ହାଇଦ୍ରାବାଦ: ସ୍ପେସ୍ ଏକ୍ସ ଡ୍ରାଗନ୍ ମହାକାଶଯାନ 8ଜଣ ମହାକାଶଚାରୀଙ୍କୁ ନେଇ ସୁରକ୍ଷିତ ଭାବେ ପୃଥିବୀ ପ୍ରତ୍ୟାବର୍ତ୍ତନ କରିଛି । ଅନ୍ତର୍ଜାତୀୟ ସ୍ପେସ୍ ଷ୍ଟେସନରେ 7ମାସ ବିତାଇଥିବା ଆମେରିକୀୟ ଏବଂ ଋଷୀୟ ମହାକାଶଚାରୀଙ୍କୁ ନେଇ ଆଜି (ଶୁକ୍ରବାର) ଅପରାହ୍ନ 12ଟା 59ରେ ଫ୍ଲୋରିଡାର ପେନ୍ସାକୋଲା ଉପକୂଳରେ ସୁରକ୍ଷିତ ଅବତରଣ କରିଛି । ଏହି କ୍ରୁରେ ନାସାର ମହାକାଶଚାରୀ ମାଥ୍ୟୁ ଡୋମିନିକ୍, ମାଇକେଲ୍ ବାରାଟ ଏବଂ ଜିନେଟ ଏପ୍ସଙ୍କ ସହ ଋଷୀୟ ମହାକାଶଚାରୀ ଆଲେକ୍ସଜାଣ୍ଡାର୍ ଗ୍ରେବେଙ୍କିନ୍ ମଧ୍ୟ ଅଛନ୍ତି ।
ପୃଥିବୀରେ ଅବତରଣ କରିବା ପରେ ସମସ୍ତ ମହାକାଶଚାରୀଙ୍କ ମେଡିକାଲ ଚେକଅପ କରାଯାଇଥିଲା । ଏହାପରେ ନାସା ଓ ସ୍ପେଶ-ଏକ୍ସ ମିଳିତ ଭାବରେ ଏକ ଟେଲି କନଫରେନ୍ସରେ ଏହି ଲ୍ୟାଣ୍ଡ ନେଇ ସୂଚନା ଦେଇଥିଲେ । ଏହାସହିତ ସ୍ପେଶ-ଏକ୍ସ 13ତମ ମାନବ ସ୍ପେସ୍ ଫ୍ଲାଇଟ୍ ମିଶନ ସଫଳ ହୋଇଛି । ସେପଟେ ଚଳିତ ବର୍ଷ ଜୁନରୁ ISS ଯାଇଥିବା ଭାରତୀୟ ବଂଶୋଦ୍ଭବ ତଥା ନାସା ମହାକାଶଚାରୀ ସୁନୀତା ୱିଲିୟମ୍ସ ଓ ସହଯୋଗୀ ବ୍ୟାରି ୱିଲମୋର ମହାକାଶରେ ଅଛନ୍ତି । ସୁନୀତା ଏବେ ଅନ୍ତର୍ଜାତୀୟ ସ୍ପେଶ ଷ୍ଟେସନର ପ୍ରତିନିଧିତ୍ବ କରୁଛନ୍ତି । ଏବେ ସେ କିଛି ଗବେଷଣା କରୁଥିବା ବେଳେ ଆସନ୍ତା ବର୍ଷ ଫେବୃଆରୀରେ ପୃଥିବୀକୁ ଫେରିବେ ।
LIVE: #Crew8 returns home from their mission on the @Space_Station. Splashdown of the @SpaceX Dragon capsule is expected at 3:29am ET (0729 UTC). https://t.co/PdNQljsPoG
— NASA (@NASA) October 25, 2024
Crew-9 ଡ୍ରାଗନରେ ପୃଥିବୀ ଫେରିବେ ସୁନୀତା ୱିଲିୟମ୍ସ ଓ ୱିଲମୋର:-
ବୋଇଙ୍ଗ ଷ୍ଟାରଲାଇନର ସ୍ପେଶକ୍ରାଫ୍ଟରେ ମହାକାଶକୁ ଚଳିତ ବର୍ଷ ଜୁନ 6 ତାରିଖରେ ସୁନୀତା ୱିଲିୟମ୍ସ ଓ ସାଥୀ ମହାକାଶଚାରୀ ବ୍ୟାରି ୱିଲମୋର ଗସ୍ତ କରିଥିଲେ । 8ଦିନ ପାଇଁ ଉଭୟ ଯାଇଥିଲେ । ମାତ୍ର ବୋଇଙ୍ଗ ଷ୍ଟାରଲାଇନରେ ଯାନ୍ତ୍ରିକ ତ୍ରୁଟି ଯୋଗୁଁ ଉଭୟ ସୁରକ୍ଷା ଦୃଷ୍ଟିରୁ ମହାକାଶରେ ସ୍ଥାପିତ ହୋଇଥିବା ଅନ୍ତର୍ଜାତୀୟ ସ୍ପେଶ ଷ୍ଟେସନ (ISS)ରେ ଅଛନ୍ତି । ସେମାନେ ଆସନ୍ତା ବର୍ଷ 2025 ଫେବୃଆରୀରେ ପୃଥିବୀ ପ୍ରତ୍ୟାବର୍ତ୍ତନ କରିବେ ।
Dragon splashes down off the coast of Florida with the Crew-8 astronauts after spending 235 days on-orbit and completing SpaceX’s 13th human spaceflight mission pic.twitter.com/LR6uTLWX2F
— SpaceX (@SpaceX) October 25, 2024
ସୁନୀତାଙ୍କୁ ଆଣିବାକୁ ଯାଇଛି କ୍ରୁ-9 ଡ୍ରାଗନ:-
ନାନା ବାଧାବିଘ୍ନ ପରେ ଶେଷରେ ଲଞ୍ଚ ହୋଇଛି ନାସା ମହାକାଶଚାରୀ ସୁନୀତା ୱିଲିୟମ୍ସଙ୍କ ରେସ୍କ୍ୟୁ ମିଶନ । ଯାହାର ନାମ ରଖାଯାଇଛି କ୍ରୁ-9 ମିଶନ (Crew-9) । ଫ୍ଲୋରିଡାର କାପେ କାନଭେରାଲ ସ୍ପେଶ ଫୋର୍ସ ଷ୍ଟେସନରୁ ସେପ୍ଟେମ୍ବର 28ରୁ ଭାରତୀୟ ସମୟ ରାତି ପ୍ରାୟ 10ଟା 47 ମିନିଟରେ ଏହି ରେସ୍କ୍ୟୁ ମିଶନ ଲଞ୍ଚ କରାଯାଇଛି । ଗତ ସେପ୍ଟେମ୍ବର 26 ତାରିଖରେ ଏହି ମିଶନ ଲଞ୍ଚ ହେବାର ଥିଲା । ମାତ୍ର ହରିକେନ ହେଲିନ ଯୋଗୁଁ ଏହାକୁ ସେପ୍ଟେମ୍ବର 28କୁ ଘୁଞ୍ଚାଯାଇଥିଲା ।
