ହାଇଦ୍ରାବାଦ: ଦିନକୁ ଦିନ ବଢୁଛି ପେଟ୍ରୋଲ ଦର । ଫଳରେ ଲୋକେ ଏହାର ବିକଳ୍ପ ଖୋଜିବା ଆରମ୍ଭ କଲେଣି । ଗ୍ରାହକଙ୍କ ଚାହିଦାକୁ ଦୃଷ୍ଟିରେ ରଖି ବାଇକ ଓ କାର ନିର୍ମାତା କମ୍ପାନୀ ପେଟ୍ରୋଲର ବିକଳ୍ପ ଇନ୍ଧନରେ ଚାଲିପାରୁଥିବା ଗାଡି ନିର୍ମାଣ କରୁଛନ୍ତି । ଏହାରି ମଧ୍ୟରେ ଦୁଇ ଚକିଆ ଯାନ ନିର୍ମାତା କମ୍ପାନୀ Honda Motorcycle ନୂଆ ବାଇକ୍ ହୋଣ୍ଡା CB300F ଫ୍ଲେକ୍ସଟେକ୍ ଲଞ୍ଚ କରିଛି । ଯାହାକି 85 ପ୍ରତିଶତ ଇନ୍ଧନରେ ଚାଲିପାରିବ ।
ଏହା ପ୍ରଥମେ ଭାରତ ମୋବିଲିଟି ସୋ 2024ରେ ପ୍ରଦର୍ଶିତ ହୋଇଥିଲା । ଏହାର ଡିଜାଇନ ଷ୍ଟାଣ୍ଡାର୍ଡ ହୋଣ୍ଡା CB300F ସହିତ ସମାନ ଏବଂ ସମାନ ଫିଚର ପ୍ରଦାନ କରେ । ଏହା ମାସ ଶେଷରେ ହୋଣ୍ଡାର ବିଗୱିଙ୍ଗ୍ ରେଞ୍ଜର ଡିଲରସିପରେ ଉପଲବ୍ଧ ହେବ ।
| ଏହା ବି ପଢନ୍ତୁ |
କଣ ରହିଛି ଫିଚର ?
- ଏହି ମୋଟର ସାଇକେଲ 2ଟି କଲର ଅପସନ ରହିଛି । ଯେଉଁଥିରେ ଆପଣଙ୍କୁ ସ୍ପୋର୍ଟସ ରେଡ ଓ ମ୍ୟାଟ୍ ଆକ୍ସିସ ଗ୍ରେ ମେଟାଲିକ କଲର ମିଳିଯିବ ।
- ଏହି 2 କଲର ଅପସନ ଷ୍ଟାଣ୍ଡାର୍ଡ ମୋଟରସାଇକେଲ ପାଇଁ ମଧ୍ୟ ଉପଲବ୍ଧ ।
- ଦୁଇଟି ଭିନ୍ନ ମଡେଲକୁ ଆପଣ ଚିହ୍ନିବାର ଗୋଟିଏ ଉପାୟ ହେଉଛି CB300F ଫ୍ଲେକ୍ସର ତେଲ ଟାଙ୍କି ଉପରେ ଏକ ନୀଳ ରଙ୍ଗର ଡିକଲ ରହିଥାଏ । ଏଥିରେ ବ୍ରାଣ୍ଡର ନାମ 'FlexTech' ଲେଖା ହୋଇଥାଏ ।
- ବ୍ରେକିଂ ପାଇଁ ଉଭୟ ପାର୍ଶ୍ବରେ ଡିସ୍କ ବ୍ରେକ୍ ଲଗାଯାଇଛି ।
- ଯଦି ଆମେ ପାୱାରଟ୍ରେନ ବିଷୟରେ କହିବା ତେବେ ଏହା ଏକ 293.53cc, ସିଙ୍ଗଲ୍ ସିଲିଣ୍ଡର ଇଞ୍ଜିନ୍ ରହିଛି, ଯାହା ବର୍ତ୍ତମାନ E85 ଇନ୍ଧନ ସହିତ ସୁସଙ୍ଗତ ଅର୍ଥାତ ଏହା 85 ପ୍ରତିଶତ ଇଥାନଲ ସହିତ ଇଥାନଲ-ପେଟ୍ରୋଲ ମିଶ୍ରଣରେ ଚାଲିପାରିବ ।
- ଏହି ଇଞ୍ଜିନ୍ 24.5 bhpର ଶକ୍ତି ଏବଂ ଟର୍କ 25.9 Nm ଦେଇଥାଏ, ଯାହା ଷ୍ଟାଣ୍ଡାର୍ଡ ମୋଟର ସାଇକେଲଠାରୁ ଟିକେ ଅଧିକ ।
- ଏହା ଏକ 6-ସ୍ପିଡ୍ ଗିଅରବକ୍ସ ସହିତ ଯୋଡ଼ି ହୋଇଥିବା ଯୋଗୁଁ ଏକ ସ୍ଲିପ୍ ଏବଂ ସହାୟକ କ୍ଲଚ ସପୋର୍ଟ କରେ ।
ଦାମ କେତେ ?
- କମ୍ପାନୀ ଏହାକୁ 1.70 ଲକ୍ଷ ଟଙ୍କା (ଏକ୍ସ-ଶୋ’ରୁମ୍) ବଜାର ପ୍ରବେଶ କରାଇଛି ।
- ବିଶେଷ କଥା ହେଉଛି ଏହାର ମୂଲ୍ୟ ଏହାର ଷ୍ଟାଣ୍ଡାର୍ଡ ମୋଟରସାଇକେଲ ସହିତ ସମାନ ।
