ଭୁବନେଶ୍ୱର: ଟ୍ୟାକ୍ସର ଭୟ ଦେଖାଇ ଲାଞ୍ଚ ଅସୁଲ ପଡିଲା ମହଙ୍ଗା । ଭିଜିଲାନ୍ସ ରାଡାରରେ ସିଟି ଜିଏସଟି ସହ କମିସନର । ବିନୟ ଭୁଷଣ ତ୍ରିପାଠୀ । ଚାଲିଛି ତାଙ୍କ ଘରେ ଭିଜିଲାନ୍ସ ସର୍ଚ୍ଚ ଅପରେସନ । ଆୟ ବହିର୍ଭୂତ ସମ୍ପତ୍ତି କେତେ ରଖିଛନ୍ତି ଖୋଜୁଛନ୍ତି ଭିଜିଲାନ୍ସ ଟିମ୍ । ଏନେଇ ଭିଜିଲାନ୍ସ ନିର୍ଦ୍ଦେଶାଳୟ ପକ୍ଷରୁ ଏନେଇ ସୂଚନା ଦିଆଯାଇଛି । ତାଙ୍କ ନାଁରେ ବେଆଇନ ଭାବେ ଜବତ ଜିନିଷ ବିକ୍ରି କରି ସରକାରୀ ଟଙ୍କା ଚଳୁର ଅଭିଯୋଗ ରହିଛି ।
ଏନେଇ ସୁଚନା ମୁତାବକ ୫ଲକ୍ଷ ୮୫ହଜାର ଟଙ୍କାର ଟାକ୍ସ ବସୁଲରେ ହେରଫେର କରିବା ଅଭିଯୋଗରେ ରେଡ ହୋଇଛି । 5ଟି ସ୍ଥାନରେ ୭ ଡିଏସପି ଓ ୧୪ଇନସ୍ପେକ୍ଟରଙ୍କ ସହ ୨୦ରୁ ଉର୍ଦ୍ଧ୍ବ ପୋଲିସ କର୍ମଚାରୀ ମିଶିକି ଏକକାଳୀନ ଭାବେ ରେଡ ଜାରି ରଖିଛନ୍ତି । ଏନେଇ ବିନୟ ତ୍ରିପାଠିଙ୍କ ୟୁନିଟ ୨ ସରକାରୀ କ୍ବାର୍ଟର ସମେତ ଖୋର୍ଦ୍ଧା ନିରାକାର ପୁରରେ ଥିବା ପୈତୃକ ଘର ଓ ନିରାକାର ପୁରରେ ଥିବା ତାଙ୍କର ଏକ ଫାର୍ମ ହାଉସରେ ମଧ୍ୟ ସର୍ଚ୍ଚ ଅପରେସନ ଜାରି ରହିଛି । ସେହିପରି ବରମୁଣ୍ଡାରେ ଥିବା ଏକ ଆପାର୍ଟମେଣ୍ଟ ସମେତ କେନ୍ଦ୍ରାପଡାରେ ମଧ୍ୟ ସର୍ଚ୍ଚ ଜାରି ରହିଛି ।
ସ୍କ୍ରାପ ବ୍ୟବସାୟିକଠୁ ଟ୍ୟାକ୍ସ ହେରଫେର
ଗତ ମେ ମାସରେ ତ୍ରିପାଠି ଓ ତାଙ୍କ ଏନଫୋର୍ସମେଣ୍ଟ ୟୁନିଟ ଯାଯପୁରରେ ଏକ ସ୍କ୍ରାପ ବ୍ୟବସାୟିକୁ ଧରିଥିଲେ । ଟ୍ରକ ବୋଝେଇ ସ୍କ୍ରାପ ନେଇଯାଉଥିବା ଟ୍ରକ OD-04-L-2233 ରେ ୮ଲକ୍ଷ ୮୯ହଜାର ଟଙ୍କାର ଜିନିଷ ଥିଲା । ଏନେଇ ଟ୍ରକ ଓନରକୁ ୩ଲକ୍ଷ ୨୦ହଜାରଟଙ୍କା ଡିପୋଜିଟ ପାଇଁ କହିଥିଲେ । ଆଉ ବେଆଇନ ଭାବେ ୨ଲକ୍ଷ ୫୦ହଜାରଟଙ୍କା ଦେଲେ ତାଙ୍କ ଗାଡି ଓ ଜିନିଷ ରିଲିଜ କରିବା ପାଇଁ ।
ଏହା ବି ପଢନ୍ତୁ- ଭିଜିଲାନ୍ସ ଜାଲରେ ଅତିରିକ୍ତ ଯୋଗାଣ ଅଧିକାରୀ, ବିଭିନ୍ନ ସ୍ଥାନରେ ଚଢ଼ାଉ ଜାରି - Vigilance Raid
ଯେତେବେଳେ ସେହି ସ୍କ୍ରାପ ମାଲିକ ଏନେଇ ଲାଞ୍ଚ ଟଙ୍କା ମିଳିନଥିଲା । ଏନେଇ ବାଧ୍ୟ ହୋଇ ଜବତ କରିଥିବା ସ୍କ୍ରାପକୁ ବେଆଇନଭାବେ ଆଉ ଜଣେ ସ୍କ୍ରାପ ବ୍ୟବସାୟିକୁ ୫ଲକ୍ଷ ୮୫ହଜାରରେ ବିକ୍ରି କରିଦେଇଥିଲେ । ଫଳରେ ଏଭଳି ବେଆଇନ କାରବାର ସାମ୍ନାକୁ ଆସଥିଲା ।
