ଶୋଇଥିବା ବେଳେ ଦଳିଦେଲା ହାତୀ, ଗୋଟିଏ ପରିବାରର ୩ ମୃତ - Elephant attack in Bargarh

3 died in Elephant attack in Bargarh ବରଗଡ: ହାତୀ ଆକ୍ରମଣରେ ଚାଲିଗଲା ଗୋଟିଏ ପରିବାରର 3 ଜୀବନ l ଏଭଳି ଏକ ଅଭାବନୀୟ ଘଟଣା ଘଟିଛି ବରଗଡ଼ ଜିଲ୍ଲା ପଦ୍ମପୁର ଉପଖଣ୍ଡ ଅନ୍ତର୍ଗତ ଝାରବନ୍ଧ ବ୍ଲକ ସାଲଡିହି ଗ୍ରାମରେ l 

ଏହାମଧ୍ୟ ପଢନ୍ତୁ.. ଆମ୍ବ ଗୋଟାଇବା ହେଲା କାଳ, ହାତୀ ଆକ୍ରମଣରେ ମହିଳା ମୃତ - Woman Died In Elephant Attack

ସୂଚନା ଅନୁଯାୟୀ, ବରଗଡ ଜିଲ୍ଲା ଝାରବନ୍ଧ ବ୍ଲକ ସାଲଡିହି ଗ୍ରାମରେ ଗତକାଲି (ସୋମବାର) ରାତ୍ରି ପ୍ରାୟ ୧୧ଟା ସମୟରେ ଏକ ହାତୀ ପଲ ଗ୍ରାମ ଭିତରେ ପଶି ଆତଙ୍କ ଖେଳାଇଥିଲେ । ଗ୍ରାମର ବିପିନ ବରିହା ଓ ତାଙ୍କ ପରିବାର ଏକ ପରିବାର ମାଟି ଘରେ ଶୋଇଥିବା ବେଳେ ହାତୀପଲ ଆସି ଘରକୁ ଭାଙ୍ଗିବା ଘରେ ଶୋଇଥିବା ବ୍ୟକ୍ତିମାନଙ୍କୁ ଆକ୍ରମଣ କରିଥିଲେ l ବିପିନ ବାରିକ ନିଜ ୭ ବର୍ଷର ପୁଅକୁ ନେଇ ବାହାରକୁ ପଳାଇ ଆସିଥିବା ବେଳେ ଏହି ଆକ୍ରମଣରେ 3 ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ବୃଦ୍ଧ ଆହତ ହୋଇ ପଦ୍ମପୁର ଡାକ୍ତରଖାନାରେ ଚିକିତ୍ସିତ ହେଉଛନ୍ତି l ମୃତକମାନେ ହେଲେ ସାଲଡ଼ିହି ଗ୍ରାମରେ ବିପିନ ବରିହାଙ୍କ ସ୍ତ୍ରୀ ପାନ ବରିହା ତାଙ୍କର ଏବଂ ତାଙ୍କର ୧୧ବର୍ଷର ଝିଅ ଓ ୩ ବର୍ଷର ପୁଅ  । ଅନ୍ୟପଟେ ଏହାକୁ ନେଇ ଗ୍ରାମରେ ଶୋକାକୁଳ ପରିବେଶ ସୃଷ୍ଟି ହୋଇଛି । ମୃତକଙ୍କ ପରିବାରକୁ ସହାୟତା ଯୋଗାଇ ଦେବାକୁ ଗ୍ରାମବାସୀମାନେ ଦାବି କରିଛନ୍ତି  ।  

ଇଟିଭି ଭାରତ, ବରଗଡ