ନିଆଳିରେ ବିଜେଡିର ଶକ୍ତି ପ୍ରଦର୍ଶନ, ଚତୁର୍ଥ ପାଳି ଆଶାରେ ପ୍ରମୋଦ - PRAMOD KUMAR ROAD SHOW

BJD ROAD SHOW IN NIALI: ନିଆଳି: ଚତୁର୍ଥ ପାଳି ନିଆଳି ଦଖଲ ପାଇଁ ବିଜେଡିର ଆପ୍ରାଣ ଉଦ୍ୟମ । ଆସନ୍ତାକାଲି ନିର୍ବାଚନ ପ୍ରଚାରର ଶେଷ ଦିନ ରହିଥିବା ବେଳେ ଆଜି ନିଆଳି ବିଜେଡି ପକ୍ଷରୁ ଏକ ବଡ଼ ରୋଡ ସୋ' ମାଧ୍ୟମରେ ନିଜର ଶକ୍ତି ପ୍ରଦର୍ଶନ କରିଛି । ଏହି ରୋଡ ସୋ'ରେ ହଜାର ହଜାର କର୍ମୀ ଯୋଗ ଦେଇଥିଲେ । ଆସନ୍ତା ଜୁନ ୧ ତାରିଖରେ କଟକ ଜିଲ୍ଲା ତଥା ଜଗତସିଂହପୁର ଲୋକସଭା ଆସନ ଅନ୍ତର୍ଗତ ନିଆଳି ବିଧାନସଭା ଆସନ ପାଇଁ ଭୋଟ ଗ୍ରହଣ ହେବ । ବିଭିନ୍ନ ଦଳମାନଙ୍କ ହାତରେ ପ୍ରଚାର ପାଇଁ ଆଉ ଗୋଟିଏ ଦିନ ବାକି । ୩୦ ତାରିଖ ସନ୍ଧ୍ୟା ୫ଟା ସମୟରେ ଲାଗୁ ହେବ ଆଚରଣ ବିଧି । ଏଥିପାଇଁ ନିଆଳି ବିଧାନସଭା ଆସନ ବିଜେଡି ପ୍ରାର୍ଥୀ ପ୍ରମୋଦ କୁମାର ମଲ୍ଲିକ ନିଜ ଶେଷ ରୋଡ ସୋ ମାଧ୍ୟମରେ ଶକ୍ତି ପ୍ରଦର୍ଶନ କରିଛନ୍ତି ।

ନିଆଳି ଅଚିହ୍ନା ପଡିଆ ଠାରୁ ଏକ ବିରାଟ ବାଇକ ଶୋଭାଯାତ୍ରାରେ ବାହାରି ବ୍ରାହ୍ମଣ ଝରିଲୋ ପର୍ଯ୍ୟନ୍ତ ଯାଇଥିଲା । ପାଖାପାଖି ୨୦ କିଲୋମିଟର ପର୍ଯ୍ୟନ୍ତ ରୋଡ ସୋ' ମାଧ୍ୟମରେ ଶକ୍ତି ପ୍ରଦର୍ଶନ କରିଛି ବିଜେଡି । ତୃତୀୟ ଥରର ବିଜେଡି ବିଧାୟକ ପ୍ରମୋଦ କୁମାର ମଲ୍ଲିକ ଏଥର ଚତୁର୍ଥ ଥର ନିଆଳି ଦଖଲ ପାଇଁ ଏହି ଶକ୍ତି ପ୍ରଦର୍ଶନ କରିଥିବା ନେଇ ଚର୍ଚ୍ଚା ହେଉଛି ।

ବିଜେଡି ନେତା ପ୍ରଫୁଲ୍ଲ ଦାଶ କହିଛନ୍ତି, ‘ଡାକ୍ତର ପ୍ରମୋଦ କୁମାର ମଲ୍ଲିକ ଚତୁର୍ଥ ଥର ବିଧାୟକ ହେବାକୁ ଯାଉଛନ୍ତି ଏବଂ ଡାକ୍ତର ରାଜଶ୍ରୀ ମଲ୍ଲିକ ଜଗତସିଂହପୁର ଲୋକସଭା ଆସନରୁ ଦ୍ବିତୀୟ ଥର ସାଂସଦ ହେବେ । ଏଥିପାଇଁ ଏକ ବଡ ରୋଡ ସୋ' ହେଉଛି । ନିଆଳି ଲୋକେ ନିଷ୍ପତ୍ତି ନେଇଛନ୍ତି ପ୍ରମୋଦ ଏବଂ ରାଜଶ୍ରୀ ମଲ୍ଲିକ । ନିର୍ବାଚନକୁ ନେଇ ବିଜେଡି କର୍ମୀ ଏବଂ ସମର୍ଥକ ବେଶ୍ ଉତ୍ସାହିତ ଅଛନ୍ତି ।’ 

ଏହା ମଧ୍ୟ ପଢନ୍ତୁ....ଅନ୍ତିମ ଲଢେଇ ପାଇଁ ଘମାଘୋଟ ପ୍ରଚାର, ନିମାପଡା ତେରୁଣ୍ଡିଆରେ ପୁଣି ଶକ୍ତି ପ୍ରଦର୍ଶନ କଲା ବିଜେଡି - Odisha Assembly Election 2024

 
ଇଟିଭି ଭାରତ, କଟକ