ବମ୍ଫର ଚାକିରି; ଭାରତୀୟଙ୍କୁ 5-6ଲକ୍ଷ ଚାକିରି ଦେବ ଆମେରିକାର ଏହି କମ୍ପାନୀ - Apple To Create Jobs in India

APPLE TO CREATE JOBS IN INDIA: ଟେକ କମ୍ପାନୀ ଆପଲ୍‌ ପକ୍ଷରୁ ଭାରତୀୟଙ୍କ ଲାଗି ଖୁସି ଖବର । ଭାରତରେ ଆପଲ୍‌ ପ୍ରଡକ୍ଟର ବହୁ କ୍ରେଜ ରହିଥିବା ବେଳେ ଏହାର ଭରପୁର ଫାଇଦା ନେବାକୁ ଯାଉଛି କମ୍ପାନୀ । ଯାହାଦ୍ବାରା ଉଭୟ କମ୍ପାନୀ ଓ ଦେଶକୁ ମଧ୍ୟ ଲାଭ ହେବ । କମ୍ପାନୀ ଆସନ୍ତା 2ବର୍ଷ ମଧ୍ୟରେ 5-6ଲକ୍ଷ ଚାକିରି ସୁଯୋଗ ଭାରତରେ ସୃଷ୍ଟି କରିବାକୁ ଯାଉଛି । ଅଧିକ ପଢନ୍ତୁ

ନୂଆଦିଲ୍ଲୀ: ଭାରତୀୟଙ୍କୁ ଚାକିରି ଦେବ ଆମେରିକୀୟ କମ୍ପାନୀ ଆପଲ୍‌ । ଭାରତରେ ନିଜର ସ୍ଥାନକୁ ମଜଭୁତ କରିବା ଲାଗି ଆଇଫୋନ ନିର୍ମାତା କମ୍ପାନୀ ଏଭଳି ପଦକ୍ଷେପ ଗ୍ରହଣ କରିବାକୁ ଯାଉଛି । ଏହାଦ୍ବାରା ପ୍ରତ୍ୟକ୍ଷ ଓ ପରୋକ୍ଷ ଭାବରେ ପ୍ରାୟ 5ରୁ 6ଲକ୍ଷ ଚାକିରି ସୁଯୋଗ ସୃଷ୍ଟି ହେବ । ଆସନ୍ତା 1ରୁ 2ବର୍ଷ ମଧ୍ୟରେ ଏହା କରିବାକୁ ଯାଉଛି କମ୍ପାନୀ ।

APPLE TO CREATE JOBS IN INDIA (x)

ସୂତ୍ରରୁ ମିଳିଥିବା ସୂଚନା ଅନୁସାରେ, ସରକାରଙ୍କ ଉତ୍ପାଦନ ସହ ଜଡିତ ପ୍ରୋତ୍ସାହନ (PLI) ଯୋଜନା ଯୋଗୁଁ ଆଇଫୋନ୍ ରପ୍ତାନି ପ୍ରତି ମାସରେ ପ୍ରାୟ 1 ବିଲିୟନ ଡଲାରରେ ପହଞ୍ଚୁଛି । ଟେକ୍ ଜାଏଣ୍ଟ ଏହାର ଯୋଗାଣ ଶୃଙ୍ଖଳରେ ପ୍ରାୟ 2 ଲକ୍ଷ ଲୋକଙ୍କୁ ନିୟୋଜିତ କରିଛି, ଯେଉଁଥିରୁ ମହିଳା କର୍ମଚାରୀଙ୍କ ସଂଖ୍ୟା ଅଧିକ ରହିଛି । ଏଥିରେ ବିକ୍ରେତା ଏବଂ ଉପାଦାନ ଯୋଗାଣକାରୀ ମଧ୍ୟ ଅନ୍ତର୍ଭୁକ୍ତ ।

ଟାଟା ଚଲାଉଛି ଆପଲ୍‌ର 2 ପ୍ଲାଣ୍ଟ:-

ଆପଲ୍ ପାଇଁ ଦୁଇଟି ପ୍ଲାଣ୍ଟ ଚଳାଉଥିବା ଟାଟା ଇଲେକ୍ଟ୍ରୋନିକ୍ସ, ଫକ୍ସକନ୍ ଏବଂ ପେଗାଟ୍ରନ୍ ସହିତ ଆପଲ୍ ଇକୋସିଷ୍ଟମରେ ସବୁଠାରୁ ବଡ ଚାକିରି ସୃଷ୍ଟିକର୍ତ୍ତା । ଗତ 10 ବର୍ଷ ମଧ୍ୟରେ ସରକାର ଭାରତକୁ ଏକ ବିଶ୍ବ ଉତ୍ପାଦନ କେନ୍ଦ୍ରରେ ପରିଣତ କରିବାକୁ ଲକ୍ଷ୍ୟ ରଖିଥିବାରୁ ମୋବାଇଲ୍ ଉତ୍ପାଦନ ଏକ ପ୍ରମୁଖ ଶକ୍ତି ହୋଇପାରିଛି । ସରକାରଙ୍କ କହିବାନୁସାରେ କେବଳ ଆପଲର ଇକୋସିଷ୍ଟମରେ 2 ଲକ୍ଷରୁ ଅଧିକ ଲୋକ ରୋଜଗାର ପାଇଛନ୍ତି ଏବଂ ଏଠାରେ ଭଲ ଅଭିବୃଦ୍ଧି ପରିଲକ୍ଷିତ ହୋଇଛି ।

APPLE TO CREATE JOBS IN INDIA (x)

ଭାରତରେ ଦ୍ବିଗୁଣା ନିବେଶ:-

ଦେଶର ଆଇଫୋନ୍ ଫ୍ୟାକ୍ଟ୍ରି ଫେଷ୍ଟିଭ ସିଜନରେ 10,000ରୁ ଅଧିକ ଲୋକଙ୍କୁ ସିଧାସଳଖ ନିଯୁକ୍ତି ଦେବାକୁ ଯାଉଛି । ଆପଲ୍ ଭାରତରେ ପୁଞ୍ଜି ବିନିଯୋଗକୁ ଦ୍ବିଗୁଣିତ କରୁଛି ଏବଂ ଫୋନ୍ କ୍ୟାମେରା ମଡ୍ୟୁଲ୍ ପାଇଁ ଉପ-ଉପାଦାନ ସଂଗ୍ରହ କରିବା ପାଇଁ ଟାଟା ଗ୍ରୁପର ଟାଇଟାନ୍ କମ୍ପାନୀ ଏବଂ ମୁରୁଗାପ୍ପା ଗ୍ରୁପ୍ ସହିତ ଆଲୋଚନା ହୋଇଛି । ଆପଲ୍ ଭାରତରେ ପ୍ରତିବର୍ଷ 50 ମିଲିୟନରୁ ଅଧିକ ଆଇଫୋନ୍ ତିଆରି କରିବାକୁ ଲକ୍ଷ୍ୟ ରଖିଛି । ଭାରତରୁ ଆଇଫୋନ୍ ରପ୍ତାନି 2022-23 ରେ 6.27 ବିଲିୟନ ଡଲାରରୁ 2023-24ରେ 12.1 ବିଲିୟନ ଡଲାରକୁ ବୃଦ୍ଧି ପାଇବ ।

ଚୀନ ତୁଳନାରେ ଭାରତରେ ସ୍ଥିତି ମଜଭୁତ:-

କମ୍ପାନୀର ଭାରତ ପରିଚାଳନା ଗତ ଆର୍ଥିକ ବର୍ଷରେ 23.5 ବିଲିୟନ ଡଲାରରେ ପହଞ୍ଚିଛି । ଏହାରି ମଧ୍ୟରେ ଟାଟା ଗ୍ରୁପ ଦେଶରେ ଏକ ନୂଆ iPhone ପ୍ଲାଣ୍ଟ ପାଇଁ ପ୍ରସ୍ତୁତ ହେଉଛି । ଯାହାକି ଫେଷ୍ଟିଭ ସିଜନରେ ଆରମ୍ଭ ହେବାକୁ ଲକ୍ଷ୍ୟ ରଖିଛି । ଟାାଟ ଦ୍ବାରା ଆଇଫୋନ ୟୁନିଟ ତାମିଲନାଡୁର ହୋସୁରରେ ତିଆରି ହେଉଛି । ଆଇଫୋନ ଫ୍ୟାସିଲିଟିରେ 50ହଜାରରୁ ଅଧିକ ଶ୍ରମିକଙ୍କୁ ରୋଜଗାର ମିଳିବ ବୋଲି ଆଶା କରାଯାଉଛି । ଯେଉଁଥିରେ ଅଧିକାଂଶ ମହିଳା ସାମିଲ ହେବେ ।

ବଢିବ iphone 16 Pro ଓ 16 Pro Maxର ଉତ୍ପାଦନ:-

ଆପଲ୍‌ କମ୍ପାନୀ ତାମିଲନାଡୁର ଶ୍ରୀପେରବନ୍ଦୁରଠାରେ ନିଜ କାରଖାନାର ଅନେକ ଶ୍ରମିକଙ୍କୁ ପ୍ରଶିକ୍ଷଣ ଦେବା ଆରମ୍ଭ କରିଦେଇଛି । ଫଳରେ ଚଳିତ ବର୍ଷ ଶରତ ଋତୁରେ ବୈଶ୍ବିକ ଆରମ୍ଭ ପରେ ଭାରତରେ iphone 16 Pro ଓ 16 Pro Maxକୁ ଲଞ୍ଚ କରାଯିବ । କମ୍ପାନୀ 'ମେକ ଇନ ଇଣ୍ଡିଆ' iphone 16 Pro ଓ 16 Pro Maxର ବଜାର ପ୍ରବେଶ କରିବା ପାଇଁ ପ୍ରସ୍ତୁତ ହେଉଛି ।