ହାଇଦ୍ରାବାଦ: ଆଜିକାଲି ସମସ୍ତଙ୍କ ହାତରେ ସ୍ମାର୍ଟଫୋନ । ହେଲେ ଆଣ୍ଟ୍ରୋଏଡ ଫୋନ ପୁରୁଣା ହୋଇଗଲେ ସମସ୍ତଙ୍କ ଚିନ୍ତା ବଢିଯାଏ । କାରଣ ନୂଆ ଅପେକ୍ଷା ଟିକେ ପୁରୁଣା ହେଲେ ଏହି ମୋବାଇଲ ଫୋନ ସ୍ଲୋ କାମ କରେ । ଯାହାକୁ ନେଇ ୟୁଜର୍ସମାନେ ବେଶ ବ୍ୟସ୍ତ ହୋଇପଡନ୍ତି । ଗେମ ଖେଳିବାକୁ ହେଉ କିମ୍ବା କୌଣସି ଆପ୍ ଚଳାଇବା ପାଇଁ ଇଚ୍ଛା ହୁଏ ନାହିଁ । ପୁଣି ଆଉ ଏକ ନୂଆ ଫୋନ କିଣିବାକୁ ଇଚ୍ଛା ହୁଏ । ତେବେ ଏଭଳି ଇଚ୍ଛା ହେଉଥିଲେ ପଢନ୍ତୁ ଏହି ଖବର । ଯାହା ଆପଣଙ୍କୁ ନୂଆ ଫୋନ କିଣିବା ଖର୍ଚ୍ଚରୁ ବଞ୍ଚାଇପାରେ । ଏହି ସବୁ ଉପାୟ ଆପଣାଇ ଆପଣ ନିଜ ସ୍ଲୋ ଫୋନକୁ କରିପାରନ୍ତି ସ୍ପିଡ୍ ।
ଏହିସବୁ ଉପାୟ ଆପଣାଇ ଆଣ୍ଡ୍ରୋଏଡ ଫୋନକୁ କରନ୍ତୁ ଫାଷ୍ଟ୍:
ଫ୍ୟାକ୍ଟରୀ ରିସେଟ କରନ୍ତୁ: ଆପଣଙ୍କ ଆଣ୍ତ୍ରୋଏଡ ଫୋନ ସ୍ଲୋ ରନ କରୁଥିଲେ ପ୍ରଥମେ ଫ୍ୟାକ୍ଟରୀ ରିସେଟ କରନ୍ତୁ । ଏହା ଆପଣଙ୍କ ଫୋନ ପାଇଁ ବେଶ ଲାଭଦାୟକ ଅଟେ । ଆଣ୍ତ୍ରୋଏଡକୁ କ୍ଲିୟର କରିବା କିମ୍ବା ଅବ୍ୟବହୃତ, ଜଙ୍କ ଆପ୍ସ ହଟାଇ ଦେବା ଦ୍ୱାରା ଫୋନ ପୁଣି ପୂର୍ବଭଳି କାମ କରିଥାଏ । ଫୋନରୁ ଡାଟା ଇରେଜ କରିବା ବେଶ ଲାଭଦାୟକ ହୋଇଥାଏ ।
ଏହାମଧ୍ୟ ପଢନ୍ତୁ.. ନିର୍ବାଚନ ପରେ ଗ୍ରାହକଙ୍କୁ ଲାଗିବ ଝଟ୍କା, ବଢିପାରେ ରିଚାର୍ଜ ଦର - Mobile Service Cost More
ଆଣ୍ଡ୍ରୋଏଡ ଅପଡେଟ ଯାଞ୍ଚ କରନ୍ତୁ: ଫୋନକୁ ଅଧିକ ଦିନ ବ୍ୟବହାର କରିବାକୁ ଚାହୁଁଥିଲେ ଏହାକୁ ସମୟ ମଧ୍ୟରେ ଅପଡେଟ କରିବା ନିହାତି ଆବଶ୍ୟକ । Google ପିକ୍ସେଲ ଓ ନେକ୍ସସ ଭଳି ଆଣ୍ଡ୍ରୋଏଡ ନିଜେ ନିଜେ ଅପଡେଟ ହୋଇଥାଏ । କିନ୍ତୁ ଅନ୍ୟ ଫୋନଗୁଡିକରେ ଆପଣଙ୍କୁ ଅପଡେଟ କରିବାକୁ ପଡିଥାଏ । ଯଦି ଅପଡେଟ ନେଇ କୌଣସି ନୋଟିଫିକେସନ ଆସୁନାହିଁ ତେବେ ଆପଣ ସମୟ ସମୟରେ ଆଣ୍ଡ୍ରୋଏଡ ଅପଡେଟ ଯାଞ୍ଚ କରି ଏହାକୁ ଅପଡେଟ କରନ୍ତୁ ।
