ଏକତରଫା ହେବ ଭୋଗରାଇ ଲଢେଇ: ବିଜେପି ବିଧାୟକ ପ୍ରାର୍ଥୀ ଆଶିଷ ପାତ୍ର - ODISHA ASSEMBLY ELECTION 2024

BHOGRAI MLA CANDIDATE: ବାଲେଶ୍ୱର: ଭୋଗରାଇ ବିଧାନସଭା ଆସନରେ ବିଜେପି ତାର ପ୍ରାର୍ଥୀ ଭାବେ ଆଶିଷ ପାତ୍ରଙ୍କ ନାମ ଘୋଷଣା କରିଛି । ଜଣେ ୱାର୍ଡସଭ୍ୟ ଭାବେ ନିଜର ରାଜନୈତିକ କ୍ୟାରିଅର ଆରମ୍ଭ କରିଥିବା ଆଶିଷ ଏବେ ବିଧାୟକ ଭାବେ ନିର୍ବାଚନ ଲଢ଼ିବେ । ଦୀର୍ଘ 30 ବର୍ଷ ଧରି ସେ ଭୋଗରାଇବାସୀଙ୍କ ସହ ରହିଥିବାବେଳେ ଏଥର ପ୍ରତିଦ୍ୱନ୍ଦ୍ବିତା ନୁହେଁ ବରଂ ନିର୍ବାଚନୀ ଫଳାଫଳ ଏକତରଫା ହେବ ବୋଲି କହିଛନ୍ତି ସେ ।

ଆଶିଷ କହିଛନ୍ତି ଯେ, କଂଗ୍ରେସ ପ୍ରାର୍ଥୀ ସତ୍ୟଶିବ ଦାସ ଏବଂ ବିଜେଡି ପ୍ରାର୍ଥୀ ଗୌତମ ବୁଦ୍ଧ ଦାସ ଭୋଗରାଇରେ ନୁହେଁ ବରଂ ବାହାରେ ରୁହନ୍ତି । ଏବେ ଆସି ଏଠାରେ ନେତା ହେବାର ସ୍ୱପ୍ନ ଦେଖୁଛନ୍ତି । ସେ ସବୁବେଳେ ଲୋକଙ୍କ ସାଥିରେ ଥିଲେ ଏବଂ ରହିଛନ୍ତି । ଏଥିପାଇଁ ଜନମତ ତାଙ୍କ ସପକ୍ଷରେ ଯିବା । ଭୋଗରାଇରେ ଅନେକ ସମସ୍ୟା ଥିବାବେଳେ ପୂର୍ବ ଜନ ପ୍ରତିନିଧିମାନେ ସେଥିପ୍ରତି ଦୃଷ୍ଟି ଦେଇ ନାହାନ୍ତି । ଖଡ଼ି ଚାଷର ଉନ୍ନତି ସାଙ୍ଗକୁ ଭୋଗରାଇର ବିକାଶ ଦିଗରେ ଯତ୍ନବାନ ହେବି । ତେବେ ନିର୍ବାଚନର ଫଳାଫଳ ହିଁ କହିବ ଜନାତା କାହା ମୁଣ୍ଡରେ ସୁନା କଳସ ଢାଳିଛନ୍ତି ।

ଇଟିଭି ଭାରତ, ବାଲେଶ୍ବର