ରାୟଗଡ଼ା: ପଞ୍ଚାୟତକୁ ବ୍ଲକ ଏବଂ ବ୍ଲକକୁ ଜିଲ୍ଲା ସଦର ମହକୁମା ସହିତ ଯୋଡିବା ପାଇଁ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆରମ୍ଭ କରିଥିଲେ ଲକ୍ଷ୍ମୀ ବସ୍ ଯୋଜନା । ଏହି ଯୋଜନା କାର୍ଯ୍ୟକାରୀ ହେବାର ୮ ମାସ ବିତି ଯାଇଥିଲେ ସୁଧା ଅନେକ ବସକୁ ରୁଟ ପରିମିଟ ନ ମିଳିବା ଫଳରେ ଖତ ଖାଇବାକୁ ବସିଲାଣି ବସ ଗୁଡ଼ିକ । ଏଭଳି ଘଟଣା ଦେଖିବାକୁ ମିଳିଛି ରାୟଗଡ଼ା ଜିଲ୍ଲାରେ । ଏଠାରେ ଅନେକ ବସ ଏବେ କାର୍ଯ୍ୟକାରୀ ହୋଇପାରୁନଥିବା ବେଳେ ବସ ଗୁଡ଼ିକ ଖତ ଖାଇବାକୁ ବସିଲାଣି ।
ଖତ ଖାଇବାକୁ ଲାଗିଲାଣି ଲକ୍ଷ୍ମୀ ବସ
ସୂଚନା ଅନୁସାରେ, ଗତ ୨୦୨୩ ନଭେମ୍ବର ୨୫ ତାରିଖରେ ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ଭଚୁଆଲ ମାଧ୍ୟମରେ ଲକ୍ଷ୍ମୀ ବସ ସେବା ଯାଜନାର ଶୁଭାରମ୍ଭ ହୋଇଥିଲା । ଉକ୍ତ ଯୋଜନାରେ ରାୟଗଡ଼ା ଜିଲ୍ଲାକୁ ୫୨ଟି ବସ୍ ଯୋଗାଇ ଦିଆଯାଇଥିଲା । ଜିଲ୍ଳାର ମୋଟ ୧୮୨ ପଞ୍ଚାୟତର ମଧ୍ୟରୁ ମାତ୍ର ୩୯ ରୁଟ ଚିହ୍ନଟ କରାଯାଇ ଏହିସବୁ ରୁଟରେ ବସ ଗୁଡ଼ିକ ଚଲାଇବା ପାଇଁ ଯୋଜନା ରହିଥିଲା । ଏଥିସହ ଏହି ବସ ଗୁଡ଼ିକ ଚଳପ୍ରଚଳ ପାଇଁ ପ୍ରାୟ ୩୦୦ଟି ବସ୍ଷ୍ଟାଣ୍ଡ ନିର୍ମାଣ ପାଇଁ ଲକ୍ଷ୍ୟଧାର୍ଯ୍ୟ ହୋଇଥିଲା । ହେଲେ ବର୍ତ୍ତମାନ ଯୋଗାଇ ଦିଆଯାଇଥିବା ୫୨ଟି ଲକ୍ଷ୍ମୀ ବସ ମଧ୍ୟରୁ ୧୧ଟି ବସ୍କୁ ଜିଲା ପରିବହନ ବିଭାଗ ତରଫରୁ ପରମିଟ ଦିଆଯାଇ ନ ଥିବାରୁ ବସ୍ ଗୁଡ଼ିକ ଖତ୍ ଖାଇବାକୁ ଲାଗିଲାଣି ।
ସରକାର ପରିବର୍ତ୍ତନ ପରେ ଠପ୍ ହୋଇଛି ଲକ୍ଷ୍ମୀ ବସ ସେବା
ନବୀନ ସରକାରଙ୍କ ସମୟରେ ଏହି ଯୋଜନା ଫଳରେ ଗ୍ରାମାଞ୍ଚଳରେ ବହୁ ଲୋକ ଉପକୃତ ହେଉଥିବା ଦେଖିବାକୁ ମିଳୁଥିଲା । କିନ୍ତୁ ନୂତନ ସରକାର ଆସିବା ପରଠାରୁ ଅଧିକାଂଶ ରୁଟରେ ଯାତାୟାତ ସୁବିଧା ଏବଂ ବସ ନ ଥିବାରୁ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏବେ ଏହି ବସ ଗୁଡ଼ିକ ଆରଏମସି ୟାର୍ଡରେ ପଡ଼ିରହିଛି । ବସ୍ ଭିତରେ ଚକାଚକ୍ୟ ଦୃଶ୍ୟ ଦେଖୁବାକୁ ମିଳୁଥିବା ବେଳେ ଟାୟାରଗୁଡ଼ିକ ଖରାପ ହେବାକୁ ବସିଲାଣି । ଯାହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ଲୋକେ ।
ଏହା ମଧ୍ୟ ପଢନ୍ତୁ: ବଦଳିଲା ଲକ୍ଷ୍ମୀ ବସର ନାମ, 'ମୁଖ୍ୟମନ୍ତ୍ରୀ ବସ ସେବା' ନାମରେ ଚାଲିବ: ପରିବହନ ମନ୍ତ୍ରୀ
ଗତବର୍ଷ ଆରମ୍ଭ ହୋଇଥିଲା ଲକ୍ଷ୍ମୀ ବସ୍ ସେବା
ସୂଚନା ଯୋଗ୍ୟ ଯେ, ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭର୍ଚୁଆଲ ମାଧ୍ୟମରେ ଗତବର୍ଷ ନଭେମ୍ବର ୨୫ତାରିଖରେ ରାୟଗଡ଼ା ଜିଲ୍ଲାରେ ଆରମ୍ଭ କରିଥିଲେ ଏହି ଲକ୍ଷ୍ମୀବସ୍ ସେବା । ଏହି ଯୋଜନାରେ ଜିଲ୍ଲାର ୧୧ ଗୋଟି ବ୍ଲକ ପାଇଁ ୫୨ ଗୋଟି ବସ୍ ଯୋଗାଇଥିଲେ ସତ, କିନ୍ତୁ ଯୋଜନା କାରଯ୍ୟକାରୀ ହୋଇ ଆଠ ମାସ ବିତିଯାଇଥିଲେ ସୁଦ୍ଧା ଅନେକ ବସ୍ କୁ ପରିମିଟ ନ ମିଳିବାରୁ ଖତଖାଇବାକୁ ବସିଲାଣି ବସ୍ ଗୁଡାକ । ସେପଟେ କ୍ୟାମେରା ସାମ୍ନାରେ କିଛି କହିବାକୁ ମନ କରିବା ସହ ଅନୁମତି ପାଇଁ ଆବେଦନ କଲେ ବିଚାରକୁ ନିଆଯିବ ବୋଲି ଆଞ୍ଚଳିକ ପରିବହନ ଅଧିକାରୀ ଶିବଶଙ୍କର ଶିବଶଙ୍କର ଚୌଧୁରୀ କହିଛନ୍ତି ।
ଇଟିଭି ଭାରତ, ରାୟଗଡ଼ା
