ହାଇଦ୍ରାବାଦ: ଦେଶରେ ଜାରି ରହିଛି ପାର୍ବଣ ଋତୁ । ଏଥର ମହିନ୍ଦ୍ରା ଲଞ୍ଚ କରିଛି ସ୍କର୍ପିଓର ନୂଆ ଭର୍ସନ କ୍ଲାସିକ ବସ୍ ଏଡିସନ । ଏଥିରେ ପୂର୍ବ ମଡେଲଠାରୁ ଅନେକ ପରିବର୍ତ୍ତନ କରାଯାଇଛି । ଯାହାର ଲୁକ୍ ଦମଦାର ରହିଥିବା ବେଳେ ଦେଖଣାହାରୀଙ୍କୁ ଆକୃଷ୍ଟ କରିଛି । ବ୍ଲାକ ଥିମରେ ଏହି ସ୍କର୍ପିଓ ଉପଲବ୍ଧ ଥିବା ବେଳେ ଏହାର ଫିଚର, ଦାମ ଓ ବିଶେଷତା କଣ ରହିଛି ସେ ସମ୍ପର୍କରେ ଆସନ୍ତୁ ନିମ୍ନରେ ଜାଣିବା ।
କଣ ହୋଇଛି ପରିବର୍ତ୍ତନ ?
ମହିନ୍ଦ୍ରା ସ୍କର୍ପିଓ କ୍ଲାସିକ୍ ବସ୍ ଏଡିସନ ଲଞ୍ଚ କରିଛି । ନୂତନ ବସ୍ ଏଡିସନରେ ଅନେକ ପରିବର୍ତ୍ତନ କରାଯାଇଛି । ଏହାକୁ ଭିଡ଼ରୁ ଅଲଗା କରିବା ପାଇଁ ମହିନ୍ଦ୍ରା ସ୍କର୍ପିଓ କ୍ଲାସିକ୍ ବସ୍ ଏଡିସନକୁ କିଛି ଫିଚର ଦମଦାର ରଖିଛି । ଏହାର ଆଗ ଗ୍ରୀଲ୍, ହେଡଲାଇଟ୍, ଫଗ୍ ଲାଇଟ୍, ବୋନେଟ୍ ସ୍କପ୍, ଡୋର ହ୍ୟାଣ୍ଡଲ୍ ଏବଂ ପଛ ଟେଲ୍ ଲାଇଟ୍ ଚାରିପାଖରେ ଗାଢ କ୍ରୋମ୍ ରହିଛି । କେବଳ ଏତିକି ନୁହେଁ ବସ୍ ଏଡିସନରେ ଥିବା ORVMକୁ କାର୍ବନ ଫାଇବର ଫିନିଶ୍ ଦିଆଯାଇଛି । ଏହାସହିତ ଏଥିରେ ଡୋର ଭିଜର୍ ଏବଂ ପଛ ବମ୍ପର ପ୍ରୋଟେକ୍ଟର ମଧ୍ୟ ପ୍ରଦାନ କରାଯାଇଛି । ଏହାର ଡ୍ୟାସବୋର୍ଡ ଏକ ଡୁଆଲ୍-ଟୋନ୍ ବ୍ଲାକ୍ ଏବଂ ବେଜ୍ ମିଶ୍ରଣରେ ଉପଲବ୍ଧ । ଏହି ଏଡିସନରେ ବେକକୁ ଆରାମ ଦେବା ଲାଗି କୁସନ୍ ସିଟରେ ପ୍ରଦାନ କରାଯାଇଛି ।
Daring, dark, and boldly unstoppable. The Scorpio Classic Boss Edition is here to own every road.
— Mahindra Scorpio (@MahindraScorpio) October 17, 2024
This special edition features Dark chrome-themed exteriors, Boss Black interiors, a rear-view camera, a classic black chrome front grille, and much more.
Available via accessories… pic.twitter.com/bpNsifoq2L
ଇଞ୍ଜିନ ପାୱାର:- ମହିନ୍ଦ୍ରା ସ୍କର୍ପିଓ କ୍ଲାସିକ୍ ବସ୍ ଏଡିସନ 2.2-ଲିଟର mHawk ଡିଜେଲ ଇଞ୍ଜିନ୍ ଦ୍ବାରା ଚାଳିତ । ଏହି ଇଞ୍ଜିନ୍ ସର୍ବାଧିକ 3,750 rpmରେ 130 bhp ଏବଂ ସର୍ବୋଚ୍ଚ ଟର୍କ 300 Nm 1, 600-2,800 rpmରେ ଉତ୍ପାଦନ କରେ । ଏହା ଏକ 6-ସ୍ପିଡ୍ ମାନୁଆଲ୍ ଗିଅରବକ୍ସ ରହିଛି । କିନ୍ତୁ ଆପଣ ସ୍ବୟଂଚାଳିତ ଟ୍ରାନ୍ସମିସନ୍ ଏବଂ 4x4 ଡ୍ରାଇଭଟ୍ରେନ୍ ପାଇବେ ନାହିଁ ।
ଡିଜାଇନ କିପରି ରହିଛି ?
ମହିନ୍ଦ୍ରା ସ୍କର୍ପିଓ କ୍ଲାସିକ୍ ବସ୍ ଏଡିସନ SUVର ଲୁକ୍ ଏବଂ ଡିଜାଇନ୍ ବିଷୟରେ କହିବାକୁ ଗଲେ ନୂତନ ବସ୍ ଏଡିସନରେ ବନେଟ୍ ସ୍କପ୍, ଫ୍ରଣ୍ଟ୍ ଗ୍ରିଲ୍, ଫଗ୍ ଲ୍ୟାମ୍ପ, ପଛ ପ୍ରତିଫଳକ, ଟେଲ୍ ଲ୍ୟାମ୍ପ, ଡୋର ହ୍ୟାଣ୍ଡେଲ, ସାଇଡ ଇଣ୍ଡିକେଟର, ପଛ କ୍ବାର୍ଟର ଗ୍ଲାସ ଏବଂ ଡାର୍କ କ୍ରୋମ ଗାର୍ନିସ ରହିଛି । ଫ୍ରଣ୍ଟ ବମ୍ପର, ରେନ୍ ଭିଜର୍ ଏବଂ ORVM ପାଇଁ ଏକ ଆଡ୍-ଅନ୍ କାର୍ବନ ଫାଇବର କଭର ମଧ୍ୟ ଅଛି । ଏସୟୁଭିକୁ ରିଅର ଗାର୍ଡ ସହିତ ମଧ୍ୟ ସଜାଯାଇଛି, ଯାହାକୁ ଏକ କଳା ପାଉଡର ଆବରଣ ଦିଆଯାଇଛି ।
5 କଲର ଅପସନ:- ଏହି ନୂତନ ମହିନ୍ଦ୍ରା ସ୍କର୍ପିଓରେ ଗ୍ରାହକଙ୍କ ଲାଗି ପାଞ୍ଚୋଟି କଲର୍ ଅପସନ ରହିଛି । ସେଗୁଡ଼ିକ ହେଉଛି ଗାଲାକ୍ସି ଗ୍ରେ, ଡାଏମଣ୍ଡ ହ୍ବାଇଟ୍, ସ୍ଟିଲଥ୍ ବ୍ଲାକ୍, ଏଭରେଷ୍ଟ ହ୍ବାଇଟ ଓ ରେଡ୍ ରେଜ ।
ଦାମ କେତେ ରହିଛି ? : ମହିନ୍ଦ୍ରା ସ୍କର୍ପିଓ କ୍ଲାସିକ 2ଟି ଭାରିଏଣ୍ଟ S ଓ S11ରେ ଉପଲବ୍ଧ । ଏହାର ପ୍ରାରମ୍ଭିକ ମୂଲ୍ୟ (ଏକ୍ସ-ଶୋ'ରୁମ) 13.62 ଲକ୍ଷରୁ ଆରମ୍ଭ ହୋଇ 17.42 ଲକ୍ଷ ପର୍ଯ୍ୟନ୍ତ ରହିଛି ।
