ଥାନା ସମ୍ମୁଖରେ ଧାରଣାରେ ବସିଲେ ସୌମ୍ୟ ରଞ୍ଜନ, ସମର୍ଥକଙ୍କ ଗିରଫଦାରୀକୁ ବିରୋଧ - Soumya Ranjan Patnaik Protest

Soumya Ranjan Patnaik Protest : କେନ୍ଦୁଝର: ରାଜ୍ୟରେ ବଢିବାରେ ଲାଗିଛି ନିର୍ବାଚନୀ ହିଂସା । ପ୍ରାର୍ଥୀମାନେ ପ୍ରଚାର ପ୍ରସାରରେ ବ୍ୟସ୍ତ ଥିବା ବେଳେ ଏହାରି ମଧ୍ୟରେ ପ୍ରାର୍ଥୀଙ୍କ ସମର୍ଥକଙ୍କ ମଧ୍ୟରେ ରାଜନୈତିକ ହିଂସାକାଣ୍ଡ ଦେଖା ଦେଇଛି । ନିକଟରେ କେନ୍ଦୁଝରର ଘଷିପୁରାରୁ ଲଢୁଥିବା ସ୍ବାଧୀନ ପ୍ରଆର୍ଥା ସୌମ୍ୟ ରଞ୍ଜନ ପଟ୍ଟନାୟକଙ୍କ ସହିତ ରାଜନୈତିକ ହିଂସା ହୋଇଥିଲା । ସ୍ଵାଧୀନ ବିଧାୟକ ପ୍ରାର୍ଥୀ ସୌମ୍ୟ ରଞ୍ଜନ ପଟ୍ଟନାୟକ ଓ ବିଜେଡି ବିଧାୟକ ପ୍ରାର୍ଥୀ ବଦ୍ରି ନାରାୟଣ ପାତ୍ରଙ୍କ ମଧ୍ୟରେ କଡ଼ା ଟକ୍କର ଦେଖିବାକୁ ମିଳୁଛି । ତେବେ ଉକ୍ତ ଘଷିପୁରା ନିର୍ବାଚନ ମଣ୍ଡଳୀରେ ବହୁ ଚର୍ଚ୍ଚିତ ସୁନନ୍ଦ ହତ୍ୟାକାଣ୍ଡରେ ଏ ପର୍ଯ୍ୟନ୍ତ ପୁଲିସ ଅନେକ ଅଭିଯୁକ୍ତଙ୍କୁ ଗିରଫ କରି ପାରିନାହିଁ । 

ଏହା ମଧ୍ୟ ପଢନ୍ତୁ ... ସ୍ବାଧୀନ ଲଢୁଛନ୍ତି ସୌମ୍ୟ, ନିର୍ବାଚନ ବୈତରଣୀ ପାର ହେବାକୁ ବଦ୍ରିଙ୍କ ଠାରୁ ଆଶୀର୍ବାଦ - Soumya Ranjan Patnaik Nomination

ଏହି ହତ୍ୟାକାଣ୍ଡ ସନ୍ଦେହରେ ସୁନନ୍ଦଙ୍କ ପରିବାରର ୪ ଜଣକୁ ଏବଂ ସୌମ୍ୟଙ୍କ ସମର୍ଥକଙ୍କୁ ପୋଲିସ ଗିରଫ କରିଥିବା ସୌମ୍ୟରଞ୍ଜନଙ୍କ ସମର୍ଥକ ଅଭିଯୋଗ କରିଛନ୍ତି । ପୋଲିସ ଉଦ୍ଦେଶ୍ୟମୂଳକ ଭାବେ ଗିରଫ କରି କୋର୍ଟ ଚାଲାଣ କରିଥିବା ନେଇ ଏହାର ପ୍ରତିବାଦ କରି ଆଜି ରାମଚନ୍ଦ୍ରପୁର ଥାନା ଆଗରେ ଧାରଣାରେ ବସି ରହିଛନ୍ତି ସୌମ୍ୟଙ୍କ ସମର୍ଥକ । ପୋଲିସ ପ୍ରସାଶନର ଏହିପରି କାର୍ଯ୍ୟକୁ ନିନ୍ଦା କରିଛନ୍ତି ସୌମ୍ୟ ରଞ୍ଜନ ପଟ୍ଟନାୟକ  । ସେ ମଧ୍ୟ ଧାରଣାରେ ସାମିଲ ହୋଇଛନ୍ତି । ଏନେଇ ଆନନ୍ଦପୁର ଏସଡିପିଓ ଧାରଣାରତଙ୍କ ସହ ଆଲୋଚନା କରିଥିଲେ ମଧ୍ୟ କୌଣସି ଫଳାଫଳ ମିଳିପାରିନଥିଲା । ଏନେଇ ସ୍ଥାନୀୟ ଅଞ୍ଚଳରେ ଚାପା ଉତ୍ତେଜନା ଲାଗି ରହିଛି । ସେପଟେ ସାଇଁକୁଳରେ ଆଜି ବଦ୍ରି ପାତ୍ରଙ୍କ ନିର୍ବାଚନୀ ସଭା କରିଛନ୍ତି ବିଜେଡି ଷ୍ଟାର ପ୍ରଚାରକ ଭିକେ ପାଣ୍ଡିଆନ ।

ଇଟିଭି ଭାରତ, କେନ୍ଦୁଝର