ହାଇଦ୍ରାବାଦ: ଭାରତରେ ଆସନ୍ତା ସପ୍ତାହରେ ଲଞ୍ଚ ହେବ Moto G05 ସ୍ମାର୍ଟଫୋନ । ଭାରତରେ ଡେବ୍ୟୁ କରିବା ପୂର୍ବରୁ ମୋଟୋର ନୂଆ G-ସିରିଜ ସ୍ମାର୍ଟଫୋନର ସ୍ପେଶିଫିକେସନ ସମ୍ପର୍କରେ ଇ-କମର୍ସ ପ୍ଲାଟଫର୍ମ ଫ୍ଲିପକାର୍ଟର ମାଇକ୍ରୋସାଇଟ୍ରେ ଟିଜର ଜାରି ହୋଇଛି । ଏଥିରେ ଫୋନର ଡିସପ୍ଲେ, ଚିପସେଟ୍, ବ୍ୟାଟେରୀ ଆଦି ସମ୍ପର୍କରେ ଜଣାପଡ଼ିଛି । ଗତ ଡିସେମ୍ବରରେ କିଛି ନିର୍ଦ୍ଦିଷ୍ଟ ଗ୍ଲୋବାଲ ମାର୍କେଟରେ Moto E15 ସହିତ ଏହି ସ୍ମାର୍ଟଫୋନର ଖୁଲାସା ହୋଇଥିଲା ।
Moto G05: ଲଞ୍ଚ ତାରିଖ
ଆସନ୍ତା ଜାନୁଆରୀ 7 ତାରିଖ ମଧ୍ୟାହ୍ନ 12ଟା ସମୟରେ ମୋଟୋ ଜି05 ଲଞ୍ଚ ହେବାକୁ ଯାଉଛି । ଲଞ୍ଚ ହେବା ପରେ ଏହି ସ୍ମାର୍ଟଫୋନର ସେଲ୍ ଫ୍ଲିପକାର୍ଟରେ ଆରମ୍ଭ ହେବ । ଲଞ୍ଚକୁ ଆଉ କିଛି ଦିନ ବାକି ଥିବା ବେଳେ ଏହି ଇ-କମର୍ସ ୱେବସାଇଟରେ ଫୋନର ଡିଜାଇନ ଓ ସ୍ପେଶିଫିକେସନର ଟିଜର ରିଲିଜ ହୋଇଛି । ଏହି ଫୋନଟି ଗ୍ରୀନ ଓ ରେଡ୍ କଲର ଅପସନ ସହିତ ଭେଗାନ୍ ଲେଦର୍ ବ୍ୟାକ୍ ପ୍ୟାନେଲ ସହ ବଜାରରେ ଉପଲବ୍ଧ ହେବ ।
Moto G05: ସ୍ପେଶିଫିକେସନ
- ଡିସପ୍ଲେ: ମାଇକ୍ରୋସାଇଟ୍ ଅନୁଯାୟୀ ମୋଟୋ G05 ସ୍ମାର୍ଟଫୋନରେ 90Hz ରିଫ୍ରେସ୍ ରେଟ୍, 1000 ନିଟ୍ ପିକ୍ ବ୍ରାଇଟନେସ୍, ଗରିଲା ଗ୍ଲାସ୍ 3 ଏବଂ ୱାଟର ଟଚ୍ ଟେକ୍ନୋଲୋଜି ସହିତ 6.67-ଇଞ୍ଚର ଡିସପ୍ଲେ ମିଳିପାରେ ।
- ଡିଜାଇନ: ଏହା ଏକ ଭେଗାନ୍ ଲେଦର୍ ରିଅର ପ୍ୟାନେଲ୍ ସହିତ ସବୁଜ ଏବଂ ନାଲି ରଙ୍ଗରେ ଉପଲବ୍ଧ ହେବ । ଏହି ଫୋନରେ ସାଇଡ୍-ମାଉଣ୍ଟ୍ ଫିଙ୍ଗର ପ୍ରିଣ୍ଟ ସ୍କାନର୍ ଏବଂ ପଛରେ କ୍ୟାମେରା ରହିବ ।
- କ୍ୟାମେରା: ଏହି ଡିଭାଇସରେ 50MP ମୁଖ୍ୟ ପଛ କ୍ୟାମେରା ଏବଂ 8MP ସେଲଫି କ୍ୟାମେରା ରହିବ।
- ଅଡିଓ: ଏହା ଡଲବି ଅଟମୋସ୍ ଏବଂ ହାଇ-ରେସ୍ ଅଡିଓ ସହିତ ଆସିବ ।
- ହାର୍ଡୱେର୍: ମୋଟୋ G05 ଏକ MediaTek Helio G81 Extreme ପ୍ରୋସେସର ଦ୍ବାରା ଚାଳିତ ବୋଲି ନିଶ୍ଚିତ ହୋଇଛି । ଏହା 4GB RAM ଏବଂ 64GB ଷ୍ଟୋରେଜ୍ ସହିତ ଆସିପାରେ । ଫୋନରେ ଭର୍ଚ୍ଚୁଆଲ୍ RAM ଟେକ୍ନୋଲୋଜି ମିଳିପାରେ ।
- ବ୍ୟାଟେରୀ ଏବଂ OS: ଏହି ସ୍ମାର୍ଟଫୋନଟି 18W ଚାର୍ଜିଂ ସପୋର୍ଟ କରୁଥିବା 5,200mAh ବ୍ୟାଟେରୀ ସହ ଆସିପାରେ । ସ୍ମାର୍ଟଫୋନ୍ ଆଣ୍ଡ୍ରଏଡ୍ 15 OS ଉପରେ ଆଧାରିତ ହେବ ।
Moto G05: ଦାମ କେତେ ରହିବ ?
Moto G04 ସ୍ମାର୍ଟଫୋନ ଭାରତରେ Rs 6,999 ଲଞ୍ଚ ହୋଇଥିଲା । ଏଣୁ ଏହାର ପରବର୍ତ୍ତୀ ମଡେଲ 10ହଜାର ଟଙ୍କା ଭିତରେ ରହିବ ବୋଲି ଆଶା କରାଯାଉଛି । ଏପରି ହେଲେ ଗ୍ରାହକଙ୍କ ପାଇଁ ଏହା ମୋଟୋର ବଜେଟ୍-ଫ୍ରେଣ୍ଡଲି ସ୍ମାର୍ଟଫୋନ ହେବ । ଲଞ୍ଚ ଇଭେଣ୍ଟରେ ଏହାର ପ୍ରକୃତ ଦାମ ସମ୍ପର୍କରେ କମ୍ପାନୀ ପକ୍ଷରୁ ଖୁଲାସା କରାଯିବ ।
