋଲି କହିଛନ୍ତି ବିଜେଡିର ବାରବାଟୀ ବିଧାୟକ ପ୍ରାର୍ଥୀ ପ୍ରକାଶ ଚନ୍ଦ୍ର ବେହେରା। 

ଇଟିଭି ଭାରତ, କଟକ