ହାଇଦ୍ରାବାଦ: ଭାରତରେ ଲଞ୍ଚ ହୋଇଯାଇଛି ସାଉଥ କୋରିଆ ଅଟୋମୋବାଇଲ କମ୍ପାନୀ ହୁଣ୍ଡାଇ ନୂଆ କ୍ରେଟା କାର । ଭାରତୀୟ ଗ୍ରାହକଙ୍କ ଲାଗି ଆକୃଷ୍ଟ କରିବା ଲାଗି ଷ୍ଟାଇଲିସ ଲୁକ୍ର କାର ଆଣିଥାଏ ଏହି କମ୍ପାନୀ । ଏହି କାରରେ 21 ନୂଆ ପରିବର୍ତ୍ତନ କରାଯାଇଛି । ଫେଷ୍ଟିଭ ସିଜନକୁ ଆଖି ଆଗରେ ରଖି ଏହି SUVର ନୂଆ ଏଡିସନ ଲଞ୍ଚ ହୋଇଛି । ଯଦି ଆପଣ ଏକ ଷ୍ଟାଇଲିସ କାରର ଖୋଜରେ ଅଛନ୍ତି ତେବେ ଏହି କାରଟି ଆପଣଙ୍କ ପାଇଁ ହୋଇପାରେ ।
Ready to conquer the road? The Hyundai CRETA Knight is your ultimate companion. With its Knight Emblem, black skid plates, and brass-piped leather seats, it’s a statement.
— Hyundai India (@HyundaiIndia) September 4, 2024
Book your test drive now!#Hyundai #CRETAKnight #ILoveHyundai pic.twitter.com/1fMgI82m0c
କଣ ରହିଛି ଫିଚର୍ସ ?
ନାଇଟ ଏଡିସନ କ୍ରେଟା SUV କଳା ରଙ୍ଗର ରହିଛି । ଏହାର କ୍ୟାବିନଠୁ ଆରମ୍ଭ କରି ସିଟ୍ ମଧ୍ୟ ବ୍ଲାକ ଲେଦର ରହିଛି । ସ୍ପୋର୍ଟି ମେଟାଲ ପେଡାଲ ସହିତ ଷ୍ଟିଅରିଂ ହ୍ବିଲ, ଗିଅର ବୁଟ୍ ସବୁକିଛି ଏହାର ଷ୍ଟାଇଲିସ ରହିଛି । 17 ଇଞ୍ଚର ବ୍ଲାକ ଆଲଏ ହ୍ବିଲ ରହିଛି । ଏହି କାରରେ ବ୍ଲାକ ମ୍ୟାଟ୍ ରଙ୍ଗର ଲୋଗୋ ମଧ୍ୟ ରହିଛି ।
କେମିତି ରହିଛି ଇଣ୍ଟିରିୟର:-
ହୁଣ୍ଡାଇ କ୍ରେଟା ନାଇଟ ଏଡିସନର ଇଣ୍ଟିରିୟର ବି ଏହି ଥିମ ରଖାଯାଇଛି । ଏହାର ଇଣ୍ଟିରିୟରକୁ ବ୍ଲାକ୍ ଥିମ ସହିତ ବ୍ରାସ ରଙ୍ଗ ମଧ୍ୟ ରହିଛି । ଯାହାକୁ ଷ୍ଟିଚିଂ, ଷ୍ଟିଅରିଂ ହ୍ବିଲ ଓ ମେଟାଲ ପେଡାଲରେ ଏହି ରଙ୍ଗ ଦେଖିବାକୁ ମିଳିବ ।
ଇଞ୍ଜିନ କେତେ ଦମଦାର ?
SUVରେ 1.5 ଲିଟର କ୍ଷମତା ସହିତ ପେଟ୍ରୋଲ ଇଞ୍ଜିନ ଦିଆଯାଇଛି । ଏହାସହିତ 6-ସ୍ପିଡ ମ୍ୟାନୁଆଲ ଓ ଅଟୋମେଟିକ ଟ୍ରାନ୍ସମିସନ ମିଳିବ । ଦ୍ବିତୀୟ ଇଞ୍ଜିନ ବିକଳ୍ପ ଭାବରେ ଏଥିରେ 1.5 ଲିଟରର ସିଆରଡିଆଇ ଡିଜେଲ ଇଞ୍ଜିନ ମଧ୍ୟ ପ୍ରଦାନ କରାଯାଇଛି । Kinght Editionକୁ କେବଳ ଏସ ଓ ଏସଏକ୍ସ ଅପସନ ଭାରିଏଣ୍ଟସ ସହିତ ଉପଲବ୍ଧ କରାଯାଇଛି ।
କେତେ ରହିଛି ଦାମ ?
ହୁଣ୍ଡାଇ ପକ୍ଷରୁ କ୍ରେଟା ନାଇଟ ଏଡିସନର ପ୍ରାରମ୍ଭିକ ଏକ୍ସ ଶୋ'ରୁମ ମୂଲ୍ୟ 14.50 ଲକ୍ଷ ଟଙ୍କା ରଖାଯାଇଛି । ଏହି ମୂଲ୍ୟ ଏହାର ପେଟ୍ରୋଲ ଇଞ୍ଜିନ ଏସ ଅପସନାଲ ମ୍ୟାନୁଆଲ ଟ୍ରାନ୍ସମିସନ ପାଇଁ ରହିଛି । ପେଟ୍ରୋଲରେ ଏହାର S ଏଡିସନର ଟପ୍ ଭାରିଏଣ୍ଟର ଏକ୍ସ ଶୋ'ରୁମ ମୂଲ୍ୟ 18,88200 ଟଙ୍କା ରହିଛି । ସେହିପରି ଡିଜେଲ ଇଞ୍ଜିନ ଭାରିଏଣ୍ଟର ଏକ୍ସ ଶୋ'ରୁମ ମୂଲ୍ୟ 16.08 ଲକ୍ଷଠୁ ଆରମ୍ଭ କରି 20.15ଲକ୍ଷ ରହିଛି । ଯଦି କୌଣସି ଗ୍ରାହକ ଟାଇଟନ ଗ୍ରେ ମ୍ୟାଟ ରଙ୍ଗର କ୍ରେଟାକୁ କିଣିବାକୁ ଚାହୁଁଛନ୍ତି ତେବେ ତାଙ୍କୁ ଅତିରିକ୍ତ 5ହଜାର ଟଙ୍କା ଦେବାକୁ ପଡ଼ିବ ।
