ନାମାଙ୍କନ ଭରିଲେ ବିଜେଡି ସାଂସଦ ପ୍ରାର୍ଥୀ ଶର୍ମିଷ୍ଠା - jajpur parliamentary constituency

SARMISTHA SETHI FILES NOMINATION:ଯାଜପୁର: ଜିଲ୍ଲାରେ ଆଜି ପାର୍ଥୀପତ୍ର ଦାଖଲର ପଞ୍ଚମ ଦିନ, ସାଂସଦଙ୍କ ସମେତ ଅନେକ ନେତା କଲେ ନାମାଙ୍କନ ପତ୍ର ଦାଖଲ । ପ୍ରାର୍ଥୀମାନେ ନିଜ ନିଜ ସମର୍ଥକଙ୍କ ସହ ବିରାଟ ଶୋଭାଯାତ୍ରାରେ ଯାଜପୁର ଜିଲ୍ଲା ମୁଖ୍ୟାଳୟକୁ ଆସି ନାମାଙ୍କନ ଭରିଛନ୍ତି । ବିଜେଡ଼ି ସାଂସଦ ପ୍ରାର୍ଥୀ ଶର୍ମିଷ୍ଠା ସେଠୀ ନାମାଙ୍କନ ପତ୍ର ଦାଖଲ କରିଥିବାବେଳେ ଧର୍ମଶାଳାରୁ ବିଜେଡ଼ି ବିଧାୟକ ପ୍ରାର୍ଥୀ ପ୍ରଣବ ବଳବନ୍ତରାୟ ଓ ସ୍ଵାଧୀନ ପ୍ରାର୍ଥୀ ହିମାଂଶୁ ସାହୁ ଏବଂ ବରୀରୁ ବିଜେଡ଼ି ବିଧାୟକ ପ୍ରାର୍ଥୀ ବିଶ୍ଵରଞ୍ଜନ ମଲ୍ଲିକ ନାମାଙ୍କନ ପତ୍ର ଦାଖଲ କରିଛନ୍ତି ।

ସେହିପରି ସୁକିନ୍ଦା ବିଧାନସଭା କଂଗ୍ରେସ ପ୍ରାର୍ଥୀ ବିଭୁ ଭୂଷଣ ରାଉତ ଓ ଯାଜପୁର ବିଧାନସଭା ଆସନରେ କଂଗ୍ରେସ ପ୍ରାର୍ଥୀ ସୁଦୀପ ରାଉତ ପ୍ରମୁଖ ନାମାଙ୍କନ ପତ୍ର ଦାଖଲ କରିଛନ୍ତି । ବହୁଜନ ମୁକ୍ତି ପାର୍ଟିରୁ ଆର୍ତ୍ତତ୍ରାଣ ମଲ୍ଲିକ ନାମାଙ୍କନ ପତ୍ର ଦାଖଲ କରିଛନ୍ତି । ବିଜେଡିରୁ ଜଣେ ସାଂସଦ ପ୍ରାର୍ଥୀଙ୍କ ସମେତ 3ଜଣ ଦଳୀୟ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବାବେଳେ କଂଗ୍ରେସରୁ 2 ଜଣ ନାମାଙ୍କନ ପତ୍ର ଦାଖଲ କରିଛନ୍ତି । ଏହା ବ୍ୟତୀତ ଅନ୍ୟ କେତେକ ସ୍ଵାଧୀନ ପ୍ରାର୍ଥୀ ମଧ୍ୟ ପ୍ରାର୍ଥୀପାତ୍ର ଦାଖଲ କରିଛନ୍ତି । ସେହିପରି ଆସନ୍ତା କାଲି ପାର୍ଥୀପତ୍ର ଦାଖଲରେ ଶେଷ ଦିନ ଥିବାରୁ ଅନେକ ଆହୁରି ନାମାଙ୍କନ ପତ୍ର ଦାଖଲ କରିବେ ବୋଲି ସୂଚନା ମିଳିଛି । 
ଏହା ମଧ୍ୟ ପଢନ୍ତୁ......ବିରାଟ ଶୋଭାଯାତ୍ରାରେ ଯାଇ ନାମାଙ୍କନ ଭରିଲେ ବିଜେପି ପ୍ରାର୍ଥୀ ଛବି ମଲ୍ଲିକ - Chhabi Mallick Files Nomination
 
ଇଟିଭି ଭାରତ,ଯାଜପୁର