'ଜୟ ଶ୍ରୀରାମ' ଧ୍ୱନିରେ କମ୍ପିଲା କାଲିଫର୍ଣ୍ଣିଆ, ବିଶାଳ କାର୍ ରାଲି ସହ ଲାଇଟ୍ ଶୋ'

Car Rally at Carlifornia: ୱାଶିଂଟନ: କାଲିଫର୍ଣ୍ଣିଆରେ କାର୍ ରାଲି ସହ ଲାଇଟ୍ ଶୋ' । ସେଠାରେ ଥିବା ପ୍ରବାସୀ ଭାରତୀୟ ତଥା ହିନ୍ଦୁ ସମ୍ପ୍ରଦାୟର ଲୋକେ ବିଶାଳ ରାଲି କରିଥିବା ଦେଖିବାକୁ ମିଳିଛି । ଗୋଲଡେନ ଗେଟ୍ ବ୍ରିଜ ନିକଟରେ ଏହି ବଡ଼ ଧରଣର କାର୍ ରାଲି ହୋଇଥିଲା । 'ଜୟ ଶ୍ରୀରାମ ଧ୍ବନି'ରେ ସମଗ୍ର ଅଞ୍ଚଳ ପ୍ରକମ୍ପିତ ହୋଇଥିଲା । 

ଆସନ୍ତାକାଲି ରାମ ମନ୍ଦିରର ପ୍ରାଣ ପ୍ରତିଷ୍ଠା ଉତ୍ସବ । ଏଥିପାଇଁ ସଜେଇ ହୋଇ ରହିଛି ରାମନଗରୀ ଅଯୋଧ୍ୟା । ଏହି ଅବସରରେ ଦେଶବ୍ୟାପୀ ଉତ୍ସବର ମାହୋଲ ରହିଥିବାବେଳେ ବିଦେଶରେ ମଧ୍ୟ ଏହାର ଝଲକ ଦେଖିବାକୁ ମିଳିଛି । ରାମ ଭଜନରେ କମ୍ପିଉଠିଛି କାଲିଫର୍ଣ୍ଣିଆ ସହର । ବିଶାଳ ରାଲି ସହ ଲାଇଟ୍ ଶୋ' ସମସ୍ତଙ୍କ ମନ ମୋହିଛି । ବିଦେଶରେ ଥିବା ଭାରତୀୟମାନେ ମଧ୍ୟ ପ୍ରତିଷ୍ଠା ଉତ୍ସବ ପାଇଁ ଖୁସି ମନାଉଛନ୍ତି ।