କଟକରେ ବିଦେଶ ମନ୍ତ୍ରୀ ଜୟଶଙ୍କରଙ୍କ ବୃତ୍ତିଜୀବି ସମ୍ମିଳନୀ, ଦେଖନ୍ତୁ LIVE - Jaishankar press conference

କଟକ: ଦୁଇଦିନିଆ ଓଡିଶା ଗସ୍ତରେ ଥିବା ବିଦେଶ ମନ୍ତ୍ରୀ ଏସ.ଜୟଶଙ୍କର ଆଜି ଦିନିକିଆ କାର୍ଯ୍ୟକ୍ରମରେ କଟକରେ ପହଞ୍ଚିଛନ୍ତି । ନିଶାମଣି କନ୍‌ଭେନ୍‌ସନ ସେଣ୍ଟରରେ କଟକର ବୁଦ୍ଧିଜୀବୀଙ୍କ ସହିତ ଆଲୋଚନା କରୁଛନ୍ତି ବିଦେଶ ମନ୍ତ୍ରୀ । ପ୍ରାୟ ଏକ ଘଣ୍ଟାର ଆଲୋଚନା ପରେ ବିଭିନ୍ନ ପ୍ରସଙ୍ଗରେ ବୁଦ୍ଧିଜୀବୀଙ୍କ ପ୍ରଶ୍ନର ଉତ୍ତର ମଧ୍ୟ ଦେବେ ବିଦେଶ ମନ୍ତ୍ରୀ । ଏହା ସହ ସେ ଏକ ସାମ୍ବାଦିକ ସମ୍ମିଳନୀ ମଧ୍ୟ କରୁଛନ୍ତି । ଗତକାଲି ଜୟଶଙ୍କର ରାଜ୍ୟ ସରକାରକୁ ଟାର୍ଗେଟ କରିଥିଲେ । ବିଜେଡି ସରକାର ଅଧୀନରେ ଓଡ଼ିଶାର ବିକାଶ ହୋଇନଥିବା କହି ବର୍ଷିଥିଲେ ଜୟଶଙ୍କର । ଭୁବନେଶ୍ବରରେ ପ୍ରେସ୍‌ମିଟ୍‌ କରି ବିଜେଡି ସରକାରକୁ ଘେରିଥିଲେ ବୈଦେଶିକ ବ୍ୟାପାର ମନ୍ତ୍ରୀ । ଜି-୨୦ରେ କୋଣାର୍କ ଚକ୍ରକୁ ସ୍ଥାନିତ କରିଥିଲେ ମୋଦି, ଓଡ଼ିଶାର କଳାକୁ ଭଲ ପାଇବାର ଏହା ନିଦର୍ଶନ ବୋଲି କହିଥିଲେ । ଓଡିଶାର ସହଯୋଗରେ ବିଜେପି ଲୋକସଭାରେ ୪୦୦ ପାର ଟାର୍ଗେଟ ପୁରା କରିପାରିବ ଓ ଓଡ଼ିଶାରେ ମଧ୍ୟ ବିଜେପି ସରକାର କରିବ ବୋଲି ସେ ଦୃଢ଼ୋକ୍ତି ବାଢ଼ିଥିଲେ । ନାଁ ନନେଇ ପାଣ୍ଡିଆନଙ୍କୁ ମଧ୍ୟ ପରୋକ୍ଷରେ ଟାର୍ଗେଟ କରିଥିଲେ ଏସ୍‌ ଜୟଶଙ୍କର ।