ଭୁବନେଶ୍ବର: ନ୍ୟାୟ ପାଇଁ ମହିଳା ଥାନାର ଦ୍ୱାରସ୍ଥ ହେଲେ ଯାତ୍ରା ଅଭିନେତ୍ରୀ ରାଣୀ ପଣ୍ଡା । ପ୍ରେମରେ ଧୋକା ଖାଇବା ପରେ ନ୍ୟାୟ ପାଇଁ ମହିଳା ଥାନାର ଦ୍ୱାରସ୍ଥ ହୋଇଥିବା ସେ କହିଛନ୍ତି । ପୁରୁଷ ବନ୍ଧୁ ବିକ୍ରମ ବିକାଶ ଦାସଙ୍କ ନାଁରେ ସଙ୍ଗୀନ ଅଭିଯୋଗ ଆଣିଛନ୍ତି ରାଣୀ ପଣ୍ଡା । ବିବାହର ପ୍ରତିଶ୍ରୁତି ଦେଇ ବିକ୍ରମ ତାଙ୍କୁ ଠକିଥିବା ସେ ଅଭିଯୋଗ କରିଛନ୍ତି । ବିବାହ ପ୍ରତିଶ୍ରୁତି ଓ ପରେ ପ୍ରତାରଣା ଅଭିଯୋଗରେ ଏତଲା ଦେଇଛନ୍ତି ଅଭିନେତ୍ରୀ ରାଣୀ ପଣ୍ଡା । ଏନେଇ ସେ ପୂର୍ବରୁ ସୋସିଆଲ ମିଡିଆରେ ମଧ୍ୟ ଗତ କିଛି ଦିନ ହେବ ଭିଡିଓ ଜାରି କରି ଆସୁଥିଲେ । ଭିଡିଓ ମାଧ୍ୟମରେ ପୁରୁଷ ବନ୍ଧୁ ତାଙ୍କ ସହ ପ୍ରତାରଣ କରିଥିବା ନେଇ ଅଭିଯୋଗ ଆଣୁଥିଲେ ।
ଅଭିଯୋଗ ଅନୁସାରେ, ପୁରୁଷ ବନ୍ଧୁ ବିକ୍ରମଙ୍କ ସହ ୮ ବର୍ଷ ଧରି ପ୍ରେମ ସମ୍ପର୍କ ରଖିଥିଲେ ରାଣୀ ପଣ୍ଡା । ବିବାହ କରିବେ ବୋଲି ପ୍ରତିଶୃତି ଦେଇ ଦୀର୍ଘ ଦିନ ସମ୍ପର୍କରେ ରହିଥିବାବେଳେ ପରେ ପରିବାର ସ୍ବୀକୃତି ନଥିବା କହି ବିବାହ ପାଇଁ ମନା କରିଥିଲେ । ଏହାକୁ ନେଇ ଆଜି ରାଣୀପଣ୍ଡା କ୍ୟାପିଟାଲ ପୋଲିସ ଷ୍ଟେସନରେ ମାମଲା ରୁଜୁ କରି ନ୍ୟାୟ ପାଇଁ ଦ୍ବାରସ୍ଥ ହୋଇଥିବା କହିଛନ୍ତି । ସେ ଆହୁରି ମଧ୍ୟ ଅଭିଯୋଗ କରିଛନ୍ତି, "ବିକ୍ରମ ପ୍ରେମରେ ଖାଲି ପ୍ରତାରଣା ଦେଇନାହାନ୍ତି ବରଂ ବିଭିନ୍ନ ଉପାୟରେ ଧମକ ଦେଉଛନ୍ତି । ଜୀବନରୁ ମାରିଦେବାରୁ ଧମକ ବି ଦେଉଛନ୍ତି । କର୍ପୋରେଟର ଓ ବିଧାୟକଙ୍କ ସାଙ୍ଗସାଥୀ ବନ୍ଧୁ ପରିଜନ ସମସ୍ତଙ୍କ ମାଧ୍ୟମରେ ଧମକାଉଛନ୍ତି ।"
ଏହା ବି ପଢନ୍ତୁ...ଜେଲ ଗଲେ ରସିକିଆ କନିଷ୍ଠ ଯନ୍ତ୍ରୀ, ଦୁଇ ଯୁବତୀଙ୍କ ସହ ପ୍ରେମ-ପ୍ରତାରଣା ଅଭିଯୋଗ
ତେବେ ବିକ୍ରମ ଭୁବନେଶ୍ୱରର ନୂଆଗାଁ ସାମନ୍ତରାପୁରର ଅଞ୍ଚଳର ହୋଇଥିବା ଜଣାପଡ଼ିଛି । ସେ ବିଭିନ୍ନ ଉପାୟରେ ଧମକାଉଥିବାରୁ ଜୀବନ ପ୍ରତି ବିପଦ ଥିବା ଅଭିଯୋଗ କରିଛନ୍ତି ଅଭିନେତ୍ରୀ ରାଣୀ ପଣ୍ଡା । କାରଣ ସେ ଜଣେ ପ୍ରତିଷ୍ଠିତ ବ୍ୟକ୍ତିଙ୍କ ପୁଅ ହୋଇଥିବାରୁ ରାଣୀ ପଣ୍ଡାଙ୍କ ଉପରେ ଚାପ ପକାଉଥିବା ଅଭିଯୋଗ ହୋଇଛି । ଏହି ସବୁ ଘଟଣାରେ ମାନସିକ ସ୍ତରରେ ଭାଙ୍ଗି ପଡିଥିବା କହିଛନ୍ତି ରାଣୀ ପଣ୍ଡା । ତେଣୁ ସେ ନ୍ୟାୟ ପାଇଁ ଥାନାର ଦ୍ୱାରସ୍ଥ ହୋଇଥିବା ନେଇ ପ୍ରତିକ୍ରିୟା ରଖିଛନ୍ତି ।
ଇଟିଭି ଭାରତ, ଭୁବନେଶ୍ବର
