କଲେଜ ବସକୁ ପିଟିଲା ଘରୋଇ ବସ୍‌, ୧୦ ଛାତ୍ରୀ ଗୁରୁତର, ହସପିଟାଲରେ ଭର୍ତ୍ତି

College Bus collides with a Private Bus In Cuttack, କଟକ: କଲେଜ ଵସକୁ ଧକ୍କା ଦେଲା ଯାତ୍ରୀବାହୀ ବସ୍ । ଖାନନଗର ଟ୍ରାଫିକ ଛକ ନିକଟରେ ଶକ୍ତି ଜୁନିୟର କଲେଜର ଏକ ବସକୁ ଦ୍ରୁତଗତିରେ ଆସୁଥିବା ‘ନାୟକ ଟ୍ରାଭେଲ୍ସ’ ନାମକ ଏକ ଘରୋଇ ବସ୍‌ ଧକ୍କା ଦେଇଥିଲା । ଦୁର୍ଘଟଣାରେ ପ୍ରାୟ ୧୦ଜଣ ଛାତ୍ରୀ ଆହତ ହୋଇଛନ୍ତି । ତେବେ ଦୁର୍ଘଟଣା ଘଟିବାର ବହୁ ସମୟ ପର୍ଯ୍ୟନ୍ତ ପୋଲିସ ଓ ଆମ୍ବୁଲାନ୍ସ ନପହଞ୍ଚିଵାରୁ ସ୍ଥାନୀୟ ଲୋକଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି । ସ୍ଥାନୀୟ ଲୋକଙ୍କ ସହାୟତାରେ ଆହତ ଛାତ୍ରୀମାନଙ୍କୁ ଆମ୍ବୁଲାନ୍ସ ଯୋଗେ କଟକ ବଡ ମେଡ଼ିକାଲକୁ (SCB) ସ୍ଥାନାନ୍ତର କରାଯାଇଛି ।

ପ୍ରତ୍ୟକ୍ଷଦର୍ଶୀଙ୍କ କହିବାନୁଯାୟୀ, ଟ୍ରାଫିକ ପଏଣ୍ଟ ନଥିବାରୁ ଏହି ଦୁର୍ଘଟଣା ଘଟିଛି । ଏପରିକି ଘରୋଇ ବସ୍‌ ଚଳାଉଥିବା ଡ୍ରାଇଭର ନିଶାସକ୍ତ ଅବସ୍ଥାରେ ଥିବା ମଧ୍ୟ ଅଭିଯୋଗ ହୋଇଛି । ତାଙ୍କୁ ସ୍ଥାନୀୟ ଲୋକେ କାବୁ କରି ପୋଲିସ ଜିମା ଦେଇଛନ୍ତି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।