ବିରଲା ମନ୍ଦିରରରେ ଅମିତ ଶାହଙ୍କ ପୂଜାର୍ଚ୍ଚନା

Amit Shah Offers Prayers at Shri Laxmi Narayan Temple ନୂଆଦିଲ୍ଲୀ: ଆଜି ପ୍ରଭୁ ରାମଲାଲାଙ୍କ ପ୍ରାଣ ପ୍ରତିଷ୍ଠା। ଏନେଇ ରାମନାମ ଧ୍ବନିରେ ପ୍ରକମ୍ପିତ ଗଗନ ପବନ । ଭାରତ ସମେତ ସାରା ବିଶ୍ବରେ ଅନେକ କାର୍ଯ୍ୟକ୍ରମ ହେଉଛି । ରାମ ମନ୍ଦିର ପ୍ରତିଷ୍ଠା ପାଇଁ ଅଯୋଧ୍ୟାକୁ ଦେଶ ବିଦେଶରୁ ଅତିଥିଙ୍କ ସୁଅ ଝୁଟୁଛି । ତେବେ ରାମଲାଲାଙ୍କ ପ୍ରତିଷ୍ଠା ଉତ୍ସବ ଅବସରରେ ଦିଲ୍ଲୀର ବିରଲା ମନ୍ଦିରରେ ପୂଜାର୍ଚ୍ଚନା କରିଛନ୍ତି ଗୃହମନ୍ତ୍ରୀ ଅମିତ ଶାହ । ବିରଲା ମନ୍ଦିରକୁ ଲକ୍ଷ୍ମୀନାରାୟଣ ମନ୍ଦିର ମଧ୍ୟ କୁହାଯାଏ । ଅମିତ ଶାହା ହାତରେ ଆରତୀ ଥାଳି ଧରି ପୂଜାର୍ଚ୍ଚନା କରିଛନ୍ତି । ସେ ରାମ ଭଜନ ଗାଇବା ସହିତ ଅନ୍ୟ ପଣ୍ଡିତମାନେ ମଧ୍ୟ ଭଜନ ଗାଉଥିବା ନଜର ଆସିଛନ୍ତି । ତେବେ ଆଳତି କରିବା ପରେ ଚଟାଣରେ ବସି ରାମ ଭଜନ ପାଠ କରିଛନ୍ତି ଗୃହମନ୍ତ୍ରୀ । 

ବ୍ୟୁରୋ ରିପୋର୍ଟ, ଇଟିଭି ଭାରତ