କଂଗ୍ରେସ ଶିବିରରେ ବିଜୟ ସେଲିବ୍ରେସନ, ବାଣ ଫୁଟାଇ ଉତ୍ସବ ପାଳିଲେ ରମେଶ ଜେନାଙ୍କ ସମର୍ଥକ - Congress Leaders Celebration

ଭୁବନେଶ୍ୱର: ରାଜ୍ୟରେ ଗତ ନିର୍ବାଚନ ଠାରୁ ଏଥର ଅଧିକ ସିଟ ହାତେଇଛି କଂଗ୍ରେସ । ଦଳକୁ ସଫଳତା ନ ମିଳିଥିଲେ ବି ପୂର୍ବାପେକ୍ଷା ଭଲ ପ୍ରଦର୍ଶନ କରିଛି କଂଗ୍ରେସ । ତେବେ କଂଗ୍ରେସର ବିପୁଳ ବିଜୟ ନେଇ ଭୁବନେଶ୍ୱର କଂଗ୍ରେସ କାର୍ଯ୍ୟାଳୟରେ ଜୋରଦାର ସେଲିବ୍ରେସନ କରିଛନ୍ତି ନେତା ଓ କର୍ମୀ । ସାନଖେମୁଣ୍ଡି ବିଧାୟକ ରମେଶ ଜେନା ପୁଣି ଗଡ଼ ହାତେଇଥିବା ବେଳେ ତାଙ୍କ ସମର୍ଥକ କଗ୍ରେସ ବିଜୟ ନେଇ ସେଲିବ୍ରେସନ କରିଛନ୍ତି । ଏନେଇ ରମେଶ ଜେନାଙ୍କ କ୍ବାଟର ପାଖରେ ବାଣ ଫୁଟାଇ ମିଠା ଖୁଆଇ ସେଲିବ୍ରେସନ କରିଛନ୍ତି। ତାଙ୍କ ସମର୍ଥକ ବିକଶ ପ୍ରଧାନ କହିଛନ୍ତି କଂଗ୍ରେସ ଏବେବି ଲୋକଙ୍କ ମନରେ ଅଛି ହୃଦୟରେ ଅଛି । ପୁଣି କଂଗ୍ରେସ ଉପରେ ଲୋକଙ୍କ ଆଶା ଭରସା ଫେରିଲାଣି । ସେଥିପାଇଁ ରାଜ୍ୟରେ ଗଞ୍ଜାମ ଟାଇଗର ରମେଶ ଜେନାଙ୍କ ସହ ଅନ୍ୟ ନେତା ବିଜୟ ହୋଇଛନ୍ତି । ଏପରିକି ଜାତୀୟ ସ୍ତରରେ ମଧ୍ୟ ଭଲ ପ୍ରଦର୍ଶନ ରହିଛି ଆଗକୁ ମଧ୍ୟ ଦଳ ଭଲ ହେବ ବୋଲି କହିଛନ୍ତି ।

ଏହା ମଧ୍ୟ ପଢନ୍ତୁ: ୨୦୨୪ ଲୋକସଭା ନିର୍ବାଚନ: 'ଦେଶବ୍ୟାପୀ ୨ଟି ଯାତ୍ରା କଂଗ୍ରେସ ପାଇଁ ଆଣିଦେଲା ସଫଳତା'

ଇଟିଭି ଭାରତ, ଭୁବନେଶ୍ୱର