ଚେନ୍ନାଇ: ନଭେମ୍ବର ଆସିବା ମାତ୍ରେ ଚେନ୍ନାଇବାସୀ ଭୟ କରିବାକୁ ଲାଗିଥାନ୍ତି । କାରଣ ପ୍ରାୟ ପ୍ରତ୍ୟେକ ବର୍ଷ ନଭେମ୍ବର ମାସରେ ବାତ୍ୟା ଲ୍ୟାଣ୍ଡଫଲ କରିଥାଏ । ଘୂର୍ଣ୍ଣିବଳୟ ସୃଷ୍ଟି ହେବା ମାତ୍ରେ ଏହା କେଉଁଠାରେ ସୃଷ୍ଟି ହେଲା ଏବଂ କେଉଁଠାରେ ଲ୍ୟାଣ୍ଡଫଲ କରିବ ତାହା ଉପରେ ସମସ୍ତଙ୍କ ନଜର ରହିଥାଏ । 2004 ମସିହାର ସୁନାମି ପରେ ପୂର୍ବ ଏସିଆରେ ଏଭଳି କୌଣସି ଭୂକମ୍ପ ନାହିଁ ଯେଉଁଥିପାଇଁ ସୁନାମୀ ଆଶଙ୍କା ଜାରି କରାଯାଇ ନାହିଁ । ତେବେ ଏଠାରେ ପ୍ରଶ୍ନ ଉଠେ ବୈଜ୍ଞାନିକମାନେ କିଭଳି ସୁନାମି ଏବଂ ଝଡର ପୂର୍ବାନୁମାନ କରିପାରୁଛନ୍ତି? ତେବେ ଚେନ୍ନାଇରେ ସୁନାମି ବିପଦ ନାହିଁ ବୋଲି ବୈଜ୍ଞାନିକମାନେ କିଭଳି ସୁନିଶ୍ଚିତ କରୁଛନ୍ତି ? ତେବେ ଏହାର ଉତ୍ତର ଦେଇଛନ୍ତି ଚେନ୍ନାଇସ୍ଥିତ ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ଓସେନ୍ ଟେକ୍ନୋଲୋଜି (NIOT)ର ବୈଜ୍ଞାନିକ ।
![MET OCEAN BUOY](https://etvbharatimages.akamaized.net/etvbharat/prod-images/20-03-2024/21031471_four.jpg)
ଭୂବିଜ୍ଞାନ ମନ୍ତ୍ରାଳୟ ଅଧୀନରେ ଚାଲୁଥିବା ଏହି ସଂସ୍ଥା ସମୁଦ୍ର ଉପରେ ଅଧିକ ଗବେଷଣା କରିଥାଏ । ସମୁଦ୍ରର ପ୍ରକୃତିର ପରିବର୍ତ୍ତନ, ପାଣିପାଗ ପରିବର୍ତ୍ତନ, ଭୌଗଳିକ ପରିବର୍ତ୍ତନ, ସୁନାମି ଇତ୍ୟାଦି ଉପରେ ଗବେଷଣା କରିଥାଏ । 1996ରେ ନ୍ୟାସନାଲ୍ ଡାଟା ବୟ ପ୍ରୋଗ୍ରାମ୍ ନାମକ ଏକ ସିସିଟିଭି ସିଷ୍ଟମ୍ ସ୍ଥାପିତ ହୋଇଥିଲା । ଭାରତ ମହାସାଗରରେ ଆଙ୍କର ଡାଟା ବୟ ମନିଟରିଂ ସିଷ୍ଟମ(Anchor Data Buoy Monitoring Systems) ସ୍ଥାପନ କରିବା ଏହାର ମୁଖ୍ୟ ଉଦ୍ଦେଶ୍ୟ ରହିଥିଲା । ପ୍ରକାଶଥାଉକି, ଆଙ୍କୋରେଜ୍ ବୟଗୁଡିକ ନିର୍ଦ୍ଦିଷ୍ଟ ସ୍ଥାନଗୁଡିକର ପରିସୀମାକୁ ଚିହ୍ନିବା ପାଇଁ ବ୍ୟବହୃତ ହୁଏ । ଏହା ଡାଟା ବାୟ ସେନ୍ସର ସହିତ ଜଡିତ । ଯାହା ପାଣିପାଗ ଏବଂ ସମୁଦ୍ରର ପରିବର୍ତ୍ତନ ଉପରେ ନଜର ରଖିଥାଏ । ଏହି ପରିପ୍ରେକ୍ଷୀରେ, ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଓସେନ ଟେକ୍ନୋଲୋଜିର ସମୁଦ୍ର ପର୍ଯ୍ୟବେକ୍ଷଣରେ କାର୍ଯ୍ୟ କରୁଥିବା ବୈଜ୍ଞାନିକ ଅରୁଲ ମୁଥାଇ ଇଟିଭି ଭାରତକୁ ସ୍ବତନ୍ତ୍ର ସାକ୍ଷାତକାରରେ କହିଛନ୍ତି, "1997 ମସିହା ଠାରୁ ଆମେ ଭାରତ ମହାସାଗର ଏବଂ ଆରବ ସାଗରରେ ଡାଟା ବୟ ସ୍ଥାପିତ କରି ତଥ୍ୟ ହାସଲ କରୁଛୁ । ଏହି ସୁବିଧା ଆରବ ସାଗର ଏବଂ ବଙ୍ଗୋପ ସାଗରର 12ଟି ଗଭୀର ସମୁଦ୍ର ସ୍ଥାନ ଏବଂ 3ଟି ଉପକୂଳ ସ୍ଥାନରେ ରହିଛି । "
![COSTAL BUOY](https://etvbharatimages.akamaized.net/etvbharat/prod-images/20-03-2024/21031471_three.jpg)
ସେ ଆହୁରି ମଧ୍ୟ କହିଛନ୍ତି ଯେ, "ସୁନାମି ବିଷୟରେ ଜାଣିବା ପାଇଁ 7 ଟି ମେସିନ୍ ସ୍ଥାପନ କରାଯାଇଛି । ସେଥିମଧ୍ୟରୁ ବଙ୍ଗୋପସାଗରରେ 5 ଟି ମେସିନ୍ ଏବଂ ଆରବ ସାଗରରେ 2 ଟି ମେସିନ୍ ରହିଛି । ଏହା ମାଧ୍ୟମରେ ମନିଟରିଂ କରାଯାଇଥାଏ । ଏହି ଯନ୍ତ୍ରଗୁଡିକ ଦ୍ବାରା ମିଳୁଥିବା ସୂଚନା ଜାତୀୟ ମହାସାଗର ସୂଚନା ସେବା କେନ୍ଦ୍ରକୁ ପଠାଯାଇଥାଏ । ସେଠାରୁ ପାଣିପାଗ କେନ୍ଦ୍ର ଏବଂ ଅନ୍ୟାନ୍ୟ ବିଭାଗକୁ ଦିଆଯାଇଥାଏ । ସାଟେଲାଇଟ ହେଉଛି ଏକମାତ୍ର ମାଧ୍ୟମ, ଯାହା ଦ୍ବାରା ଗଭୀର ସମୁଦ୍ର ଉପକରଣଗୁଡ଼ିକ ଉପକୂଳ ଅଞ୍ଚଳରେ ରହିଥିବା ନିୟନ୍ତ୍ରଣ କେନ୍ଦ୍ର ସହିତ ସୂଚନା ଆଦାନ ପ୍ରଦାନ କରିପାରିବ । ଏହି ଉପକରଣଗୁଡ଼ିକରୁ ସୂଚନା ପ୍ରତି 3 ଘଣ୍ଟାରେ ସାଟେଲାଇଟକୁ ପଠାଇଥାଏ । ସମୁଦ୍ରରେ ଏହି ଉପକରଣର ନିରବଚ୍ଛିନ୍ନ କାର୍ଯ୍ୟ ପାଇଁ 2 ଟି ବ୍ୟାଟେରୀ ସ୍ଥାପନ କରାଯାଇଛି । ତେବେ ସେଥିମଧ୍ୟରୁ ଗୋଟିଏ ସୂର୍ଯ୍ୟ କିରଣରୁ ବିଦ୍ୟୁତ ଉତ୍ପାଦନ କରିଥାଏ । ଯଦି ସୂର୍ଯ୍ୟକିରଣ ଆଧାରିତ ବ୍ୟାଟେରୀ କାର୍ଯ୍ୟ ନକରିବ ତାହେଲେ ଲିଥିୟମ-ଆୟନ ବ୍ୟାଟେରୀ ସ୍ୱୟଂଚାଳିତ ଭାବରେ କାମ ଆରମ୍ଭ କରିବ ।"
![TSUNAMI BUOY](https://etvbharatimages.akamaized.net/etvbharat/prod-images/20-03-2024/21031471_two.jpg)
ଏହା ମଧ୍ୟ ପଢନ୍ତୁ: 7 ବର୍ଷ ପରେ ମିଳିଲା ଏୟାରକ୍ରାଫ୍ଟ AN32 ଭଗ୍ନାବଶେଷ, ଜାଣନ୍ତୁ କିଭଳି ରହିଥିଲା ପୁରା ମିଶନ