OnePlus 13R ଖୁବଶୀଘ୍ର ଭାରତରେ ହେବ ଲଞ୍ଚ; ଲିକ୍‌ ହେଲା ତଥ୍ୟ

ୱାନପ୍ଲସ 13 ଭାରତରେ ଲଞ୍ଚ ହେବାକୁ ଥିବା ବେଳେ ୱାନପ୍ଲସ 13R ମଧ୍ୟ ଲଞ୍ଚ ହେବାକୁ ଯାଉଛି । ଏଥିରେ କଣ ଫିଚର ଓ ସ୍ପେଶିଫିକେସନ ମିଳିବ ଜାଣନ୍ତୁ...

ହାଇଦ୍ରାବାଦ: ୱାନପ୍ଲସ 13 ଚୀନରେ ଲଞ୍ଚ ହୋଇସାରିଛି । ଏହା ଖୁବଶୀଘ୍ର ଭାରତକୁ ମଧ୍ୟ ଆସିବାକୁ ଯାଉଛି । ଏହାରି ମଧ୍ୟରେ କମ୍ପାନୀର ନମ୍ବର ଫ୍ଲାଗସିପର 'R' ଭାରିଏଣ୍ଟ ୱାନପ୍ଲସ 13Rକୁ ନେଇ ଚର୍ଚ୍ଚା ହେଉଛି । ୱାନପ୍ଲସ 13 ସହିତ ୱାନପ୍ଲସ 13R ମଧ୍ୟ ଭାରତରେ ଲଞ୍ଚ ହୋଇପାରେ । ଏହାରି ମଧ୍ୟରେ ୱାନପ୍ଲସ 13Rର ସ୍ପେଶିଫିକେସନ, ଫିଚର ଓ ଦାମ ସମ୍ପର୍କରେ ତଥ୍ୟ ଲିକ୍‌ ହୋଇଛି । ତେବେ ଆସନ୍ତୁ ଜାଣିବା ଏହି ନୂଆ ସ୍ମାର୍ଟଫୋନରେ ୟୁଜରଙ୍କୁ କମ୍ପାନୀ କଣ ଭେଟି ଦେଉଛି ।

ୱାନପ୍ଲସ 13Rକୁ ଆନୁଷ୍ଠାନିକ ଭାବେ ଲଞ୍ଚ ନେଇ ତଥ୍ୟ ପ୍ରକାଶ କରାଯାଇନାହିଁ, ହେଲେ ଏହାର ଚୀନ କାଉଣ୍ଟରପାର୍ଟ ୱାନପ୍ଲସ ଏସ 5 (OnePlus Ace 5)ର ଫିଚର ସମ୍ପର୍କରେ ଅନଲାଇନରେ ତଥ୍ୟ ପ୍ରକାଶ ପାଇଛି । ଯେଉଁଥିରେ ଆମକୁ 'ନୂଆ ଫ୍ଲାଗସିପ କିଲର' ୱାନପ୍ଲସ 13ଆର ସ୍ମାର୍ଟଫୋନରେ କଣ କଣ ସୁବିଧା, ସ୍ପେଶିଫିକେସନ ଓ ଫିଚର ମିଳିବ ସେ ନେଇ ସଙ୍କେତ ମିଳିଛି ।

OnePlus 13R (Credit- @OnePlusClub)

OnePlus 13R ଡିଜାଇନ:-

OnePlus 13R ଏବଂ ଫ୍ଲାଗସିପ୍ OnePlus 13 ମଧ୍ୟରେ ଡିଜାଇନ ଦୃଷ୍ଟିରୁ ବିଶେଷ କିଛି ଭିନ୍ନ ହେବ ନାହିଁ । ସ୍ମାର୍ଟଫୋନର ପଛ ଭାଗରେ ତିନୋଟି କ୍ୟାମେରା ଧାରଣ କରିଥିବା ଏକ ବୃତ୍ତାକାର ମଡ୍ୟୁଲ୍ ମିଳିପାରେ । କିନ୍ତୁ OnePlus 13 ପରି, OnePlus 13R କ୍ୟାମେରା ମଡ୍ୟୁଲ୍ ନିକଟରେ ହସେଲବ୍ଲାଡ୍ (Hasselblad) ବ୍ରାଣ୍ଡିଂ ପ୍ରଦର୍ଶନ କରିବ ନାହିଁ । ତଥାପି ଆଲର୍ଟ ସ୍ଲାଇଡର (Alert Slider) ଫିଚର ମିଳିବ ଯାହାକି OnePlus ଫୋନରେ ଏକ ସିଗ୍ନେଚର । ଏହା ଉପଭୋକ୍ତାମାନଙ୍କୁ ତିନୋଟି ମୋଡ୍ ମଧ୍ୟରେ ସହଜରେ ପରିବର୍ତ୍ତନ କରିବାରେ ସାହାଯ୍ୟ କରିବ -ସାଇଲେଣ୍ଟ, ଭାଇବ୍ରେଟ୍‌ ଏବଂ ରିଙ୍ଗ୍‌ ।

ଏହା ବି ପଢନ୍ତୁ

OnePlus 13R ସ୍ପେଶିଫିକେସନ ଓ ଫିଚର (ରୁମର୍‌):-

• 6.78-ଇଞ୍ଚ ଫ୍ଲାଟ୍‌ BOE X2 OLED 8T LTPO ପ୍ୟାନେଲ୍‌
• 1.5K ରିଜୋଲ୍ୟୁସନ, 120Hz ରିଫ୍ରେସ ରେଟ୍‌
• Snapdragon 8 Gen 3 ଲିଡିଂ ଭର୍ସନ
• 16GB LPDDR5x RAM
• 512GB UFS 4.0 ଷ୍ଟୋରେଜ
• 6,300mAh-6,500mAh ବ୍ୟାଟେରୀ
• 100W ଫାଷ୍ଟ ଚାର୍ଜିଂ
• ଆଗ କ୍ୟାମେରା: 16MP
• ରିଅର (ପଛ) କ୍ୟାମେରା: 50MP + 8MP + 2MP ଟ୍ରିପଲ୍‌ କ୍ୟାମେରା
• Android 15, ColorOS 15
• ଇନ-ସ୍କ୍ରିନ (ମୋବାଇଲ ସ୍କ୍ରିନ ଉପରେ) ଫିଙ୍ଗରପ୍ରିଣ୍ଟ ସେନ୍ସର
• ଆଲର୍ଟ ସ୍ଲାଇଡର (Alert Slider)
• IR ବ୍ଲାଷ୍ଟର

OnePlus 13R

• 6.78” 1.5k BOE X2 flat display
• 8T LTPO 120hz refresh rate
• Snapdragon 8Gen 3
• 50MP main camera
• 6200mAh battery
• 100W charging
• Optical fingerprint scanner
• New generation of cooling system
• IP68 rating
• OxygenOS 15 pic.twitter.com/BHYjJxP8o9

— OnePlus Club (@OnePlusClub) September 18, 2024

OnePlus 13R: ଦାମ ଓ ଲଞ୍ଚ୍‌ ଟାଇମଲାଇନ୍‌

ରୁମର୍‌ ଅନୁସାରେ, କମ୍ପାନୀ ୱାନପ୍ଲସ 13R ମୋବାଇଲର ଦାମ 40,000 ଟଙ୍କା ରଖିପାରେ । OnePlus 13R ଏବଂ ଫ୍ଲାଗସିପ୍ OnePlus 13 ଏକାଠି ଆସନ୍ତା ଡିସେମ୍ବର କିମ୍ବା 2025 ଜାନୁଆରୀରେ ଲଞ୍ଚ ହେବ । ୱାନପ୍ଲସ 13Rଠାରୁ ୱାନପ୍ଲସ 13ର ଦାମ ଅଧିକ ରହିପାରେ । ଉପରେ ଦିଆଯାଇଥିବା ସମସ୍ତ ସ୍ପେଶିଫିକେସନ କମ୍ପାନୀ ଦେଇପାରେ ବୋଲି ଆକଳନ କରାଯାଉଛି । ମୋବାଇଲ ଲଞ୍ଚ ହେବା ପରେ ଏହାର ଫାଇନାଲ ସ୍ପେଶିଫିକେସନ ଓ ଫିଚରର ତଥ୍ୟ ମିଳିବ ।