ହାଇଦ୍ରାବାଦ: ହ୍ୟୁମାନ ମୋବାଇଲ ଡିଭାଇସ (HMD) ଏକ ନୂଆ ସ୍ମାର୍ଟଫୋନ ଲଞ୍ଚ କରିଛି । ଏହାର ନାମ ଏଚଏମଡି ଫ୍ୟୁଜନ (HMD Fusion) ରଖାଯାଇଛି । ଏହି ସ୍ମାର୍ଟଫୋନରେ ପାୱାରଫୁଲ 108MP ରିଅର କ୍ୟାମେରା ଓ 50MP ସେଲଫି କ୍ୟାମେରା ମିଳିବ । ଏହି ଫୋନର ସବୁଠୁ ଖାସ କଥା ହେଉଛି ଏଥିରେ ଆପଣ ସ୍ମାର୍ଟ ଆଉଟଫିଟକୁ ସଂଯୋଗ କରିପାରିବେ । ଯେଉଁଥିରେ କାଜୁଆଲ୍ ଆଉଟଫିଟ୍, ଗେମିଂ ଆଉଟଫିଟ ସାମିଲ । ଫୋନରେ 6ଟି ଖାସ ସ୍ମାର୍ଟ ପିନ୍ ଦିଆଯାଇଛି । ଯାହାର ସାହାଯ୍ୟରେ ଆପଣ ସ୍ମାର୍ଟଫୋନ ଓ ଆଉଟଫିଟ୍କୁ କନେକ୍ଟ କରିପାରିବେ ।
କଣ ଏହି ସ୍ମାର୍ଟ ଆଉଟଫିଟ୍:-
ଏହି ଫୋନର ଖାସ କଥା ହେଉଛି ଏହା ସ୍ମାର୍ଟ ଆଉଟଫିଟ୍ ସହିତ ଆସୁଛି । ଏହା ଏପରି ଏକ ଉପକରଣ, ଯାହାକୁ ଆପଣ ନିଜ ସ୍ମାର୍ଟଫୋନରେ ଯୋଡିପାରିବେ । ଏଥିରୁ ଗୋଟିଏ ହେଉଛି ଗେମିଂ ଆଉଟଫିଟ୍, ଏହାକୁ ସଂଯୋଗ କରି ଆପଣ ଗେମ୍ ଖେଳିପାରିବେ । ଅନ୍ୟଟି ହେଉଛି Flashy ଆଉଟଫିଟ୍ । ଏହା ସହିତ ଫୋନର କ୍ୟାମେରା ଚାରିପାଖରେ ଏକ RGB ଏଲଇଡି ଲାଇଟ୍ ରିଙ୍ଗ ଲଗାଯାଏ, ଯାହା ଫଟୋଗ୍ରାଫି ଅଭିଜ୍ଞତାକୁ ବହୁତ ଭଲ କରିଥାଏ ।
| ଏହା ବି ପଢନ୍ତୁ |
HMD Fusionର ଫିଚର:-
- ଡିସପ୍ଲେ: 90Hz ରିଫ୍ରେସ ରେଟ୍ 6.56 ଇଞ୍ଚ HD + HID ଡିସପ୍ଲେ ସହିତ ଆସିଛି ।
- କ୍ୟାମେରା: ଏଚଏମଡି ଫ୍ୟୁଜନ 108MP ଡୁଆଲ ମେନ୍ କ୍ୟାମେରା ଓ 50MP ଫ୍ରଣ୍ଟ-ଫେସିଂଙ୍ଗ କ୍ୟାମେରା ସହିତ ଆସିଛି । ନାଇଟ ମୋଡ 3.0, ଜେସ୍ଚର ବେସଡ୍ ସେଲଫି ଫିଚର, ଟ୍ରାକିଂ ଫୋକସ ସହିତ ଫ୍ଲାସ ଶଟ 2.0 ଓ ଟୋନ କଣ୍ଟ୍ରୋଲ ଭଳି ଆଧୁନିକ ଫିଚର ଦିଆଯାଇଛି ।
- ସ୍ମାର୍ଟ ଆଉଟଫିଟ କନେକ୍ଟିଭିଟି: ଆଉଟଫିଟ୍ ସହିତ HMD ଫ୍ୟୁଜନକୁ ଲଞ୍ଚ କରାଯାଇଛି । ଫ୍ୟୁଜନ୍ "ଗେମିଂ ଆଉଟଫିଟ୍" ଆଧୁନିକ ଗେମପ୍ଲେ କଣ୍ଟ୍ରୋଲ୍ ପ୍ରଦାନ କରୁଥିବାବେଳେ 'ଫ୍ଲାସି ଆଉଟଫିଟ୍' ସେଲଫି ପାଇଁ ଏକ ଫୋଲ୍ଡେବଲ୍ RGB ଏଲଇଡି ଫ୍ଲାସ୍ ରିଙ୍ଗ୍ ପ୍ରଦାନ କରେ ।
- ଫୋନ ମରାମତି ଅପସନ: ଘରେ ବସି ଆପଣ ଏହାର ଡିସପ୍ଲେ ଆଦି ବଦଳାଇପାରିବେ । ଏଥିପାଇଁ କେବଳ ଏକ ସ୍କ୍ରୁଡ୍ରାଇଭର ଆବଶ୍ୟକ । ଏହାକୁ ବ୍ୟବହାର କରି ଆପଣ ଡିସପ୍ଲେ, ବ୍ୟାଟେରୀ ଓ ଚାର୍ଜିଂ ପୋର୍ଟକୁ ସହଜରେ ବଦଳାଇପାରିବେ ।
- ପ୍ରୋସେସର ଓ ମେମୋରୀ: HMD ଫ୍ୟୁଜନ ସ୍ମାର୍ଟଫୋନରେ 4 ଜେନ 2 ପ୍ରୋସେସର ମିଳିଥାଏ । ଡିଭାଇସରେ 8GB RAM, 256GB ଷ୍ଟୋରେଜ ସହିତ ଆସିଛି ।
- ବ୍ୟାଟେରୀ: ଏହା 5000mAh ବ୍ୟାଟେରୀ ଓ ଇନ-ବକ୍ସ 33W ଫାଷ୍ଟ ଚାର୍ଜର ସହିତ ଆସେ ।
Introducing the all new HMD FUSION. Witness the combination of style, power, and performance like never before. From the edgy Gaming Outfit to the fabulous Flashy Glam, the HMD FUSION got you covered! It comes with stunning 108MP rear camera, 50MP selfie perfection, Snapdragon 4… pic.twitter.com/cnnfKIdOrv
— HMD India (@HMDdevicesIN) November 26, 2024
ଦାମ ଓ ଉପଲବ୍ଧତା:-
HMD Fusionର ଦାମ 17,999ଟଙ୍କା ରହିଛି । କିନ୍ତୁ ପ୍ରାରମ୍ଭିକ ସେଲ୍ରେ ଗ୍ରାହକ ଏହାକୁ ମାତ୍ର 15,999ଟଙ୍କା ଦେଇ କିଣିପାରିବେ । ଏହା HMD କାଜୁଆଲ, Flashy ଓ ଗେମିଂ ଆଉଟଫିଟ୍ ସହିତ ମଧ୍ୟ ଉପଲବ୍ଧ । ଏହାର ଦାମ 5,999ଟଙ୍କା ରହିଥିବା ବେଳେ କମ୍ପାନୀ ଏହାକୁ ମାଗଣାରେ ପ୍ରଦାନ କରିବ । ଆସନ୍ତା ନଭେମ୍ବର 29 ତାରିଖ ମଧ୍ୟାହ୍ନ 12:01ଠାରୁ ଏହାର ସେଲ୍ ଆମାଜନ ଓ କମ୍ପାନୀର ଅଫିସିଆଲ ୱେବସାଇଟରେ ଆରମ୍ଭ ହେବ ।
