ପେନସିଲ୍ ମୁନରେ ୱାର୍ଲ୍ଡ କପ୍ ଟ୍ରଫି; ଟିମ୍ ଇଣ୍ଡିଆକୁ ଶୁଭେଚ୍ଛା ଜଣାଇଲେ ଯୁବଶିଳ୍ପୀ - Pencil craving art

Best Wishes Team India Through Pencil Craving Art: ବ୍ରହ୍ମପୁର: ଆସନ୍ତା ଜୁନ ୨ ତାରିଖରୁ ଟି-୨୦ ୱାର୍ଲ୍ଡ  କପର ଆରମ୍ଭ ହେବାକୁ ଯାଉଛି  । ଏହାକୁ ନେଇ ବେଶ ଉତ୍ସାହିତ ଅଛନ୍ତି ଯୁବବର୍ଗ । ଟିମ୍ ଇଣ୍ଡିଆର ଦମଦାର ପ୍ରଦର୍ଶନ ଉପରେ ସାରା ଦେଶବାସୀଙ୍କ ନଜର ରହିଛି  । ଏହି ପରିପ୍ରେକ୍ଷୀରେ ବ୍ରହ୍ମପୁର ସହର ଉପଖଣ୍ଡ ଡୁରା ଗ୍ରାମର ଇଞ୍ଜିନିୟରିଂ ଛାତ୍ର କେ.ବିଜୟ କୁମାର ରେଡ୍ଡି ନିଜର ପେନସିଲ୍ କ୍ରାଭିଙ୍ଗ୍ ଆର୍ଟ ମାଧ୍ୟମରେ ଇଣ୍ଡିଆ ଟିମକୁ ଶୁଭେଚ୍ଛା ଜଣାଇଛନ୍ତି  । ବିଜୟ ପେନସିନ ମୁନରେ ଟି-୨୦ ୱାଲର୍ଡ କପ୍ ଟ୍ରଫିର ଏକ ସୂକ୍ଷ୍ମ କଳାକୃତି ପ୍ରସ୍ତୁତ କରିଛନ୍ତି  । ଏହାର ଉଚ୍ଚତା ମାତ୍ର ୧.୫ cm ରହିଛି  । ସେ ଟିମର ଅଧିନାୟକ ରୋହିତ ଶର୍ମାଙ୍କ ମଧ୍ୟ ଏକ ସୂକ୍ଷ୍ମ କଳାକୃତି ତିଆରି କରିଛନ୍ତି  । ୱାର୍ଲ୍ଡ କପରେ ଇଣ୍ଡିଆର ବିଜୟ କାମନା କରି ଏହି ଏହି କଳାକୃତି ପ୍ରସ୍ତୁତ କରିଥିବା ପ୍ରକାଶ କରିଛନ୍ତି ବିଜୟ ।