ଆସୁଛି ଭାରତୀୟ ବାୟୁସେନା ଦିବସ; ଚେନ୍ନାଇ ବେଳାଭୂମିରେ ସ୍ବତନ୍ତ୍ର କାର୍ଯ୍ୟକ୍ରମ; ଆକାଶରେ ବାୟୁବୀରଙ୍କ ଜଲୱା ଦେଖିବ ବିଶ୍ବ - Chennai Marina Air Show 2024

Chennai Air Show 2024: ପ୍ରତି ବର୍ଷ ପରି ଚଳିତ ବର୍ଷ ଅକ୍ଟୋବର 8 ତାରିଖରେ ବାର୍ଷିକୋତ୍ସବ ପାଳିବ ଭାରତୀୟ ବାୟୁ ସେନା । ଚଳିତ ବର୍ଷ 92ତମ ଭାରତୀୟ ବାୟୁସେନା ଦିବସ ପାଳନ ହେବ । ଏଥିଲାଗି ଚେନ୍ନାଇ ବେଳାଭୂମିରେ ଚିତ୍ତାକର୍ଷକ ଏୟାର ଶୋ'ର ବ୍ୟବସ୍ଥା କରାଯାଇଛି । ଏହି ଦିନ ଆକାଶରେ ଶକ୍ତି ପ୍ରଦର୍ଶନ କରିବ IAF । ଅଧିକ ପଢନ୍ତୁ

ଚେନ୍ନାଇ: 92ତମ ବାର୍ଷିକୋତ୍ସବ ଅବସରରେ ଦମ ଦେଖାଇବ ଭାରତୀୟ ବାସୁ ସେନା । ପ୍ରତି ବର୍ଷ ଅକ୍ଟୋବର 8 ତାରିଖକୁ ଭାରତୀୟ ବାୟୁସେନା ଦିବସ ଭାବେ ପାଳନ କରାଯାଏ । 1932 ଅକ୍ଟୋବର 8 ତାରିଖରେ ଭାରତୀୟ ବାୟୁସେନାର ସ୍ଥାପନା ହୋଇଥିଲା । ଏହି ପ୍ରମୁଖ ଦିବସ ଲାଗି ଚେନ୍ନାଇ ବେଳାଭୂମିରେ ରହିଛି ସ୍ବତନ୍ତ୍ର କାର୍ଯ୍ୟକ୍ରମ । ଏହି ବର୍ଷର ଥିମ ରହିଛି 'ଭାରତୀୟ ବାୟୁସେନା - ସକ୍ଷମ, ସଶକ୍ତ, ଆତ୍ମନିର୍ଭର ଉପରେ ଆଧାରିତ । ଏହା ଦେଶର ବାୟୁସେନାକୁ ସୁରକ୍ଷା ଦେବାରେ ଭାରତୀୟ ବାୟୁସେନାର ନିରନ୍ତର ଅବଦାନକୁ ଦର୍ଶାଏ ।

#IndianAirForceDay2024

Countdown continues, stay tuned....
IAF's 92nd Anniversary celebrations.

Aerial Display at Marina Beach on 6th Oct 24. #Marinabeach#VanakkamChennai @SpokespersonMoD @HQ_IDS_India @DefenceMinIndia @CMOTamilnadu @rajbhavan_tn @adgpi… pic.twitter.com/T0kto139b7

— Indian Air Force (@IAF_MCC) September 25, 2024

ଚେନ୍ନାଇ ମାରିନା ବିଚ୍‌ରେ ଏୟାର ଶୋ':-

ଲୋକମାନେ ଅକ୍ଟୋବର 8 ତାରିଖ ଦିନ ଆକାଶରେ ଚିତ୍ତାକର୍ଷକ ଏହାର ଶୋ'କୁ ଉପଭୋଗ କରିପାରିବେ । ଭାରତୀୟ ବାୟୁସେନାର 72 ବିମାନ ଏରୋବେଟିକ୍ ଷ୍ଟଣ୍ଟ ଏବଂ ଅନେକ ଏରିଏଲ୍ ଷ୍ଟଣ୍ଟ୍ ପ୍ରଦର୍ଶନ କରିବେ । ଏହି କାର୍ଯ୍ୟକ୍ରମ ସକାଳ 11ଟାରୁ ମାରିନା ବିଚରେ ଆରମ୍ଭ ହେବ ବୋଲି କୁହାଯାଉଛି । ଏହାପୂର୍ବରୁ ଅକ୍ଟୋବର 8, 2023 ରେ ଉତ୍ତରପ୍ରଦେଶର ପ୍ରୟାଗରାଜଠାରେ ମଧ୍ୟ ଏପରି ସମାନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ତେବେ, ଆସନ୍ତୁ ଜାଣିବା ଚେନ୍ନାଇ ଏୟାର ଆଡଭେଞ୍ଚର ଫେୟାରରେ ଦୁଃସାହସିକ ଏବଂ ଲଢୁଆ ବିମାନଗୁଡ଼ିକ ସମ୍ପର୍କରେ...

Akash Ganga (ETV Bharat)

• ଆକାଶ ଗଙ୍ଗା (Akash Ganga):- ଆକାଶ ଗଙ୍ଗା ହେଉଛି ଭାରତୀୟ ବାୟୁସେନା (IAF) ର ସ୍କାଏ-ଡାଇଭିଂ ଟିମ । ଏହି ଟିମ ଆକାଶରୁ ବହୁ ଉଚ୍ଚରୁ ରୋମାଞ୍ଚକର ଫ୍ରି-ଫଲ୍ ଷ୍ଟଣ୍ଟ୍ ପ୍ରଦର୍ଶନ କରନ୍ତି । ସେମାନେ ସଠିକତା ଏବଂ ସମନ୍ବୟ ପ୍ରଦର୍ଶନ କରନ୍ତି । ସେମାନଙ୍କର ପ୍ରଦର୍ଶନ ପ୍ରାୟତଃ ଆକାଶରେ ହୋଇଥାଏ, ଯାହାକି ଦର୍ଶକଙ୍କୁ ବେଶ ଆକର୍ଷିତ କରିଥାଏ ।

Chennai, are you ready!? Get set to witness a breath taking display by the Suryakiran Aerobatic Team on the occasion of the 92nd Airforce Day celebration on 4th and 6th Oct at Marina Beach at 11 am! pic.twitter.com/NCBC1DrO9f

— Suryakiran Aerobatic Team (@Suryakiran_IAF) September 29, 2024

• ସୂର୍ଯ୍ୟକିରଣ ଏରୋବେଟିକ ଟିମ (Suryakiran):- ସୂର୍ଯ୍ୟକିରଣ ଏରୋବେଟିକ୍ ଟିମ ଆକାଶରେ ନାନାଦି କୌଶଳ ଦେଖାଇଥାଏ । ପ୍ରାୟତଃ ଦର୍ଶକମାନେ ସେମାନଙ୍କର ସାହସିକ ଷ୍ଟଣ୍ଟ ଦ୍ବାରା ଭୟଭୀତ ହୋଇଯାଆନ୍ତି । ଏହି ଟିମ ଭାରତରେ ପ୍ରଥମେ 1996 ସେପ୍ଟେମ୍ବର 15ରେ କଏମ୍ବାଟୁରରେ କୌଶଳ ପ୍ରଦର୍ଶନ କରିଥିଲା । ଟିମ ପକ୍ଷରୁ ୨୦୦୧ରେ ବିଦେଶରେ ପ୍ରଥମଥର ପାଇଁ ଚିତ୍ତାକର୍ଷକ ସୋ' ପ୍ରଦର୍ଶନ କରାଯାଇଥିଲା । ଶ୍ରୀଲଙ୍କାର କଲୋମ୍ବୋରେ ଏହି ଶୋ' ଆୟୋଜିତ ହୋଇଥିଲା । ଏହା ପରଠାରୁ ସୂର୍ଯ୍ୟକିରଣ ଟିମ ଦେଶ ବିଦେଶର ବିଭିନ୍ନ ସ୍ଥାନରେ ଚିତ୍ତାକର୍ଷକ ଶୋ' ପ୍ରଦର୍ଶନ କରି ଆସୁଛନ୍ତି ।

Enna Chennai, ready ah?
Catch the Sarang team in action at Marina Beach on 4th and 6th October from 1100 hrs onwards 🇮🇳

🎥: @praneethfranklin#Sarang #IAF #AirForceDay #helicopter #pilot #Trending #Marina #Beach #Chennai #TamilNadu #IAF @IAF_MCC pic.twitter.com/xuXDceV4q0

— Sarang Helicopter Display Team (@sarang_iaf) September 30, 2024

• ସାରଙ୍ଗ ହେଲିକପ୍ଟର ଡିସପ୍ଲେ ଟିମ:- ସାରଙ୍ଗ ହେଲିକପ୍ଟର ପ୍ରଦର୍ଶନ ଦଳ ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍ (HAL) ଦ୍ବାରା ନିର୍ମିତ ଧ୍ରୁବ ହେଲିକପ୍ଟର ବ୍ୟବହାର କରି ସେମାନଙ୍କର ଚମତ୍କାର ବାୟୁ କ୍ଷମତା ପ୍ରଦର୍ଶନ କରିଥାଏ । ହେଲିକପ୍ଟରଗୁଡ଼ିକର ଚମତ୍କାରିତା, ଜଟିଳ ଗତିବିଧି, ଆକାଶରେ ସେମାନେ ଧୂଆଁ ଦ୍ବାରା ପାଟର୍ଣ୍ଣ ତିଆରି କରନ୍ତି ଯାହାକି ଦର୍ଶକଙ୍କୁ ବେଶ ଆକୃଷ୍ଟ କରେ ।

ବାୟୁ ସେନା ଦିବସରେ ଚେନ୍ନାଇରେ ହେବାକୁ ଥିବା ଏୟାର ଆଡଭେଞ୍ଚର ଶୋ’ରେ ଅଂଶଗ୍ରହଣ କରୁଥିବା ଯୁଦ୍ଧ ବିମାନର ବିଶେଷତା ଆପଣ ଜାଣନ୍ତି କି ?

Tejas (IAF)

ହାଲୁକା ଯୁଦ୍ଧ ବିମାନ ତେଜସ (Tejas):

• ଉତ୍ପାଦକ: ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍ (HAL)
• ଡିଜାଇନ୍: ଏରୋନେଟିକାଲ୍ ଡେଭଲପମେଣ୍ଟ ଏଜେନ୍ସି (ADA) ଏବଂ HAL ଦ୍ବାରା ବିକଶିତ ।
• ପ୍ରକାର: ଏକକ ଇଞ୍ଜିନ୍, 4.5 ଜେନେରେସନ, ମଲ୍ଟିରୋଲ୍ ଯୁଦ୍ଧବିମାନ
• ପ୍ରଥମ ଫ୍ଲାଇଟ: ଜାନୁଆରୀ 4, 2001
• ଫିଚର: ଡେଲଟା ୱିଙ୍ଗ୍ ଡିଜାଇନ୍, ଫ୍ଲାଏ-ବାଇ-ୱାୟାର ଫ୍ଲାଇଟ୍ କଣ୍ଟ୍ରୋଲ୍ ସିଷ୍ଟମ୍ ଏବଂ ଉନ୍ନତ ଆଭିଏନିକ୍ସ
• ପ୍ରକାର: ତେଜସ୍ ମାର୍କ 1, ମାର୍କ 1 ଏ ଓ ତେଜସ୍ ଟ୍ରେନର / ହାଲୁକା ଆଟାକ୍ ବିମାନ
• ବ୍ୟବହାରକାରୀ: ଭାରତୀୟ ବାୟୁସେନା ଏବଂ ଭାରତୀୟ ନୌସେନା
• ଉତ୍ପାଦନ: ବିଭିନ୍ନ ପ୍ରକାରର ଅତି କମରେ 324 ବିମାନ କ୍ରୟ କରିବାର ଯୋଜନା ସହିତ 50ରୁ ଅଧିକ ୟୁନିଟ୍ ନିର୍ମାଣ କରାଯାଇଛି ।

Prachand (IAF)

ହାଲୁକା ଯୁଦ୍ଧ ହେଲିକପ୍ଟର ପ୍ରଚଣ୍ଡ (Prachand):

• ଉତ୍ପାଦକ: ହିନ୍ଦୁସ୍ତାନ ଏରୋନେଟିକ୍ସ ଲିମିଟେଡ୍ (HAL)
• ଡିଜାଇନ: ପ୍ରୋଜେକ୍ଟ ଲାଇଟ୍ କମ୍ବାଟ୍ ହେଲିକପ୍ଟର (LCH) ଅଧୀନରେ ବିକଶିତ
• ପ୍ରକାର: ମଲ୍ଟି ରୋଲ୍ ଲାଇଟ୍ ଆଟାକ୍ ହେଲିକପ୍ଟର
• ପ୍ରଥମ ଫ୍ଲାଇଟ: ମାର୍ଚ୍ଚ 29, 2010
• ଲଞ୍ଚ: ଅକ୍ଟୋବର 3, 2022
• ଫିଚର: ବହୁ ଉଚ୍ଚ ଅପରେସନ୍ କ୍ଷମତା, ଉନ୍ନତ ଆଭିଏନିକ୍ସ ଏବଂ ଅସ୍ତ୍ରଶସ୍ତ୍ର
• ବ୍ୟବହାରକାରୀ: ଭାରତୀୟ ବାୟୁସେନା ଏବଂ ଭାରତୀୟ ସେନା
• ଉତ୍ପାଦନ: ସୀମିତ ସିରିଜ୍ ଉତ୍ପାଦନ, 19ଟି ୟୁନିଟ୍ ଏପର୍ଯ୍ୟନ୍ତ ନିର୍ମିତ ।

Dakota (IAF)

କ୍ଲାସିକ ଏୟାରପ୍ଲେନ ଡାକୋଟା (Dakota):

• ପ୍ରକାର: ସାମରିକ ପରିବହନ ବିମାନ
• ଉତ୍ପାଦକ: ଡଗଲାସ୍ ଏୟାରଲାଇନ୍ସ |
• ପରିଚୟ: 1936
• ଫିଚର: ଦ୍ବିତୀୟ ବିଶ୍ବଯୁଦ୍ଧ ସମୟରେ ଟ୍ରୁପ୍ ଏବଂ ମାଲ ପରିବହନ ପାଇଁ ବହୁଳ ଭାବରେ ବ୍ୟବହୃତ ଟ୍ବିନ୍-ଇଞ୍ଜିନ
• ସ୍ବତନ୍ତ୍ରତା: ଏହାର ବିଶ୍ବସନୀୟତା ଏବଂ ବହୁମୁଖିତା ପାଇଁ ଜଣାଶୁଣା, ଏହା ବିଭିନ୍ନ ସାମରିକ କାର୍ଯ୍ୟରେ ଏକ ଗୁରୁତ୍ବପୂର୍ଣ୍ଣ ଭୂମିକା ଗ୍ରହଣ କରିଥିଲା ​ ।

Harvard (IAF)

ହାଭାର୍ଡ (Harvard):

• ପ୍ରକାର: ଉନ୍ନତ ପ୍ରଶିକ୍ଷଣ ବିମାନ
• ଉତ୍ପାଦକ: ଉତ୍ତର ଆମେରିକୀୟ ଆଭିଏସନ
• ପରିଚୟ: 1935
• ଫିଚର: ଦ୍ବିତୀୟ ବିଶ୍ବଯୁଦ୍ଧ ସମୟରେ ପାଇଲଟମାନଙ୍କୁ ତାଲିମ ଦେବା ପାଇଁ ବ୍ୟବହୃତ ଏକକ ଇଞ୍ଜିନ୍
• ସ୍ବତନ୍ତ୍ରତା: ହଜାର ହଜାର ପାଇଲଟଙ୍କୁ ତାଲିମ ଦେବାରେ ଏହାର ଭୂମିକା ପାଇଁ ପ୍ରସିଦ୍ଧ, ଏହା ଏୟାରଶୋ ଏବଂ ଐତିହାସିକ ପ୍ରଦର୍ଶନରେ ଏକ ଲୋକପ୍ରିୟ ବିମାନ ।

Chennai, are you ready!? Get set to witness a breath taking display by the Suryakiran Aerobatic Team on the occasion of the 92nd Airforce Day celebration on 4th and 6th Oct at Marina Beach at 11 am! pic.twitter.com/NCBC1DrO9f

— Suryakiran Aerobatic Team (@Suryakiran_IAF) September 29, 2024

ଆଗାମୀ ଏୟାର ଶୋ’ରେ ଭାରତୀୟ ବାୟୁସେନାର ଆକାଶ ଗଙ୍ଗା, ସୂର୍ଯ୍ୟକିରଣ ଏବଂ ସାରଙ୍ଗ ହେଲିକପ୍ଟର ଦଳ ମଧ୍ୟ ପ୍ରଦର୍ଶନ କରିବେ । ଏହି ବିଶିଷ୍ଟ ଟିମଗୁଡିକ ସହିତ ଦେଶର ଗର୍ବ, ସ୍ବଦେଶୀ ବିକଶିତ ଅତ୍ୟାଧୁନିକ ହାଲୁକା ଯୁଦ୍ଧ ବିମାନ ତେଜସ୍, ହାଲୁକା ଯୁଦ୍ଧ ହେଲିକପ୍ଟର ପ୍ରଶାନ୍ତ, ଡାକୋଟା ଏବଂ ହାଭାର୍ଡ ପରି ଐତିହ୍ୟ ବିମାନ ପରେଡ୍ ଏବଂ ବିମାନ ଦୁଃସାହସିକ କାର୍ଯ୍ୟରେ ଅଂଶଗ୍ରହଣ କରିବାକୁ ଯାଉଛନ୍ତି । ଯାହାକି ବେଶ ରୋମାଞ୍ଚକର ହେବ ।