କଟକ: ସାମନ୍ୟ ଆଶ୍ବସ୍ତି ପରେ ପୁଣି କଟକରେ ଆରମ୍ଭ ହେଲାଣି ପ୍ରଚଣ୍ଡ ରୁଦ୍ରତାପ । ଯାହାକୁ ନେଇ ଜନସାଧାରଣ ଜୀବନ ଯାପନ ଏକ ପ୍ରକାର ଅସ୍ତବ୍ୟସ୍ତ ହେଲାଣି । ଆଗକୁ ଆହୁରି ତାପମାତ୍ରାରେ ପାରଦ ବୃଦ୍ଧି ଘଟିବ ବୋଲି ପାଣିପାଗ ପକ୍ଷରୁ ପୂର୍ବନୁମାନ କରାଯାଉଛି । ବର୍ତ୍ତମାନ ଦୁଇରୁ ତିନି ଦିନ ପାଗ ଟିକେ କୋହଲା ରହିବା ପରେ ପୁଣି ପ୍ରଚଣ୍ଡ ଗ୍ରୀଷ୍ମ ପ୍ରବାହ ଆରମ୍ଭ ହୋଇଛି । ଗ୍ରୀଷ୍ମ ପ୍ରବାହ ବୃଦ୍ଧି ପାଇବା ସହ ଅଂଶୁଘାତ ଆକ୍ରାନ୍ତଙ୍କ ସଂଖ୍ୟା ମଧ୍ୟ ବୃଦ୍ଧି ଘଟୁଛି । ତେବେ ଅଂଶୁଘାତ ମୁକାବିଲା ପାଇଁ ପ୍ରସ୍ତୁତ ପ୍ରକ୍ରିୟା ରହିଛି କଟକ ଏସସିବି ବଡ଼ ମେଡିକାଲ । ଟ୍ରମା କାଜୁଆଲଟିରେ ୧୦ଟି ବେଡ଼ ବ୍ୟବସ୍ଥା ରହିଛି । ଏହାସହ ଡକ୍ଟରଙ୍କ ନିର୍ଦ୍ଦେଶ କ୍ରମେ ବରଫ ସ୍ଲାବ ମଧ୍ୟ ରହିଛି । ଯାହା ଗୁରୁତର ଅଂଶୁଘାତ ରୋଗୀମାନଙ୍କୁ ଆଶୁ ଚିକିତ୍ସା ଯୋଗାଇ ପାରିବ ।
ରାଜ୍ୟରେ କିଛି ଦିନ କାଳବୈଶାଖୀ ବର୍ଷା ହେବା ପରେ ପୁଣି ଗ୍ରୀଷ୍ମ ପ୍ରବାହ ଅନୁଭବ ହେବା ଆରମ୍ଭ ହୋଇଛି । ତେଣୁ କଟକ ଏସସିବି ମେଡିକାଲ ପୂର୍ବରୁ ପ୍ରସ୍ତୁତି ଆରମ୍ଭ କରିଦେଇଛି । ମେଡ଼ିସିନ ବିଭାଗୀୟ ମୁଖ୍ୟଙ୍କୁ ଆବଶ୍ୟକ ମୁତାବକ ଡାକ୍ତର, ପାରାମେଡିକ୍ ଓ ନର୍ସିଂ ଅଧିକାରୀଙ୍କୁ ନିୟୋଜିତ କରିବା ନେଇ ନିର୍ଦ୍ଦେଶ ଦିଆଯିବ ସହ ଅଂଶୁଘାତ ସମ୍ପର୍କିତ ଔଷଧ ପର୍ଯ୍ୟାପ୍ତ ପରିମାଣର ରଖିବା ପାଇ ଷ୍ଟୋର ମେଡ଼ିସିନ ଅଫିସରଙ୍କୁ ନିର୍ଦ୍ଦେଶ ଦିଆଯାଇଛି । ଏହାସହ ଟ୍ରମା କାଜୁଆଲଟିରେ ୧୦ଟି ବେଡ଼ ବ୍ୟବସ୍ଥା ସହ ବରଫ ସ୍ଲାବର ମଧ୍ୟ ବ୍ୟବସ୍ଥା କରାଯାଇଛି ।
ଏହା ମଧ୍ୟ ପଢ଼ନ୍ତୁ...ଏସିବିରେ ପୁଣି ଦଲାଲ ସକ୍ରିୟ, ଧରିଲା ସ୍ୱତନ୍ତ୍ର ସ୍କ୍ୱାର୍ଡ - Broker Arrested In SCB
କିଛି ଦିନ ପୂର୍ବରୁ ଏସସିବିର ନନ ଟ୍ରମା କାଜୁଆଲଟିରେ ଏସି କାମ ନକରିବାରୁ ଅନେକ ରୋଗୀ ହସ୍ତସନ୍ତ ହୋଇଥିଲେ । ଅନ୍ୟ ଘରୋଇ ମେଡିକାଲକୁ ସ୍ଥାନାନ୍ତର ହୋଇଥିଲେ । ଏହାକୁ ନଜରରେ ରଖି ଉଭୟ ଟ୍ରମା ଓ ନନ ଟ୍ରମା କାଜୁଆଲଟିରେ ଯେପରି ଇଲେକ୍ଟ୍ରି ତ୍ରୁଟି ନରୁହେ ସେ ଦିଗରେ ଧ୍ୟାନ ଦେବା ପାଇଁ ମେଡିକାଲ କତ୍ତୃପକ୍ଷ ବିଦ୍ୟୁତ୍ ବିଭାଗକୁ ଅବଗତ କରାଇଛନ୍ତି । କାରଣ ବର୍ତ୍ତମାନ ସମୟରେ ଖରା ପୁଣି ପ୍ରଚଣ୍ଡ ରୂପ ନେବାରେ ଲାଗିଲାଣି । ତେଣୁ ଉପଯୁକ୍ତ ଚିକିତ୍ସା ଯୋଗାଇବା ପାଇଁ ଏସିବି ସମ୍ପୂର୍ଣ୍ଣ ପ୍ରସ୍ତୁତ ରହିଥିବା କତ୍ତୃପକ୍ଷ ସୂଚନା ଦେଇଛନ୍ତି ।
ଇଟିଭି ଭାରତ, କଟକ
