ହାଇଦ୍ରାବାଦ: ଲୋକପ୍ରିୟ ନାଭିଗେସନ ଆପ୍ ଗୁଗଲ୍ ମ୍ୟାପ୍ସ ଏକ ଗେମ୍-ଚେଞ୍ଜିଂ ଫିଚର ଲଞ୍ଚ କରିବାକୁ ଯାଉଛି । ଯେଉଁଥିରେ ବ୍ୟବହାରକାରୀ ଯେକୌଣସି ସ୍ଥାନର ରିଅଲ-ଟାଇମ ଏୟାର କ୍ବାଲିଟି ଇଣ୍ଡେକ୍ସ ବା ବାୟୁ ଗୁଣବତ୍ତା (AQI) ଜାଣିପାରିବେ । 2 ବିଲିୟନରୁ ଅଧିକ ସକ୍ରିୟ ଉପଭୋକ୍ତାଙ୍କ ସହିତ ଗୁଗଲ୍ ମ୍ୟାପ୍ସ ଏବେ ପରିବେଶ ସମ୍ପର୍କିତ ଗୁରୁତ୍ବପୂର୍ଣ୍ଣ ସୂଚନା ମଧ୍ୟ ପ୍ରଦାନ କରିବ । ଯାହାଦ୍ବାରା ଲୋକେ ନିଜ ସ୍ବାସ୍ଥ୍ୟ ଓ ବାହାର ଗତିବିଧି ସମ୍ବନ୍ଧୀୟ ଉଚିତ ନିଷ୍ପତ୍ତି ନେବାରେ ସକ୍ଷମ ହେବେ ।
କଣ ମିଳିବ ସୁବିଧା ?
ଗୁଗଲ୍ ମ୍ୟାପ୍ସର ନୂଆ AQI ଫିଚର ଚଳିତ ସପ୍ତାହରୁ ଆରମ୍ଭ ହେବାକୁ ଯାଉଛି । ଯାହାକି ଦୁନିଆର 100ରୁ ଅଧିକ ଦେଶର ପ୍ରତି ଘଣ୍ଟାର ଅପଡେଟଡ ବାୟୁ ଗୁଣବତ୍ତା ସୂଚନା ପ୍ରତିଟି ଉପଭୋକ୍ତାଙ୍କ ନିକଟରେ ଉପଲବ୍ଧ କରାଇବ । ଏହି ଫିଚରକୁ ଭଲ ଭାବେ ବୁଝିବା ଲାଗି ଆପ୍ରେ ବିଭିନ୍ନ ରଙ୍ଗ ଦ୍ବାରା କୋଡ୍ ଦିଆଯାଇଛି । AQI ସ୍କେଲ 0ରୁ 500 ପର୍ଯ୍ୟନ୍ତ ମପାଯାଏ, ଯାହାକି ପବନରେ ପ୍ରଦୂଷଣର ମାତ୍ରାକୁ ଦର୍ଶାଇଥାଏ । ଯେପରିକି:
- 0-50: ଭଲ (ସବୁଜ)
- 51-100: ସନ୍ତୋଷଜନକ (ହାଲୁକା ସବୁଜ)
- 101-200: ମଧ୍ୟମ (ହଳଦିଆ)
- 201-300: ଖରାପ (କମଳା)
- 301-400: ବହୁତ ଖରାପ (ନାଲି)
- 401-500: ଗମ୍ଭୀର (ଗାଢ ନାଲି)
| ଏହା ବି ପଢନ୍ତୁ |
ନୂଆ ଫିଚରର ବ୍ୟବହାର କିପରି କରିବେ ?
ଆପଣଙ୍କ ଅଞ୍ଚଳ କିମ୍ବା ଅନ୍ୟ କୌଣସି ସହର ବା ଆପଣ କୌଣସି ସ୍ଥାନକୁ ଯାଉଥିଲେ ଏହାର ବାୟୁ ଗୁଣବତ୍ତା ନିମ୍ନଲିଖିତ ପ୍ରକ୍ରିୟା ଅନୁସରଣ କରି ଯାଞ୍ଚ କରନ୍ତୁ:
- ଗୁଗଲ ମ୍ୟାପ୍ସ ଆପ୍ ଖୋଲନ୍ତୁ ।
- ଉପର ଡାହାଣ ପାଖରେ ଥିବା Layers ଆଇକନ୍ ଉପରେ ଟାପ୍ କରନ୍ତୁ ।
- ଅପସନ ମଧ୍ୟରୁ 'AQI' ଚୟନ କରନ୍ତୁ ।
AQI ସ୍ତରରୁ ବୁଝନ୍ତୁ ସ୍ବାସ୍ଥ୍ୟ ପାଇଁ କେତେ ହିତକର ?
ଗୁଗଲ୍ ମ୍ୟାପ୍ସରେ ବାୟୁ ଗୁଣବତ୍ତାର ଗମ୍ଭୀରତା ଆଧାରରେ ସ୍ବାସ୍ଥ୍ୟ ବିଶେଷଜ୍ଞମାନେ ଆବଶ୍ୟକୀୟ ସତର୍କତା ଅବଲମ୍ବନ କରିବାକୁ ପରାମର୍ଶ ଦେଇଥାନ୍ତି ।
- ଭଲରୁ ସନ୍ତୋଷଜନକ (0-100): ସମସ୍ତ ଗତିବିଧି ଲାଗି ସୁରକ୍ଷିତ ।
- ମଧ୍ୟମ (101-200): ସମ୍ବେଦନଶୀଳ ବ୍ୟକ୍ତିଙ୍କୁ ଲମ୍ବା ସମୟ ପର୍ଯ୍ୟନ୍ତ ବାହାରେ ରହିବାଠୁ ଦୂରେଇ ରହିବା ଉଚିତ ।
- ଖରାପ ବା ଗମ୍ଭୀର (201-500): ବାହାରକୁ ଯିବା ଆସିବା କମ କରନ୍ତୁ ଓ ଘର ଭିତରେ ବି ମାସ୍କ ଲଗାନ୍ତୁ କିମ୍ବା ଏୟାର ପ୍ୟୁରିଫାୟାରର ଉପଯୋଗ କରନ୍ତୁ ।
