ଢେଙ୍କାନାଳ: ସମ୍ପର୍କରେ ଲାଗିଲା କଳଙ୍କ । ନିଜ କାମନାର ଲାଳସାରେ ଅନ୍ଧ ହୋଇ ନିଜ ଖୁଡି ସହ ଦୁଷ୍କର୍ମ କଲା ପୁତୁରା । ଅଭିଯୁକ୍ତ ପୁତୁରାକୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଏଭଳି ଲଜ୍ଜାଜନକ ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା କଙ୍କଡାହାଡ଼ ଥାନା ଅନ୍ତର୍ଗତ ମକୁଆକାଟେଣୀ ପଞ୍ଚାୟତ ଅଞ୍ଚଳରେ । ଘରେ କେହି ନଥିବାର ସୁଯୋଗ ନେଇ ଖୁଡ଼ିକୁ ଦୁଷ୍କର୍ମ କଲା ସୈତାନ ପୁତୁରା । ତେବେ ଅଭିଯୁକ୍ତକୁ ପୋଲିସ ଗିରଫ କରିଥିବା ସୂଚନା ମିଳିଛି ।
ମିଳିଥିବା ସୂଚନା ଅନୁସାରେ ଢେଙ୍କାନାଳ ଜିଲ୍ଲା କଙ୍କଡାହାଡ଼ ଥାନା ଅନ୍ତର୍ଗତ ମକୁଆକାଟେଣୀ ପଞ୍ଚାୟତ ଅଞ୍ଚଳରେ ଏଭଳି ଲଜ୍ଜାଜନକ ଘଟଣା ଘଟିଛି । ଘରେ କେହି ନଥିବା ବେଳେ ଏକୁଟିଆ ଥିବାର ସୁଯୋଗ ଉଠାଇ ନିଜ ଖୁଡିଙ୍କ ସହ ଦୁଷ୍କର୍ମ କରିଛି ସମ୍ପର୍କୀୟ ପୁତୁରା । ପୀଡ଼ିତାଙ୍କ ଅଭିଯୋଗ କ୍ରମେ ଅଭିଯୁକ୍ତ ପୁତୁରା ବାଲା ପ୍ରଧାନକୁ ଗିରଫ କରିଛି କଙ୍କଡାହାଡ଼ ପୋଲିସ । ତେବେ ପୋଲିସ ନିକଟରେ ହୋଇଥିବା ଅଭିଯୋଗ ଅନୁସାରେ ପୀଡ଼ିତାଙ୍କ ସ୍ବାମୀ ବାହାରେ ରୁହନ୍ତି । ଗତ ୮ ତାରିଖ ଦିନ ଅପରାହ୍ନ ସମୟରେ ପୀଡ଼ିତାଙ୍କ ସମ୍ପର୍କୀୟ ପୁତୁରା ବାଲା ନିଜ ଖୁଡ଼ି ଘରେ ଏକା ଥିବାର ଜାଣିବାକୁ ପାଇଥିଲା । ଏହି ସମୟରେ ଜୋର ଜବରଦସ୍ତ ପୀଡିତାଙ୍କ ସହ ଦୁଷ୍କର୍ମ କରିଥିଲା । ଏନେଇ ପୀଡ଼ିତା ଜଣଙ୍କ କାହାକୁ କିଛି କହିନପାରି ଶେଷରେ ବାହାରେ ରହୁଥିବା ତାଙ୍କ ସ୍ବାମୀଙ୍କୁ ଜଣାଇଥିଲେ ।
ଏହା ମଧ୍ୟ ପଢ଼ନ୍ତୁ...ସ୍ବାମୀ ଆଗରେ ସ୍ତ୍ରୀକୁ ଗଣଦୁଷ୍କର୍ମ ମାମଲାରେ ଆଉ ୨ ଗିରଫ, ଜଣେ ଏବେ ବି ଫେରାର୍
ପୀଡ଼ିତାଙ୍କ ସ୍ବାମୀ ଆସିବାପରେ ଗତକାଲି (ଶନିବାର) ସନ୍ଧ୍ୟାରେ ସେମାନେ କଙ୍କଡାହାଡ଼ ଥାନାରେ ଲିଖିତ ଅଭିଯୋଗ କରିଥିଲେ । ପୋଲିସ ଅଭିଯୋଗ ଆଧାରରେ ଅଭିଯୁକ୍ତ ପୁତୁରା ବାଲା ପ୍ରଧାନକୁ ଗିରଫ କରିଛି । ପୀଡିତାଙ୍କୁ କାମାକ୍ଷାନଗର ମେଡିକାଲରେ ଡାକ୍ତରୀ ମାଇନା ପରେ ଅଭିଯୁକ୍ତକୁ କୋର୍ଟ ଚାଲାଣ କରାଯାଇଥିବା ଜଣାପଡିଛି । ତେବେ ଦିନକୁ ଦିନ ଲୋକଙ୍କ ମଧ୍ୟରେ ଏଭଳି ପାଶବିକ ମାନସିକତା ବୃଦ୍ଧି ପାଇବା ଚିନ୍ତାର ବିଷୟ । ଢେଙ୍କାନାଳ ଜିଲ୍ଲାର ଭୁବନ ଥାନା ଅନ୍ତର୍ଗତ ବାରୁଆଁ ଗ୍ରାମରେ ଘଟିଥିବା ଦୁଷ୍କର୍ମ ଘଟଣା ଏବେ ବି ଜିଲ୍ଲାବାସୀଙ୍କ ମନରୁ ଲିଭିନି । ଗତବର୍ଷ ଅକ୍ଟୋବର ମାସ ୨୧ ତାରିଖ ସନ୍ଧ୍ୟାରେ ଜଣେ ମହିଳା ସ୍ବାମୀଙ୍କ ସହିତ ଏକ ମୋଟର ସାଇକେଲ ଯୋଗେ ଘରକୁ ଯାଉଥିଲେ । ଯିବା ସମୟରେ ବାରୁଆଁ ଗ୍ରାମ ନିକଟ କାଜୁ ଜଙ୍ଗଲ ନିକଟରେ ୫ ଜଣ ଦୁର୍ବୃତ୍ତ ସେମାନଙ୍କୁ ଅଟକାଇ ସେମାନଙ୍କଠାରୁ ଟଙ୍କା ସହିତ ମୋବାଇଲ ଛଡାଇ ନେଇଥିଲେ । ଏହାପରେ ପୀଡ଼ିତାଙ୍କ ସ୍ବାମୀଙ୍କୁ ୨ ଦୁର୍ବୃତ୍ତ ଧରିବା ସହିତ ଅନ୍ୟ ତିନି ଜଣ ମହିଳାଙ୍କୁ ଦୁଷ୍କର୍ମ କରିଥିଲେ । ତେବେ ଏ ସମ୍ପର୍କରେ ପୀଡିତା ଓ ତାଙ୍କ ସ୍ବାମୀ ଭୁବନ ଥାନାରେ ଅଭିଯୋଗ କରିବା ପରେ ଘଟଣା ସାମ୍ନାକୁ ଆସିଥିଲା ।
ଇଟିଭି ଭାରତ, ଢେଙ୍କାନାଳ
