ବିଶ୍ଵ ବିଜୟୀ ଭାରତ, ଭୁବନେଶ୍ୱରରେ ଝୁମିଲେ ଫ୍ୟାନ୍ସ - CELEBRATION FOR TEAM INDIA

CELEBRATION FOR TEAM INDIA: ଭୁବନେଶ୍ବର: ଗତକାଲି ଭାରତୀୟ କ୍ରିକେଟ ଦଳ ଟି-20 ବିଶ୍ବକପ ବିଜୟୀ ହେବା ପରେ ସବୁଆଡେ ସେଲିବ୍ରେସନର ମୁଡ । ଦକ୍ଷିଣ ଆଫ୍ରିକାଠାରୁ ଟି20 ବିଶ୍ବକପ ଛଡାଇ ଆଣିଛି ଟିମ୍ ଇଣ୍ଡିଆ । ଟି୨୦ ବିଶ୍ୱକପ ଜିତି ଭାରତ ବିଶ୍ଵ ବିଜୟୀ ହେଲା ପରେ ସାରା ଭାରତବର୍ଷରେ ଉତ୍ସବ ଦେଖିବାକୁ ମିଳିଛି । ଏହି ଆବସରରେ ଭୁବନେଶ୍ୱରରେ ମଧ୍ୟ ସେଲିବ୍ରେସନ ଦେଖିବାକୁ ମିଳିଛି । ପୁଣି ଥରେ କ୍ରିକେଟରେ ବିଶ୍ଵବିଜେତା ହୋଇଛି ଭାରତ । ଦକ୍ଷିଣ ଆଫ୍ରିକାକୁ ପରାଜିତ କରି ଯେତେବେଳେ ୧୩ ବର୍ଷ ପରେ ବିଶ୍ୱକପ ହାତେଇଛି ଭାରତୀୟ କ୍ରିକେଟ ଟିମ । ଏହି ସଫଳତାକୁ ନେଇ ଓଡ଼ିଶାରେ ମଧ୍ୟ ସେଲିବ୍ରେସନ ଦେଖିବାକୁ ମିଳିଛି । 

ଏନେଇ ଭୁବନେଶ୍ବର ଲୋୟର ପିଏମଜି ଠାରେ ବନ୍ଦେ ମାତରଂ ସଂଗଠନ ପକ୍ଷରୁ ବିଜୟ ଉତ୍ସବ ପାଳନ କରାଯାଇଛି । ହାତରେ ପତାକା ସହ ଟ୍ରଫି ବା କପକୁ ଧରି ବନ୍ଦେ ମାତରାଂ ଧ୍ୱନି ସହ ଟିମ୍ ଇଣ୍ଡିଆକୁ ଧନ୍ୟବାଦ ଜଣାଇଛନ୍ତି । ଆଉ ଗର୍ବରେ ମୋ ଟିମ ମହାନ ବୋଲି କହି ହାରୁଥିବା ବାଜିକୁ ଛଡେଇ ଆଣିଛି ଭାରତ । ତେଣୁ ଆଜି ସାରା ଭାରତ ଗର୍ବ ଅନୁଭବ କରୁଛି ବୋଲି କହିଛନ୍ତି ବନ୍ଦେ ମାତରଂ ସଂଗଠନର ସଦସ୍ୟ । 

ଇଟିଭି ଭାରତ, ଭୁବନେଶ୍ବର